ازاى لو الواحد اتاكد ان شخص تاجر مخدرات يبلغ عنه بدون انه يتعرف
عرض للطباعة
ازاى لو الواحد اتاكد ان شخص تاجر مخدرات يبلغ عنه بدون انه يتعرف
اظن و الله اعلم انك تروح لقسم الشرطه اللي انت تابع ليه في محل اقامتك و تطلب تقابل المأمور و لما الظباط يسألوك ليه قولهم عايزه في موضوع معين مش هينفع اتكلم فيه الا معاه
و لما تقابله هتلاقيه غالبا راجل وقور و متفهم و ذو خبره واسعه في الامور دي
اقعد معاه عرفه بنفسك و احكيله الحكايه و ايه اللي خلاك تشك في الراجل اللي بتتكلم عليه
و انت بس وضحلو انك مش عايز اسمك او اي حاجه عنك تتجاب في الموضوع و هو طبعا راجل كبير و فاهم كويس
بجد و الله ربنا يكتر من امثالك و يجازيك خير عن اللي بتعمله ده و تأكد ان ربنا لا يضيع اجر من احسن عملا
و كمان اقولك حاجه
هو هيفرح بيك اكيد زيي كده و اكتر لأنك لو كلامك و شكوكك في محلها يبقي جبتله ضبطيه مخدرات لحد الباب
اتكل علي الله و تبقي طمنا
متحاولش الا لو عندك ادله وقرائن ابسطها انك تعرف ميعاد تسليم
لشحنه او صفقه وتكون مظبط مع ظابط المباحث وتتصل بيه وتقوله علي الميعاد والمكان وتكون متاكد مليون في الميه
من اللي بتقوله
علشان لو ملاقاش المعلومات دي صحيحه
حيبقي انت ونصيبك واقلها حيكون فيه اهانه ليك
وازعاج سلطات وبلاغ كاذب
ولو الراجل طلع بريء او حويط ومعرفوش يمسكوا عليه حاجه
حيعرف انك انت اللي بلغت
لان زي ما انت ليك ناس جوه القسم هو كمان مظبط ناس جوه
ففكر صح وخطط وربنا معاك ويقدرك علي فعل الخير
واحب اقولك ان تاجر المخدرات مش بيمسكها بايده
صبيانه بيظبطوا كل حاجه
وهناك من يدعي الكحول ودا بيدخل يشيل الليله والتاجر بيصرف عليه
والموضوع كبير اهم حاجه ظبط حالك ومصادر المعلومات
والله هى المشكلة مش انك تبلغ عنه المشكلة الاهم انهم يمسكوه فى حالة تلبس عشان يبقا للبلاغ قيمة فكم من تجار معلومين للشرطة والقضاء ولا يثبت عليهم اى جرم
ربنا يوفقك فيما هو خير لك وللامة
مش بعيد تروح تبلغ . الحكومة تعمل معاه عقد احتكار لو شغله نظيف .!! :)
بكل مرارة هاقولك ...
بلاش
اكيد هما عارفينه وبيظبطهم كمان
ربنا يستر ومايكونش تاجر المخدرات عامل عضوية في المنتدى ورا الموضوع ده وخد باله :120146b
طبعا انا مش عارف ميعاد صفقة ومستحيل اعرفه :Copy of majd(4):
بس انا متاكد انه تاجر
تاجر مش موزع
انت ممكن تبعت أكتر من جواب لمديرية الأمن اللي انت ساكن فيها
وياريت يكون موقع على الجواب أكثر من شخص
الطريقة مجربة
لكن المديرية مش القسم
وربنا يحفظك ويعينك ويوفقك
فيه رقم مختصر للحالات دى بس للاسف مش عارفه
عموما ابسط حاجه ممكن تعرف من الدليل نمرة الاداره العامه لمكافحة المخدرات وهما يقولوهالك
انا مش مؤيد ان حضرتك تسكت زى ما معظم الاخوه هنا قالوا
انسى
الناس دى معروفه بالاسم
وانت مش اشطر من المباحث وتحرياتها
بس السؤال اللى المفروض نجاوب عليه
ليه سايبينهم
لو عرفت الاجابه هتعرف ليه بقولك انسى
لو انت متأكد فعلا
ممكن تكتب جواب و تبعتة للادارة العامة للمكافحة و واحد تانى للمديرية و حاول تشرح فية كل حاجة و كل الوقائع و المعلومات اللى عندك و لو مش عايز تذكر اسمك مش مهم بس المهم ان الجواب يبقى فية معلومات ترجح صحة الاتهام عشان يعملوا التحريات اللازمة و يتأكدوا انة مش بلاغ كيدى .
و يا ريت متسكتش احسن هزعل اوى .
الناس دى معروفه بالاسم
وانت مش اشطر من المباحث وتحرياتها
بس السؤال اللى المفروض نجاوب عليه
ليه سايبينهم
بالظبت كدة زى ما قال ابو مريم الناس دى معروفة بالاسم وهما لما بيكونوا عيزين حد ولا حد منهم قصر معاة بيروحو يسحبوا من بيتة زى الخروف