طرمبة ولا رشاشات

**zoz95** · 10-05-2009 11:35 PM

معايا لانوس 99عاملة 185000 العربية فيها رجرجة و هية دايرة وفى المشى سعات ماشية كويس و سعات تانية كتير العربية تتخنق جامد لو كبست مفاجأ غيرت فلتر بنزين و بوجيهات و سلك بوجيهات و نضفت الايدل كنترول و المانفولد وبصيت على الكتينة وغيرت علبة البيئة وكل ميكانيكى اروحلة يعمل حاجة من اللى فاتو و طبعا ادفع مصنعيات عند كل واحد لدرجة فى واحد غسل ماتور العربية قال علشان تفوق المهم علشان ماطولش اكتر من كدة لو حد يعف السبب اكون شاكر جدا

**moby** · 11-05-2009 09:49 AM

ممكن بوبينة ضعيفة ....

**MMamdouh** · 11-05-2009 11:05 AM

لو رشاشات يبقى اداء العربية مش حيتحسن تحت اى ظرف

الطلمبة لو ضعيفة حتعمل كدة... جرب لما تتخنق بطل و دور تانى... لو فاقت تبقى طلمبة

البوبينة ممكن تعمل كدة برضة و سهل تاخد بوبينة من حد صاحبك تجرب بيها قبل ما تشترى واحدة ب 500 جنية

MMamdouh

**samirayad** · 11-05-2009 03:34 PM

طبعا البوبينا والطلمبه أحتمالات وارده جدا ................

_ ولكن لى رأيى بسيط .....حيث أننى أعرف أن الموديل ده فيه بلف Egr

.....فياريت تجرب تفصل البلف عن مجمع الهواء .....بحيث نخللى الهواء اللى داخل لغرف الحريق نظيف تماما .......لأن البلف ممكن يكون بايظ .............................

_ دا غير أنى برضه أنصح بالأطمئنان على كفاءة خرج الدينامو .....ونظافة الأتصال الأرضى للبطاريه .......

_ وأيضا أنصح بالتأكد من خرطوم حساس الماب ( يكون سليم ومش مشروخ ولا ناشف ولا به سدد جزئى مثلا ).........

_ برضه أنصح بالتأكيد على كفاءة حبك جسم الخانق .....وأن مفيش هواء يكون بيدخل لمجمع الهواء من منطقة جسم الخانق ......ولا من حول بلف الأيدل ( لأنك بتقول لسه منظفه ......وممكن يكون الرنج بتاعه مش قاطع كويس )....................وبالتوفيق