سمعت من واحد صاحبي ان اي واحد عنده عربية ممكن يوديها التوكيل او ورشة عشان يخلي السقف بتاع العربية بيتفتح
سواء بالكهرباء او يدوي
فهل الكلام ده صحيح ولا لأ ؟
ولو صحيح ليه محدش خالص بيعمل الحوار ده ؟
وبتتعمل علي اي عربية ؟
وتكلفتها كام ؟
عرض للطباعة
سمعت من واحد صاحبي ان اي واحد عنده عربية ممكن يوديها التوكيل او ورشة عشان يخلي السقف بتاع العربية بيتفتح
سواء بالكهرباء او يدوي
فهل الكلام ده صحيح ولا لأ ؟
ولو صحيح ليه محدش خالص بيعمل الحوار ده ؟
وبتتعمل علي اي عربية ؟
وتكلفتها كام ؟
طبعا موجود
وفي عند ارابكوم والكهرباء بيتكلف حوالي 3500 جم
قصدك فتحت سقف؟؟؟؟؟
عادى فى كتير بيعملوها اشهرهم ارابكوم
لا مش فتحة سقف
انا قصدي ان سقف العربية يتفتح كله زي البي ام دي :
http://www.car100100.com/car_images/...1595/front.jpg
بتتعمل يا باشا
بيشيل السقف بالقوايم وبيعملك سقف جلد تفصيل متحرك
بس مش بتكون زى الاصلى
اعتقد مش هيكون قد كدة الفابريكة فابريكة
الفبريكه فبريكه يا مان وبلاش تلعب فى الامان بتاع العربيه
شكرا يا رجالة
اوعي تعملها يا برنس العربية بتتشاف بالسقف لو السقف عامل حادثة المشكلة في كدة بتشيل السقف و تعمل الكلام دا غير كدة لأ اوعي علشان الفابريقة
الله .. أول مرة أعرف المعلومة دي
منكم نستفيد
الموضوع يا جماعة مش موضوع فابريكة و مش فبريكة الموضوع اكبر من كدة بكتييييييييير
علشان العربية لو اصلا كابورليه بيبقى ليها حسابات تانية من ناحية الأمان حد يعرف ان الاطار بتاع الأزاز فى البى ام اللى فى الصورة بيستحمل وزن العربية كله لو اتقلبت لا قدر الله دة غير حاجات تانية كتير الموضوع مش موضوع شكل و خلاص
فعلا انت عاوز مثل تشيل السقف اخيل لو حبيت تبعها هايبقي سعرها عامل ازاى اذا كان يوم لما بتفك السقف بيفكرو ان العربيه عملت حادثه او اتقلبت فشوف انت بقي يوم متحب تشيلو خالص دة لو انت فكرت او غيرك يعنى ممكن يقولو العربيه وقعت من فوق كوبري ولا حاجه
انا مره غيرت لون العربيه وقولت اعمل لون مميز مفيش فى مصر زيه وفعلا عملت كده وغيرت اللون وانا نفسيا كنت مبسوط لانها كانت مميزه جدا فى اسكندريه ويوم ماقولت عاوز ابيعا كان يوم عملت اعلانات فى الجرايد كل اللى يشوفها يقولى سعر قليل اصل انا لسه حغير لونها عشان ترجع للفابريقه وفى النهايه بعتها بتمن قليل جدا فما بالك انك تقص السقف ....
سبحان الله
مش عارف ايه حكايه الفبريكه بتاعه المصريين دي
انا كان عندي لانوس..ورشيت التابلوه بتاعها والابواب بلون بيج فاتح..وغيرت الفرش الجدل بتاع الابواب بنفس اللون
المهم
الكل قالي..نهارك ازرق
مش هتعرف تبيعها ..الا لو غيرت التابلوه والابواب
.......
مش عارف ليه السوق في مصر بيقف على حاجات شكليه
يعني
متعرفش تغير لون عربيتك زي ما انت عاوز
متعرفش تقص في الرفارف او توسعهم
متعرفش تغير شنطتها بواحده تانيه عاجباك
متعرفش تعمل سقف مفتوح لو حبيت
متعرفش ترش التابلوه بلون انت بتحبه
متعرفش تعمل اي حاجه في عربيتك...يقولك عشان الفبريكه
دي حاجه تفلق