سمكرت ورشيت ولي تساؤل هـــام !!

**CryptonX** · 26-09-2007 02:37 PM

السلام عليكم

ولله يا جماعة بقالي فترة مكسل اعمل العربية , كان الاكصدام الفبر الأمامي متدغدغ و في خبطة بسيطة في الخلفي و الشنطة ( بسيطة و ساعات غير ملحوظة )

رحت الحرفيين , قالولي 3 ايام 750 جنيه .. ( رش اكصدام ورا و قدام و الشنطة و السمكرة )

المهم واحد ابن حلال عرض عليا اروح لواحد معرفة وراء سور العاشر علطول .

فقلت ارحلوا .. متفقتش على سعر و قالي حتاخدها في نفس اليوم بليل , يا بكرة الصبح , علشان هو كان فاضي و مش وراه شغل .

المهم الساعة 9 بليل كلمني .. قالي تعالى استلم .. رحت كان باليل طبعا .. صراحة ان دي تالت مرة ارش و اسمكر .. فحسيت انه الشغل كويس بس على قده ..مش 100% قول 80% مثلا . بش انا ماكنتش معارض . .اي حاجة افضل من شكلها قبل الرش .. المهم الراجل طلب 300 جنيه بس !! انا زهلت .. و مفاصلتوش في جنيه واحد .. بس قالي تعالي بكرة الصبح علشان نلمع العربية كلها .

المهم صحيت الصبح .. نزلت جري علشان أشوف السيارة في النور .. اللاكصدامين زي الفل و اللون مظبوط .. طبعا بيلمعوا جدا مقارنة بالسيارة .. بس جيت لقيت حاجة غبية الراجل عملها ..

عندي حتيتين بلاستيك كدة في اخر الاكصدام , عواكس يعني .. معرفش الراجل اعمى ولا ايه خادهم معاه في الدهان .. هل ليها حل ؟؟

المشكلة التانية , الشنطة ملمسها خشن خشن خشن و مش بتلمع خالص . .كأنها matte مش لميع و تحسها كدة متصنفرة .. فايه الي حصل بالظبط ؟؟؟ حد يعرف ؟ و اقولوا ايه لما اروحلوا ؟؟

**CryptonX** · 26-09-2007 02:54 PM

الله يطمنك يا استاذ ميمو !!

الدهان محبب و معتقدش انه واخد ورنيش ...

**CryptonX** · 26-09-2007 03:29 PM

فهمت قصدك . .يعني هو دخل اللاكصدامين الكابينة .. و نفض للشنطة :) اما اروحلوا بس .

ولله يا أستاذ ميمو انا مفاصلتش معاه في شلن .. فزي مأنا اديتو حقوا كامل . اتوقع اخد شغل كامل . حروحلو واعد على ايدو :)

شكرا مرة تانية

**hazem_khidr** · 26-09-2007 07:54 PM

الثنر مش عارف حيطلع البويه ولا لاء لانه لو راشش فرن التنر مش بيعمل حاجه مع بويه الفرن.
بالنسبه للشنطه ف ممكن تتلمع تاني و حتبقي كويسه باذن الله

**Akram** · 26-09-2007 08:11 PM

على فكرة التنر بيتفاعل مع البلاستيك يعني لو طلع البوية فيخلي البلاستيك لونه مجير و لا يمكن يبقى لميع.

**CryptonX** · 27-09-2007 12:09 AM

رجعت الحمد الله يا جماعة :)

ظلمت الراجل في موضوع العواكس ,, هو كان حاطط بلاستر ورش فوقيه .. بس نسي بشيل اللبلاستر قبل مايسلمني .. بالنسبة للشنطة , هي مش محببة هي بس مطفية تماما وخشنة . و المياة حتى مش بتمسك فيها .. بس دي مشكلة تلميع و ورنيش و حعملها بكرة انشاء الله , شكرا ليكم جميعا .