لو قد لك انك تقابل الولد
الى خدش وجرح عربيتك بمسمار وهى واقفة(على سبيل التسلية)
حتعمل معة اية؟
عرض للطباعة
لو قد لك انك تقابل الولد
الى خدش وجرح عربيتك بمسمار وهى واقفة(على سبيل التسلية)
حتعمل معة اية؟
مش عارف بس هايخد الي فيه النصيب
يعني ممكن شلوت لو حيستحمله
ممكن اكعوره في شنطه العربيه وعلي اقرب قسم هما بقي يعلمه اهله ازاى التربيه
لو له اهل يبقا هاخدة من افاه بعد ضرب خفيف عليهم عشان اوريهم التربيه وافرج عليهم الشارع
لو ملوش بقا يبقا هياخد اللى فيه النصيب لأن الواحد بيكون في قمة نرفزته و هوا شايف عربيته بتتخربش و تبوظ اودامه بدون ادنى سبب منه غير سوء تربيه و ظروف منيله الكل بيعيش فيها
انا مرة شوفت واحد بيتسلى على عربيه واحد معرفوش و انا ماشي و للأسف الشارع كان زحمه على ما ركنت كان مشي
كنت ركنت عشان انزله
لكن كنت هعمله ايه بالظبط ساعتها مقدرش احدد قبل ما نزل
الموقف بيفرض عليك انت ناوي تعمل ايه
بس اشووووووووووووووووووووووو ووووووووووووووووووووووووو ووووووووفه
الموضوع كله يتلخص فى كلمه واحده هنفخه لحد ما يبنله اصحاب
هاسامحة وهادعيلة ان ربنا يهدية ويصلح حالة
هارسملة لوحة تشكيلية على وشة زي اللي رسمهالي على العربية
هاخربشله وشه بمسمار (على سبيل التسلية برضه)
عموما فى اى حاجه قطتى جمل
عالقسم على طول الضرب مش هيصلح العربية
بص على أد ما الواحد هيبقى متغاظ
بس معتقدش انى هاضربه او اعمله اى حاجه
لان مهما عملت فيه الخدوش مش هتتشال
وبرضه مهما عملت فيه عمره ماهيبطل يعمل كدا
اهله اولي بتربيته
ولا القسم هيجيب حقك يعنى يبقى مفيش احلى من تانيب الكلام
القسم ماينفعش فى الحجات دى ولا أهله
هوه كام قلم وحجات من دى ويروح لحاله ...والواحد يهدى شويه
و الله لا انفخة و لو لي اهل حانفخهم عشان ماربهوش
حصلت معايا ايام الفيليشيا :)
والدي اخده من قفاه علي القسم و عملله محضر اتلاف عمد و فضل وراه لحد ما اتحبس
و كان شاب علي فكرة مش طفل
هعملوه فن سريالى فى اماكن متفرقة من جسمه
معلش هو الي اتسجن ده كان جرح العربية و لا عمل ايه ?
اصل صعب قاضي يسجن واحد عشان جرح عربية ده حتى لو كسر فيها حاجة مش هايتسجن برضه و كبيره يتحكم عليه بتعويض عادة بيكون هايف..غير ان تكاليف التقاضي هاتكون اعلى من تصليح العربية بكتير..
ياريت تقولنا عملتو ايه بالظبط..
هاحاول أفهمه غلطه على امل إنه ميكررهاش
وعلى امل إنه لو شاف حد بيعملها ينهاه عن فعلها
لأني شايف ان أي رد فعل تاني مش هايخليه يبطل يعمل حاجة زي دي
مش بعيد يرجع ينتقم :)
في منطقة عشوائية من مناطق الجيزة .
كنت لسة راكن و رايح مشوار هام .
و ببص لقيت عربية 128 خضراء اللون راكنة على الجنب التاني و على فكرة الشارع كان فاضي من العربيات إلا القليل .
المهم لقيت ولد ماشي مع أمه المبجلة .
تمام .
الولد ماسك فردة جزمة قديمة و أخد العربية الفيات 128 من أولها لغاية أخرك حك بالجزمة !!!!!!!!!!
و أمه على فكرة ماشية جنبه !!!!!!!!!!!!!!!
أنا بصراحة أتنرفزت و قلت لازم أعمل حاجة
بعد ما فتحت بوقي .........
أمه قالتلي هي دي كانت عربيتك محموق قوي كدا ليه ؟؟
طبعا أنا فتحت عربيتي و ركنتها في مكان تاني خالص .......... عند واحد معرفة و مشيت مسافة أطول .
لأن برضه عربيتين القديمة أخدت خط لذيذ من الكحت في المنطقة دي بسبب عيل ابن ستين تيت ...... و المصيبة أن أهاليهم زيهم !!!!!!!!!!!!!!!!!!!!!!
يبقى العيل مين اللي هايربيه ؟؟؟؟؟؟؟؟؟؟؟
إذا كان أهله ناقصين تربية و أخلاق !!!!!!!!!!!!!!!!!!!
عموما أنا لو شوفت حد بيعمل كدا .... معرفش أنا هاعمل أيه ؟؟؟؟؟؟؟؟؟؟
القسم ....... الواحد زهق من الطريقة اللي الأقسام شغالة بيها .
لو ضربته ...... و أنت ساكن في نفس المكان أو بتتردد على المكان كتير ....... الواد ممكن يرجع تاني و يعمل حاجة أسخم و أسوء من تكحيت الصاج يعني ممكن يكسر فانوس أو زجاج أو يحطلك مسامير تحت العجل .
الحل الوحيد انك تكظم غيظك ........ و تكلمه براحة و خلاص و تفهمه أن ده غلط .
حضرتك بتقول انك جيت تفهم امه معجبهاش يبقا الولد هيفهم ربنا يهدى
حصلت مره معايا كنت راكن العربيه وواقف مستنى زميلى وواقف بعيد عنها لاقيت ولدين بتوع 2 اعدادى كده وواحد فيهم ماسك عصايه وماشى ياخد العربيات المركونه من اولها لاخرها وطبعا عربيتى كانت من ضمنهم اول ما اخدت بالى طيرت وراه واول حاجه عملتها كان قفا محترم لدرجه الواد استغرب وقالى فى ايه ياعم شديته من قفاه ووريته العربيات اللى جرحها وكل عربيه قدامها قفا لحد ما الناس جت و سلكوه من ايدى علشان ميفكرش يعمل كده فى اى عربيه تانى
حصلت معاى اول مره مسكته ورحت بيه لاهله
رجع تانى يوم نفس الكلام حبسته عندنا فى مدخل العماره لغايه ما اهلو دورو عليه فى المنطقه كلها واستلموه من عندى
بس كان يوم عملتله عقده نفسيه قعد بتاع 3 ساعات فى المدخل عندنا وانا تحت رايح جاى بخراطيم وسيور كاوتش قدامه اقول لاخويا لا بلاش ده هيعوره جامد هاتلى الخرطوم الكبير من جوا :)
من يومها مش بيقرب من العربيه اكتر من 10 متر ومعملتش مشكله مع اهله لانى ملمستوش اساسا
هرسمله لوحه سرياليه تكعيبيه (بما انى فى كليه فنون)بنفس الاسلوب اللى استخدمه الفنان الزميل فى تجميل عربيتى
بس المشكله انه مش هيلاقى معجون استوك عشان يعرف يرجع وشه زى الاول
انا هاكله على افاه
واخد حقى وقتى
هو لو له اهل يربوه ماكنش عمل كده
لو روحت لاهله بالكتير هيزعقوله قدامى
ويمكن يمسكو فيا انا :44:
يبقى افضل حاجه اخد حقى واسيبه يغور فى داهيه
لأ انت كده بتتكلم في المسؤلية المدنية ودي بيكون حقك فيها التعويض وبيكون على حسب ما القاضي يقدر الضرر
لكن في القانون الجنائي في حاجة اسمها جنحة إتلاف عمد، ودي بتكون على كل من يحدث ضرر أو إتلاف بمال الغير بشكل متعمد ودي عقوبتها حبس أو غرامة حسب تقدير القاضي
والدعوة الجنائية ملهاش مصاريف تقاضي أصلا، صاحب الحق بيقدم شكوى للنيابة العامة وهي بتتولى إقامة الدعوة
أما موضوع ليه القاضي حكم بحبس فبلاش إحراج بقى زملاء وبيجاملو بعض :E_braces[1]:
بس كان حبس مخفف اسبوع باين لكن كفاية يخلوه يحرم يدخل شارع فيه عربيات اصلا, و هو ده الصح لو كل واحد مسك حد مبوظ سيارته و مسابوش إلا و هو محبوس محدش هيستخف بحرمة ملكية غيره
انا صوت علي تأنيب بالكلام لان ده هو الي حصل معي اكثر من مره بس انا لي رائ بتختلف علي حسب الحاله النفسيه يعني مره كنت في زياره اقارب للمباركه علي الزفاف وخرجت لاقيت الواد ماسك طوبه ومروق شنطة العربية كلمته وعرفته غلطه بس العربية كانت 128 مرة تانية ماسك مسمار امام البيت ومروق الشنطه برده مش عارف ايه حكاية الشنطه دي بس كانت العربية الانسر برده فهمته غلطه وكلمته بالزوق وكمان كنت خارج من المسجد بس بصراحه عملت كده لاني كنت خايف اضربه يرجع يعملي مصيبه اكبر
المره الاخيره كانت في اليارس وايه زيرووووووووووو بس مروقلي الاربع بيبان بس الحمد لله خلص الحوار علي 58 جنيه ومشفتش الي عملها بس متهيقلي كده لو كنت شفته كنت ربطه في الجنينه لحد مييجي اهله يستلموه
فهي وكما ذكرت تختلف علي حسب الحاله المزاجية
تعليق مختصر بس موتني من الضحك
:C_laugh[1]::C_laugh[1]::C_laugh[1]:
:C_laugh[1]::C_laugh[1]::C_laugh[1]:
احييكـ يا استاذ احمد
________________
انا شخصيا عن حالي بالاساس مش عصبيه خالص
فممكن بحكي معه و بساله ليه عمل هيك و بفهمه بالراحه ان ده غلط.
و ممكن اقوله يوديني لاهله و يعرفني عليهم و اعرف ظروفهم يمكن يكون الولد متربي في وسط اجتماعي فقير خلاه في ظروف نفسيه تخليه يتصرف هيك فأشوف كيف ممكن اساعده، او يكون متدلع اوي فلازم اهله يعرفوا و ينتبهوا عليه و يعلموه كيف يميز بين الصح و الغلط.
انا مش راح مد ايدي علي طفل صغير بس التصرف بالغالب راح يكون مع اهله و اكيد راح حاول بكل الطرق اعرف طريقهم.
يبقى ربنا كتبله عمر جديد علشان هنفجر فيه والشارع ورايا
دة اللي بيسند بس علي العربية بديلة اللي فية الخير
تصور انت بقي اللي يجرحها
أنا بالنسبالي أنسب حاجة التأنيب بالكلام..ولو شفت البواب قريب هخليه ييجي يديلو على قفاه..لكن مش أكتر من كدة..
الهدف من اللي هعمله مش الانتقام..الهدف اني أعلمه وأفهمه غلطه..لو كبير شوية وعنده ضمير يمكن ضميره يأنبه ويفكر قبل ما يعمل كدة تاني..لو طفل صغير يمكن يتأثر..زي ما أحمد السقا كان بيعمل مع الولد الصغير ف فيلم تيتو..بيلحقه قبل ما الموضوع يستفحل فيه
أما الانتقام ف ملوش لازمة ومش هيجيب نتيجة إيجابية لو ضربت الولد وبهدلته ممكن يتعقد زيادة ويرجع ينتقم أكتر سواء فيا أو يكمل اللي بيعمله مع غيري وميبطلش..واهو عوضي على الله..الواحد هيعمل ايه..يمكن ربنا شال عني حاجة أكبر ممكن تحصل..واهي تاخد العين..مع ان حرقة الدم على أول خدش بتبقى آخر حاجة..لكن بعد كام واحد الواحد مبيهموش أوي.
ليا تعليق بس على كلام حضرتك مع احترامي الشديد..مش كل اللي هيروح القسم يعمل كدة هياخد حقه..حضرتك حصل معاك كدة عشان كان ليك معرفة هناك..لكن ف الأغلب مفيش حاجة بتحصل..
ده في مصايب وسرقات بتحصل ف بيوت بمبالغ وتلفيات ف ممتلكات ومحدش بياخد حاجة ف الآخر.
أنا الحمد لله لسه متحطتش في الموقف ده بس شايف ان لازم الواحد قبل ما يتصرف يحسب رد فعل تصرفه كويس، يعني لو الموضوع حصل في منطقة سكنك فيه احتمال ان اللي خربش عربيتك و ضربته ده ياخد الموضوع عند و انتقام و سيادتك طبعا مش نايم في حضن العربيه و خصوصا باليل.
احيانا بحس لو عيل صغير و خدته بالهدوء و الذوق و احتويته ممكن يحترمني و يقتنع بكلامي لأن ده الشيء اللي هو مفتقده من أهله و عشان كده نزل الشارع يخرب في عربيات الناس.
بس طبعا فيه عيال و احيانا شباب متشرده و معقده نفسيا و بتعمل ده لمجرد التسليه بدون أي اعتبارات لصاحب العربيه في الحاله دي ممكن يكون فيه توبيخ عنيف بس معتقدش هيوصل للضرب الا اذا كان شخص مستفز عامل بلطجي و عايز يتضرب ده كلام تاني.