معروض عليا 230 موديل 80 كاملة مانيوال رشة دواخل و خوارج ب25000ج برجاء الافادة فى السعر و استهلاك البنزين و معلش انا شوفتكم بتتكلموا عن المكنة البيضا و السودا يعنى ايه و ايه الفرق و اسف للاطالة.
عرض للطباعة
معروض عليا 230 موديل 80 كاملة مانيوال رشة دواخل و خوارج ب25000ج برجاء الافادة فى السعر و استهلاك البنزين و معلش انا شوفتكم بتتكلموا عن المكنة البيضا و السودا يعنى ايه و ايه الفرق و اسف للاطالة.
المكنة البيضة كاربراتير السمرا انجكشن وده بيفرق في استهلاك البنزين ..
السعر كده قليل جدا و بشكل مش طبيعي !
انا كان معايا 200 مو 80 و بعتها من 3 سنين تقريبا ب 54 و كانت محتاجة شغل كتير في الموتور و العفشة كمان ..
شكرا للرد بس هى رشه جوه فهل سعرها كويس و فى اعادة البيع هبيع بسرعة و لا ؟
الكلام عن السعر لازم يكون عن طريق المعاينة و لكن من الواضح ان سعرها منخفض جدا و اقل من سعر السوق 20 الف تقريبا..
عموما العربيات القديمة ذات المحركات الكبيرة قل الطلب عليها حاليا و لم تعد مطلوبة
رشه دواخل تقلق خدها لسمكرى حوادث يكشف عليه و متقلش رشه نضافه
خلى بالك علشان المرسيدس بيضرب لة نمر ورخص وميكونش ليها ملف فى المرور يعنى للامان روح معاة المرور وجيب شهادة بيانات وخلى بالك مرسيدس 230 ضريبتها السنوية 1000جنية ودة الحد الادنى لان العربية قديمة وربنا يوفقك
أنا معايا واحدة 200 موديل 80 مكنة بيضاء وحالتها كويسة واستهلاك بنزينها طبيعى بالنسبة لموتور 2000 سى سى وطبعا كل قطع الغيار متوفرة بس فعلا مبقاش عليها الطلب مع إنها ماشاء الله عربية محترمة..
الأخ الفاضل / Original
أولاً : كل عام وسيادتكم بخير بمناسبة الشهر الفضيل
ثانياً : هل السيارة المرسيدس 200 مازالت معك ؟ وهل تعرضها للبيع
إذا كان الأمر كذلك أرجو منك التكرم بالاتصال بى لرغبتى فى شرائها
ولكم جزيل الشكر