دوس كمان شوية يا خالد عشان مش كل شوية توكيل و تضيع وقتك معاهم
عرض للطباعة
انا نفسى اتعلم كل حاجه فى سيارتى لكن صعب طبعا
بس بجتهد على قد ماقدر
ياريت كلنا فعلا نحاول نعرف كل حاجه فى السياره
على الاقل نخلص من جشع الصنايعيه
انا ممكن اغير البوجيهات والعجل واغير الزيت بتاعها ولو فى حاجة فى البكات بتاعة الهوا بتاعة الكاربيتير ممكن افكه وانظفه وبسيط اوى شغل الكهرباء.. ولكنى بحب الميكانيكا أكتر مع انى مهندس كمبيوتر
بروح للميكانيكى فى التقايل بس
الحاجات الصغيره بعملها
انا كنت راكب سوبارو ليون 1982 والعربيه دي نمت في حبي للدعبسه والميكانيكا فكنت بغير بوجيهات وسير دينامو وانظف كربراتير واظبط هوا وسلانسيه وانظف رادياتير واغير تيل امامي وخلفي واعمل جوانات لطرمبه الميه من الورق الحراري .... ولما ربنا كرمني بالاوبل اول ما فتحت الكبوت حسيت بغربه ولكن مع الوقت بدات اعرف اساسياتها وعملت فيها حجات كتير بنفسي زي تغيير القربه وشجره الخراطيم كلها وغيرت كوعه الترموستات وغيرت البوجيهات والبطاريه واعرف ابرمج الازاز الكهربا وغيرت جوان وش التاكيهات وغيرت فلتر البنزين والهوا وفلتر التكييف ... وفي العفشه غيرت عمود الميزان وتيل خلفي . وفكيت فرش الاربع ابواب ونظفت مجاري الازاز . بس مشكلتي هي قله الوقت عشان كده اجازتي بقضيها مع مراتي التانيه ( حبيبتي عربيتي ) .
ايوة طبعا
تقريبا كل حاجة بعملها بنفسي ومبحبش حد يلعب فيها كتيير
حتي لغسيل مبحبش حد يغسلها حتي لما اروح المغسلة انا اللي بغسلها