3 أيام قضاها في الشارع ..فأنقذه النمل من الموت

**Hossam_Hassan** · 26-09-2007 04:23 PM

كتب حجاج سلامة ٢٦/٩/٢٠٠٧
ثلاثة أيام كاملة ظل فيها الشاب «الطيري محمد شرقاوي» ملقي علي الأرض ومغشياً عليه في شارع مدرسة الصنايع، لم يلتفت إليه أحد الباعة الذين يكتظ بهم الشارع، حيث اعتبروه بائعاً متجولاً أرهقه العمل وراح في نوم عميق،

ولم ينتبه أحدهم إليه إلا بعد تجمع أسراب النمل حوله، حيث اتخذت من جسمه مأوي لها، فحاول أحد المارة إيقاظ الشاب الملقي علي الأرض وإنقاذه من النمل، لكنه لم يفق، فسارع المارة والباعة بنقله إلي مستشفي الأقصر الدولي، وتبين أنه تعرض لجلطة مفاجئة في المخ، سقط علي إثرها مغشياً عليه، حتي أنقذه النمل وإن تسبب في إصابته بتآكل في الصدر والأطراف وتحسنت صحته.
----------------------------------------------------------

حتى لو كنت مشفتوش، مكسوف من نفسى لأنى غالبا مكنتش هاتدخل و هقول ده واحد من المجانين اللى هايمين فى الشوارع أو المتسولين اللى بيطاردونا، بس ياترى الغلط عند مين؟ عند المجنون أو المتسول و لا عند اللى ساب المجنون فى الشارع و خلى المتسول يتسول؟

**Heshaam** · 26-09-2007 05:06 PM

حتى لو كنت مشفتوش، مكسوف من نفسى لأنى غالبا مكنتش هاتدخل و هقول ده واحد من المجانين اللى هايمين فى الشوارع أو المتسولين اللى بيطاردونا

+10000000000000000

ربنا يرحمنا برحمته ويحنن قلوبنا على بعض

**hazem_khidr** · 26-09-2007 07:54 PM

:( :( :( :( :( :( :( :( :( :(
اللهم ارحمنا يا ارحم الراحمين.
خلاص وصلنا لزمن ان ما عدش فيه نخوه ولا انسانيه.

**Akram** · 26-09-2007 08:47 PM

بس حقيقى الواحد لو شاف حد نايم في سوق ، بالتأكيد هيقول انه بائع و نايم من الإرهاق أو ده من أولاد الشوارع الهايمين في اي مكان و بيناموا في اي مكان أو ده من المجانين و نايم و مش همه اي حاجة , و أعتقد ان أكثر حد مسئول عن حاجة ذي دي اللي موجود جنبه سواء كان بائع أو صاحب محل لإنه أولاً هيكون عارف إذا كان ده بائع زيه ولا لأ ، و كمان هياخد باله انه بقاله فترة في المكان ده , و المفروض يحاول يصحيه و يشوف ايه حكايته.....
إذا كنت بعفي نفسي من المسئوليه تجاه الشخص ده فده مش معناه اننا تمام , يعني الواحد بيشوف أولاد الشوارع في أماكن كتيرة , بيعمل ايه , ولا حاجة :shock: و بنقول يا عم انا مالي و مالهم, و من كتر المتسولين اللي بياخدوا الموضوع مهنة لو شفت واحد مريض و محتاج للمساعدة هقول دا بيتمارض علشان ياخد فلوس,
الواحد أحياناً مبيبقاش عارف ايه الصح و ايه الغلط و يعمل ايه مع النوعية دي.

** اللهم ان نسألك الهدى و التقى و العفاف و الغنى **