صوت طقطقه مع لف الدركسيون للشمال .. كوبلن ولا علبه دركسيون

**Migo123** · 26-09-2007 04:50 PM

يا جما عه من أسبوعين كده ابتديت اسمع صوت طقه او طقتين كل ما الف الدركسيون شمال للاخر .... رحت للميكانيكي ... قالي العفشه تمام بس بارات الدركسيون مبوشه وقالي كان في حاجه مفكوكه وربطها ...
من ساعت ما خرجت من عنده والصوت بقه عالي و مستمر كل ما اخد يو تيرن الطقطقه مستمره لغايه ما اعدل الدركسين في النص ....
واحد صاحبي بيقولي كوبلن و ممكن يتكبس او يتغير
ما رأيكم دام فضلكم ؟؟؟!!!

ايه الفرق بين صوت الكوبلن وصوت البارات ..

**Migo123** · 26-09-2007 04:58 PM

على فكر العربيه كيا ريو 2003

**Dr Ahmed** · 26-09-2007 05:06 PM

دا كان حصل لى فى العربية القديمة وكان السبب كبالن وراح بعد ماغيرت الكوبلن التعبان ، ولا أعرف شئ عن البارات.. لكن عربيتك عاملة كام ألف وهل غيرت الكبالن قبل كده؟

**محمد البحيري** · 26-09-2007 05:36 PM

لو طقطقه مع لف الدريكسيون تكون كبالن طبعا

**hazem_khidr** · 26-09-2007 06:54 PM

لو بتسمع صوت طقطقه مستمره و انت ماشي فقط يبقي كوبلن
انما لو قصدك و انت بتلف الدركسيون حتي و انت وقف بتسمع صوت طقه واحده كده ف دا مسمار الوصله بتاع الدركسيون و دا تغييره سهل جدا

**أبو_حمزة** · 27-09-2007 11:54 AM

لو بتسمع صوت طقطقه مستمره و انت ماشي فقط يبقي كوبلن
انما لو قصدك و انت بتلف الدركسيون حتي و انت وقف بتسمع صوت طقه واحده كده ف دا مسمار الوصله بتاع الدركسيون و دا تغييره سهل جدا

تمام كده
و سيبك من اللى يقول لك ان فى وسيلة لاصلاح كوبلن و يقولك اديلك و احد استيراد
هاته جديد و لا شىء غير الجديد
أى كوبلن مستخدم أو متصلح مش ها يعمر اكتر من شهور قليلة

**Migo123** · 27-09-2007 12:15 PM

شكرا يا جماعه على الردود ..... كده غالبا جابت كوبلن ... بس مش شايفين انه لسه بدري قوي العربيه 2003 وعامله 85000 بس
انا بتهيألي المفروض الكوبلن نتكلم فيه بعد 150000. ولا انا كلامي غلط ؟؟!

**أبو_حمزة** · 27-09-2007 12:26 PM

الكوبلن زيه زى حاجات كتير فى العربية
ممكن يعمر بعمر العربية و ممكن يروح فى شهر
حسب استعمال العربية
يعنى لو بتلف الدركسيون للاخر كتير و بتاخد ملفات جامدة على سرعات عالية وبتاخد مطبات كتير و العجل لافف
أو شحم الكوبلن ناقص
كل ده يتقص عمر الكبالن

**hazem_khidr** · 27-09-2007 03:29 PM

نصيحه اشتري جديد حتي ولو صيني و ما تسمعش كلام اللي يقولك هات مستعمل مش حيعمر معاك زي ما الاخوه الافاضل قالو فوق

شكرا يا جماعه على الردود ..... كده غالبا جابت كوبلن ... بس مش شايفين انه لسه بدري قوي العربيه 2003 وعامله 85000 بس
انا بتهيألي المفروض الكوبلن نتكلم فيه بعد 150000. ولا انا كلامي غلط

لا مش بدري ولا حاجه
زي ما ااخونا ابو حمزه قال بالضبط حسب استعمالك.
يعني لو عاوز تحافظ علي الكوبلن علشان يعيش كتير تعمل اللي حقولك عليه دا.
1.ما تكسرش الدركشيون لحد اخره ابدا.
2.و انت راكن العربيه لازم يكون الدركسيون في خط مستقيم لا شمال ولا يمين.
3.اي ملف تاخده لازم تمّور العربيه او تدوس دبرياج و ما م تدوس بنزين غير لما يبقي العجل في خط مستقيم تاني.
4.ما تنزلش في اي مطب ولو نزلت حاول تاخد لمطب بالراحه اوي.
ف يا تري في حد فينا بيععل الحاجات دي كلها اكيد لاء و بالتالي 85 الف كيلو معقول جدا

**peter** · 30-09-2007 04:44 PM

masa2 el fol 3liko
ana el ta2ta2a deh betegy lama ba7wed el dereksion lel 2a7'er hya 3rbya lancer 98 w 7'aligy w ta2ta2a deh betegy lama balefo 3ala el 2a7'er ne7yet el shemal bas w el 3rbbya nafsaha byb2a feha senet raga wana wa2ef bas mn 3;er soot lakn lama baraya7o sena el soot w el raga betro7 fa dah ehh????
shokran leeko

الموضوع: صوت طقطقه مع لف الدركسيون للشمال .. كوبلن ولا علبه دركسيون

LinkBack

أدوات الموضوع

عرض

-

-

-

-

-

-

-

المواضيع المتشابهه

صوت طقطقه في دركسيون لوجان اتوماتيك

علبه دركسيون بولو 97

صوت طقطقه فى الدركسيون

استفسار في علبه دركسيون لانوس

صوت طقطقه فى الدركسيون

الكلمات الدلالية لهذا الموضوع

المفضلات

المفضلات

ضوابط المشاركة