toyota yaris 1.3 VS VW golf 1.6 in a drag race

امبارح كنت مع وااحد صاحبى كاان لسه شارى جولف 5 ال 1.6 6 نقلات اوتوماتيك ..المهم اتلكمت معااه بخصوص التسارع وعرضت عليه ان احنا نجرب نشد ونشووف مين الى هيطلع من التاانى...

هو طبعا كاان مستهتر بالياريس جدا...1.3 وا اتوماتيك 4 نقلات :120146b....بس انا قولتله يوضع سره فى اضعف خلقه ...

طلعنا طريق فااضى ومفيهوش اى مطباات او زحمة والصراحة كاان مثاالى جدا عشاان نشووف التساارع..

وقفنا جمب بعض...وبدأنا ...

والنتيجة ان الياريس تتفوق والجولف فى ظهرها لحد اخر الطريق....والعداد عندى كان وصل الى 150 ...وكنت مستمتع بشكل الجولف وهى متنرفزة ومش قاادره تحصلنى....

على شغال على النقلة ال اس ..او الرياضية يعنى..وانا بقى يعينى عماال انقل من 2 3 بس كده...

عموما الصرااحة احترمت موتور الياريس

والموضوع دا اثبتلى ان الياريس ليست ضعيفة ابدا...وموتورها كفااءه...وليس كما يروج البعض..

محدش بقى عااوز يشد....انا خدت مقلب فى العربية صراحة....واليومين دول بتتلكك ...اى لمسة بنزين بتطير على طول :M_yes[1]:

صحيح بقى يا جمااعة...

الجولف اصلا هى الى بطيئة؟؟؟

والا الياريس هى الى سريعة وكده؟؟

طب واخبار الكورولا والسيفيك والالنترا وبقية الفئة دى عامله ايه....؟؟؟

طبيعي اللي حصل ده يا باشا :)

انا طلعت من الجولف 5 بالبيكانتو أول و تاني بفرق نصف عربية...و كنا محملين 3 في كل عربية بخلاف السواق

لسه عايز أجرب و العربيات فاضية..اما ترجع بس المحروسة من العناية المركزة...

فولكس يجماعة مش بتهتم بالمجركات الصغيرة
لانها مش بتبيع منها كتير

طيب تصدق بقى يا سعداوى باشا عاوز اجرب معاك مرة بال I30 :)

اقتباس:

---

المشاركة الأصلية كتبت بواسطة fahd_628

طيب تصدق بقى يا سعداوى باشا عاوز اجرب معاك مرة بال I30 :)

---

حرام عليك يا فهد :ma:

اقتباس:

---

المشاركة الأصلية كتبت بواسطة Hosam_Optrawy

حرام عليك يا فهد :ma:

---

وحرام ليه بجد ياريت تجرب علشان نشوف مقارنات مدعومه بتجارب عمليه
وكده كله يستفيد

اقتباس:

---

المشاركة الأصلية كتبت بواسطة enas75

وحرام ليه بجد ياريت تجرب علشان نشوف مقارنات مدعومه بتجارب عمليه
وكده كله يستفيد

---

لا اصل النتيجه معروفه اكيد :ma:
ال I30 موتور 1600 قوته 122 حصان
والياريس 1300 حاجه و80 حصان
حضرتك شايفه ايه :ma:

الموضوع مش موضوع ان فولكس مش بتهتم بالمواتير الصغيرة .. لو كده ما كانتش طلعت الموتور ال 1.4 -- 122 حصان
أو كانت طلعت ال 1.4 -- 170 حصان الموضوع كله ان العربيات الالماني كلها فئة ال 1.6 ثقيلة جدا جداا وتسارعها قليل شوية بس Top Speed الالماني يكسب

للعلم برضه ان التيدا 1.6 اوتوماتيك طلع من الاودي A3 بفارق رهييييييييييييييييييييييي ييييييييب جدا جدا وكمان الجيتا والبي ام 316 و 116
والياريس المانيوال طلعت من التيدا بس للاسف لحد 100 بس وماكملوش لان الطريق كان قصير

وصلنى اخبار مستفزة ان الياريس طلعت من فكترا 2000 سىسى الموتور القديم

وبناءا على ذلك ناويين نتأكد من الموضوع ده بانفسنا

اقتباس:

---

المشاركة الأصلية كتبت بواسطة Hosam_Optrawy

لا اصل النتيجه معروفه اكيد :ma:
ال I30 موتور 1600 قوته 122 حصان
والياريس 1300 حاجه و80 حصان
حضرتك شايفه ايه :ma:

---

الموضوع ليس له علاقة بعدد الاحصنة فقط

طيب ما السيريون 87 حصان طلعت من الميجان اللي هيا المفروض 115 حصان ولحد فوق 120 كم
وكما فرقت في السرعات العالية علشان حجم السي سي اعلى دي 1.3 سي سي ودي 1.6 سي سي

يعني الموضوع مش موضوع عدد احصنة وبس

اقتباس:

---

المشاركة الأصلية كتبت بواسطة أبو عبدالله

الموضوع ليس له علاقة بعدد الاحصنة فقط

طيب ما السيريون 87 حصان طلعت من الميجان اللي هيا المفروض 115 حصان ولحد فوق 120 كم
وكما فرقت في السرعات العالية علشان حجم السي سي اعلى دي 1.3 سي سي ودي 1.6 سي سي

يعني الموضوع مش موضوع عدد احصنة وبس

---

انا عارف ان الموضوع مش احصنه وبس
بس انا جربت اشد مع الياريس بالاوبترا وطلعت منه
مع ان انا 107 حصان مش 122
وكمان الياريس اخف منى بحوالى 200 كجم
بالنسبه لموضوع الميجان فهى اه 115 حصان بس مش بتاعت سحب وشد اوى

والله العظيم انا طلعت من فكترا 2008 من 80 لحد 195 وراشق فى ضهرى مش عارف يطلع فى طريق السويس كان معايا نوبيرتى

انا اعتقد لان اليارس خفيفة وموتورها رشيق فطلعت

هل ده معناه انها الافضل ؟؟؟؟؟؟؟؟؟

اقتباس:

---

المشاركة الأصلية كتبت بواسطة BASKOTA

هل ده معناه انها الافضل ؟؟؟؟؟؟؟؟؟

---

لا طبعا مش افضل ..بس دة لان اليارس اخف من الجولف بمراحل..وتعتبر عربية رشيقة جدا بالنسبة للجولف

زى كدة ما الفيرنا بتطلع من الاوكتافيا والباسات:C_laugh[1]:

اقتباس:

---

المشاركة الأصلية كتبت بواسطة Ahmed20_08nubira

والله العظيم انا طلعت من فكترا 2008 من 80 لحد 195 وراشق فى ضهرى مش عارف يطلع فى طريق السويس كان معايا نوبيرتى

انا اعتقد لان اليارس خفيفة وموتورها رشيق فطلعت

---

نفس السبب بالنسبة للنوبيرا والفكترا

اقتباس:

---

المشاركة الأصلية كتبت بواسطة BASKOTA

هل ده معناه انها الافضل ؟؟؟؟؟؟؟؟؟

---

اطلاقا
ماتنسيش لو الياريس حتى راكنه مش بتجرى وعدا جنبها عربيه كبيره بسرعه هتلاقيها بترقص :biggrin2:

اقتباس:

---

المشاركة الأصلية كتبت بواسطة Ahmed20_08nubira

لا طبعا مش افضل ..بس دة لان اليارس اخف من الجولف بمراحل..وتعتبر عربية رشيقة جدا بالنسبة للجولف

زى كدة ما الفيرنا بتطلع من الاوكتافيا والباسات:C_laugh[1]:

---

+100000000000

انا عن نفسى مش بقيم العربية بالتجميع

انا افضل الثبات والفخامة عن التجمييع بكتييييييير

اقتباس:

---

المشاركة الأصلية كتبت بواسطة fahd_628

طيب تصدق بقى يا سعداوى باشا عاوز اجرب معاك مرة بال (اوتوماتيك ) I30 :)

---

طبعاا يا فهد الi30 هتطلع منى بفارق واضح ... دا التسارع بتاعها 10.5 ثانية ...
هات الميجان وكدا ماشى :B4_556:

اقتباس:

---

المشاركة الأصلية كتبت بواسطة M.Mokhtar

وصلنى اخبار مستفزة ان الياريس طلعت من فكترا 2000 سىسى الموتور القديم

وبناءا على ذلك ناويين نتأكد من الموضوع ده بانفسنا

---

لا دى وسعت منة شوية الحقيقة .. الفكرترا حوالى 131 حصان .. فكدا خرجت برة الفئة دى
بس على فكرة ممكن لو الفيكترا اوتو زالياريس مانوال ممكن تحصل ..
(الا هوا تسارع الفيكترا 2009 كام ؟؟)

اقتباس:

---

المشاركة الأصلية كتبت بواسطة BASKOTA

هل ده معناه انها الافضل ؟؟؟؟؟؟؟؟؟

---

اة افضل فى التجميع :C_laugh[1]::C_laugh[1]:

اقتباس:

---

المشاركة الأصلية كتبت بواسطة Ahmed20_08nubira

انا عن نفسى مش بقيم العربية بالتجميع

انا افضل الثبات والفخامة عن التجمييع بكتييييييير

---

طبعا الثبات والفخامة مهمين بس السرعة من اهم العوامل الى ممكن تخليك تختار عربية (على الاقل بالنسبة لى )...

....

بس يا جماعة بعد ما تفوقت على الجولف لحد ماالعداد بتاعى وصل 140...يعنى او وتانى وثالث ...

دا معناه ان الياريس موتورها قوى وزيه زى غيره

وكلام الناس الى بتقول ان 1300 موتور على قده...دا مردود عليه

عموما انا بطلع من الفيرنا على فكرة...

ومن الماتريكس بكل سهولة...

يالا مين عوز يجرب...

انا بثق فى تويوتا لأبعد الحدود فى موضوع الشد دا...

وعلى فكرة بالنسبة للثبات والفخامة ...

انا سوقت الجولف بتاعة صاحبى كتير...

الجولف تقفيلها ممتاز وعشرة على عشرة..
الثبات افضل من الياريس...

لكن الباور والتسارع والرشاقة والغرز الياريس افضل بكثير...

الفرامل ...الجولف افضل بحاجة بسيطة...

العفشة...جوه المدينة الياريس افضل...

وعلى الطريق الجولف تكسب...

يعنى على فكرة محدش يستقل بالياريس...

الفكرة ان هنا بينزلولنا 1300 ...

وف انجلترا على سبيل المثال ..

الياريس 1500 الهاتش ثمنها زى الجلوف 1.6 (جولف 5 طبعا)..

عموما حبيت الياريس موووووت...

بس ندماان انى ما جبتش الخليجى ال 1500...

تسارعها 9 ثواانى....يعنى اوعى وشك...