انا بنصح حضرتك انك تحطها فى جراج
عرض للطباعة
انا بنصح حضرتك انك تحطها فى جراج
ومين قال لحضرتك ان اللى سرق الجنوط كان عشان ياكل بيها مكش عشان يشترى مخدرات ولا اى قرف من ده
البلد ماقالتش لكل واحد اقعد عاطل وماتشتغلش وقول يا حرام البلد ظلمتنى اللى عاوز يشتغل عشان ياكل هيشتغل اى حاجة احسن ما يسرق
مش هيشرط ويقول ايه المرتب ده ولا ايه الشغلانة دى
ياريت نفتكر بس ان البلد دى كائن معنوى مش شخص هنلومه ونعاتبه ونسبه وكل واحد مش عاجبه حال البلد يحاول يغيره بنفسه مش يستنى لما حد يغيرهاله
واعتقد ان عملك فى هذه البلد هو مصدر دخلك ورزقك وعربيتك كمان
ربنا يعوض عليك
احتسب عند ربنا
والحمد لله انها جت على قد كده
ماحدش عارف الخير فين
بس سؤال معلش
العربيه هتترفع ازاى وهى نايمه على بطنها كده؟
خايف اشرحلك ابو رقيه يفهمنى غلط!!!:C_laugh[1]:
عموما :N_no[1]: حد شايفنا؟!
هات ودنك!!
1-الحرامى بيجيب كوريك تمساح وأحيانا اتنين ويرفع عجلتين سواء اللى فى الجنب او اللى قدام او اللى ورا ولو معاه اتنين كوريك بيرفع الاربع عجلات
2 -بيفكوا المسامير بسرعه جدا ويبقى فك عجلتين او اربعه
3- بيحطوا طوب عشان لما ينزل الكوريك العربيه متنزلش على الارض وده مش خوف على العربيه ولا حنيه قلبه لأ دا عشان يسحب الكوريك!:I_angr1[1]:
هتقوللى عرفت منين؟
أقولك
واحد زميلنا شافهم من البلكونه وزعق وعمل هيصه راحم بعدوا عن العربيه وندا البواب وحذره منهم ودخل نام !!
على فكره كانت عربيه جاره قبل ما تسأل إزاى نام!
تانى يوم لقوا الاربع فرد اتسرقوا !!
والعربيه مرفوعه على اتنين كوريك!!
لما دققوا لقوا واحد بتاع صاحب العربيه والتانى بتاع زميلى اللى شافهم!!:C_laugh[1]:
فتحوا شنط العربيات وطلعوا الكوريك ورفعوا العربيه وخلصوا وسابولهم العربيه على الاتنين كوريك!!:C_laugh[1]:
ارفع الاول من الناحيه المرفوعه على الطوب وكمل بالعكس!
ده اكيد حرامى محترف وجاهز
لازم كان معاه عربيه وجاهز بالعده بتاعته
لانه اكيد خلص الموضوع كله فى اقل من ربع ساعه
قدر الله وماشاء فعل
ربنا يعوض عليك