السلام عليكم ورحمة الله وبركاته ..
ازيكم يا وحوش .. كنت عايز آخد رأيكم من واقع خبرتكم مع الميجان بأفضل نوع تيل و طنابير لأني محتاج اغير تيل امامي وخلفي وطنابير امامي ,, هل اغيرهم في التوكيل ولا اشتري من برا ؟؟
عرض للطباعة
السلام عليكم ورحمة الله وبركاته ..
ازيكم يا وحوش .. كنت عايز آخد رأيكم من واقع خبرتكم مع الميجان بأفضل نوع تيل و طنابير لأني محتاج اغير تيل امامي وخلفي وطنابير امامي ,, هل اغيرهم في التوكيل ولا اشتري من برا ؟؟
حمادة...........أزيك يا باشا
بص أنا كنت غيرت طنابير أمامى مرة من برة التوكيل و معاها تيل كانوا أسبانى و نوعهم رمسا بس بصراحة كنت أبتديت أحس بغربلة مع الفرامل بعد حوالى 20 ألف كم...........و كنت قابل لأيمن على طنابير ebc من قبلها ولما جت ركبتها على طول.....يعنى كده كده كنت هركبها حتى لو الطنابير الرمسا مكنش فيها مشكلة.
لو تقدر تغير الطنابير على الأقل فى التوكيل يبقى أحسن لأنى معرفش أنواع تانية موثوق فيها أو متجربة.
بص يا محمد...أنا مش عارف إنت شفت عربية أيمن و الوحوش بيجربوها و لا لأ...
لكن حقيقى تغيير الطنابير و التيل بآخريين رياضيين عامل فرق واضح جدا...أنا شخصيا كنت ناوى على التغيير لما يحين وقت التغيير..خصوصا إن الطنبورة ال EBC ب 1000 جنيه و الأصلية فى التوكيل فوق ال 800 جنيه...و التيل الأصلى فى التوكيل بيعمل 600 جنيه بالتركيب ( أمامى أو خلفى و غيرتهم الإثنين )..و ال EBC كان ب 450 جنيه
لكن ليا ملاحظة برضه...لما ركبت مع محمد مصطفى و شفت الطنابير بتاعته إللى راكب عليها تيل EBC ( طنابير عادية مش EBC )...حسيت إن التيل ناشف حبة على الطنابير...لكن هناط فرق فى قوة الفرملة...محمد ممكن يبدأ يفرمل متأخر عن أى ميجان تانية لإن التيل ال EBC بيمسك مسكة محترمة....
علشان كده كنت بأرشح تغيير التيل و الطنابير معا...منها فرق فى الأداء واضح كالشمس..و منها ضمان لتوافق كامل بين الطنابير و التيل...
لكن للأسف أيمن كان قال قبل كده إن حمادة غزى مش هيجيب EBC تانى علشان الشركة أصرت إنه يجيب كمية كبيرة مرة واحدة و حاحة الميجان مش ماشية قوى ...فبيفكر يجيب حاجات Brembo ...لكن Brembo حاجتهم غالية أوى....و على كل الكلام ده من شهور طويلة و أنا مش عارف آخر التطورات....فلو تكلم أيمن أو هو لو شاف الموضوع طبعا هيفيدنا....
و إبقى قول لنا عملت إيه....
يعني مبدأيا بلاش التوكيل .. انا هبعث لأيمن على الخاص واشوف رأيه ايه وهبلغكم بإذن الله ..
ومتشكر ليكم يا احمد ويا هاني ..
اولا في تيل عند ياسين Dido جرين استف لم يستخدم بعد.
الطنابير للاسف مفيش Ebc في الوقت الحالي ... بس علي اخر 6 حيبقوا موجودين ان شاء الله.
ولو اي حاجة ظهرت مش حتاخر عليك يا وحش.
أخبار كويسة إن ال Ebc رجع تانى
انا فاكر كنت طالب حاجه من ايمن انا و احمد عبد المقصود هيا ايه؟؟؟؟:Copy of majd(4)::Copy of majd(4)::Copy of majd(4)::Copy of majd(4)::Copy of majd(4):
ازيك يبو حميد أخبار الميجان ٢ اه معاك . إن شاء الله تكون مبسوط بها
لو مبتدورش على ماركات عالية في نوع أسباني اسمو رمثة أنا مجربو و أعتقد خالد باشا برد جربو
فعلا REMSA أداءه ممتاز و ناعم جدا
ده إحساسي بيه للآن (3000كم) نفس الإحساس
:S_thum1[1]:
سعره لموديل 2007 و 2008 (250) جنيه لأن مقاسه أكبر شوية
قبل 2007 سعره أقل :I_angr1[1]:, تحديدا كام ؟ الله أعلم
أكمل كان قال لى برضه على حد بيبيع نفس إللى فى التوكيل بنفس السعر ( 400 جنيه )
لو يهمك فرق الأداء و مستعد لثمنه يبقى تستنى أيمن و حاول إنك تمشى هادى الكام يوم دول
لو عايز تلم الدنيا خصوصا إنك هتغير التيل الأمامى و الخلفى و طنابير أمامية...يبقى خليك فى تيل Valeo أو Remsa ...
زى ما قلت لك..التيل ب 600 جنيه بالمصنعيات و الضرائب و الطنابير حسب الموضوع بتاع أسعار القطع ( http://www.nilemotors.net/Nile/showthread.php?t=2758 ) ب 640 جنيه بدون مصنعيات...
يعنى الموضوع ده فى التوكيل قريب من ال 2000 جنيه ( جوزين تيل و طنبورتين أمام )
لو أيمن يقدر يفيدك فى تقريبا هتبقى الحاجة بكام خصوصا الطنابير..أفتكر تقدر تأخد قرار بسهولة
خللى بالك إن العامل المالى مؤثر جدا...الفروق بين التيول الأسبانى مثلا و الأصلى هو الفرق بين 2X 250 و 2X450 ...ده غير فرق المصنعيات و زائد الفرق بين ال 425 ( الطنبورة غير أصلى ) و ال 640 ( الطنابير الأصلى ).... يعنى بتاع 600 جنيه فى أثمان القطع...
السلام عليكم
ازيك يا محمد ........ واحشني جداً والله .......بص يا سيدي اتا هاقولك تجربتي مع التيل الاصلي والرمسا الاسباني وان شاء الله اقدر افيدك.
التيل الاصلي انا عندي قعد 20 الف كم وغيرته ....هو عيبه انه خشن وتحس انه ناشف شويه لكن بصراحه بيلم العربيه بسرعه ويوقف العربيه صحيح في خشونه وزنجره غريبه كده بتحصل لو فرملت جامد مره واحده لكن العربيه بتقف وانا مش عاوز اكتر من كده .
بعد اول 20 قلت اغير للرمسه الاسباني بناءً على توصيه من احمد عبد المقصود وعمرو عماره ..... هو تيل محترم الحقيقه ومافيش فيه مشكله وغالباً برضه بيقعد 20 الف وتمنه معقول جداً خصوصاً اني اشتريته من 4-5 شهور كان وقتها التيل الاوريجنال بتاعنا وصل تمنه 600 جنيه مش فاهم ليه...المهم يعيب الرمسا انه بعد اول 5000 حسيت انه بقى ناعم....انا كنت باشتكي من خشونة وكركبه الاصلي مع الفرامل المفاجأه لكن كانت بتقف .......دلوقتي الخشونه مش موجوده لكن الكفاءه مش موجوده يعني بصراحه انا ماشي وعلى سرعه عاليه مش عارف ليه مش مطمئن ليه اوي وحاسس انه ممكن ما يلمش الدنيا صح وبكفائه زي الاصلي .
ملحوظه / انا كل اللي باقوله ده مقارنه بين الرمسا الاسباني واللاوريجنال بتاعنا .....اما ال EBC والخيال العلمي ده انا ماليش دعوه بيه ومش بفكر اعمل مقارنه بينه وبين اي تيل اخر مهما كان محترم لانه بجد شيء من الخيال ......
التيل التالت الموجود خلاف الاوريجنال والرمسا هو الفاليو....ناس بتقول تركي وناس بتقول فرنسي الله اعلم ........عموماً انا وقت ما كنت بسأل كان فرقه عن الاوريجنال بسيط فا مفكرتش فيه ...ووقت ما كنت بافكر فيه محمد مصطفى قاللي انه عمل حادث بسببه فا اتعقدت منه من غير ما اجربه .......مع انه موجود في التوكيل وفرنش موتورز والميكانيكيون العرب ومعظم مراكز الخدمه بتركبه عندها .....
الخلاصه يا باشا ......... الطنابير خليك في الاوريجنال احسن واضمن عشان الكلام ده مافيش فيه هزار........التيل يقى براحتك ...... انا شايف مادياً الرمسا هو الافضل طبعاً صحيح كفاءه اقل من الاصلي لكن برضه سعره معقول جداً .....
يا خبر .... رامي باشا طنطاوي موجود في المنتدى وبيرد على موضوعي ,, والله يا باشا انتا اللي وحشتني جدا جدا
وكالعادة لما بتكتب بتكتب من قلبك وبتريح اللي قدامك ..
انا بعد ما قرأت الردود السابقة من هاني باشا و رامي باشا ميال اكثر لأني اغير في التوكيل ..
الصيانة الجاية بعد حوالي 10 ايام ولحد ساعتها اتمنى ان الموضوع يتضح اكثر واكون قدرت اخد قرار اغيرهم مع الصيانة او لا ..
يا جماعة طقم التيل الفرامل الرمسا هو هو التيل الفاليو
فاليو بتاخذ خط انتاج من مصنع رمسا للتيل كل الى يفرق التيل الرمسا عن الفاليو الاستكر الخلفى فقط
ولكن خامت التيل هى هى وعلى فكرة لو بصيت على علبة التيل الفاليو هتلقى مكتوب عليها صنع فى اسبانيا
وخامة التيل مصنوعة من عظام السمك
فرق السعر طبعا لان التيل علية علامة الفاليو وطبعا الفاليو دى ماركة عالمية علشان كدة فرق السعر
وبردو سعر التوكيل بيبقى اغلى من سعر المحلات الاخرى يعنى مثلا طقم تيل الفرامل الامامى رينو رينبو بجناح
الفاليو فى التوكيل ب 175 جينة وانا عندى نفس التيل هو هو ب 100 جينة