الموضوع: ::: كلمنى عربى Please :::

يو ويلكم يا ماااااان

المشاركة الأصلية كتبت بواسطة youssef_00

والمصيبة لو حد مايعرفش حاجة من الكلام ده يقولو عليه فلاح او قديم او جاهل
واللى بكرهم اكتر واكتر اللى بيكتبو على سبيل المثال
هتروح فين انهارده htro7 fen enhardah
دى فعلا اللى مستفزة جدا جدا جدا
وتيجى تقولو ايه يا عم ده يقول دى لغة النت
الله يلعنهم كلهم
اخوكم يوسف

يا عم ليه كدا بس
ماتقول ربنا يهديهم ويرجعهم لاصلهم وماضيهم علشان اللي مالوش اصل وماضي وجذور ملوش حاضر ولا مستقبل ولا كيان

انا رأيي ان دا نوع من التكيف مع العولمه اللي بقى فيها ناس سافرت وشافت واتعلمت بره او جوه في مدارس اجنبيه وناس اتعلمت في الحكومه
فعلشان ميحسش انه اقل من الناس الفئه الاولى "high class" بيعمل كدا
بتبان اوي في الشركات الاجنبيه العامله في مصر كله عايز يحسسك انه هو الخواجه صاحب الشركه من الانجليزي بتاعه
المشكله ان معظمنا بيصنف الناس برضه كدا .. على نفس الاسس ودا الاخطر والاعمق

محتاجين وقفه نعرف فيها احنا مين؟؟ وليه؟؟ وفين؟؟ ايه اهدافنا؟؟ ازاي حياتنا بطريقتنا تكون هي احسن حياه ؟؟ مش على طريقه جون وديفيد !!!

شكرا على الموضوع اولا
ثانيا انا عن نفسي بحاول اتكلم انجليزي لما تجيلي الفرصه علشان عاوز ادرب نفسي واتقن اللغه
اللغه العربيه هي اعظم اللغات يكفي ان القران الكريم نزل باللغه العربيه والرسول الكريم صلى الله عليه وسلم كان يتحدث باللغه العربيه
لكن المشكله ان لغتنا لم تصبح اللغه الاولى بل لغه اخرى وهي الانجليزيه فبالتالي لازم اكون عارف لغتي كويس اوي ومفيهاش مشكله لما اعرف لغات تانيه وده طبيعي
اللي مش طبيعي انو دايما دايما تلاقي الناس بيرمو كلام انجليزي وسط كلامهم
انا سمعت مره واحد كان بيتكلم على حاجه معينه وراح قايل كلمه انجليزي وهب وراها كلمه قذره بالعربي ههههههههههههه
انا بصراحه تنحت غير انك تلاقي اغلب البنات بيرمو وسط كلامهم كللمه انجليزي على اساس انها مثقفه ولا حاجه
انا باستغرب ساعات كتير لما بلاقي ان في ناس مبيعرفوش يتكلمو لغه عربيه فصحى دي مصيبه والله
يلا ما علينا
وانتو عاملين ايه
ا