مشكلة فى هيونداى اكسيل

**barakat_1986** · 26-09-2007 05:30 PM

انا عندى عربية هيونداى اكسيل لاحظت وجود نقص شديد فى المياة ....النهاردجة رحت للمكانيكى قالى الطبة عايزة تتغير اللى جية من المتور........ اية الحل الكلام دة صح ولا بشتغلنى ولو صح حتكلف كام مع العلم هو قالى حيحل الريداتير والفتيس والمواسير وحاجات كتير كدة ........انصحونى اعمل اية ولا روح التوكيل ...ارجو الرد بسرعة لان فى خطر على السيارة.
تم التعديل بواسطتى: برجاء اختيار عنوان مناسب للمشكلة
Abdallah

**hazem_khidr** · 26-09-2007 06:35 PM

يعني ايه طبه جوه الموتور بصراحه اول مره اسمع عنها.
ديره التبريد عباره عن طلمبه مياه و ريداتير و قربه ريداتير مع ساعه حراره و مروحه فقط انما طبه ميه جوه الموتور دي اول مره اسمع عنها.
عموما لو الميه بتنقص عندك دي يا اما طلمبه الميه باظت و بتنقط و في الحاله دي تتغير
يا اما العربيه جابت جوان وش سلندر و في الحاله دي الزيت بيبقي لونه طحيني و بتحتاج تغير الجوان و الزيت كمان.
يا اما الردياتير مسدود و مش بيقلب الميه كويس و في الحاله دي يا يتنضف يا يتغير.

**Nader** · 26-09-2007 06:43 PM

يعني ايه طبه جوه الموتور بصراحه اول مره اسمع عنها

زي ما في الـ128 طبة المية علشان تتغير لازم تحل الفتيس.

طبة المية غالباً بتكون قريبة من طلمبة المية وهي على شكل دايرة "مبططة"

يا اخ بركات انا موردتش عليا مع الاكسل ان الطبة اتخرمت قبل كدة...لانها مفيش حاجة تبوظها غير الاملاح والبارومة لو بتحط مية عادية... عموماً هي مش مشكلة الموضوع هيكلفك بالكتير 70 جنية وممكن اقل... لو ملقيتش الطبة بناعت الاكسيل ممكن تروح لخراط يخرط لك واحدة زي اللي باظت.

**hazem_khidr** · 26-09-2007 08:37 PM

وش السلندر دا ممكن الجوان بتاعه يبوظ لو العربيه سخنت زياده عن اللزوم او انت حطيت ميه بارده في العربيه و هيا سخنه و مش دايره في لحاله دي الجوان(يأفع) بيقولوها كده في السوق و يقوم يخلط الميه بالزيت علشان بيسمح ساعتها للميه انها تمر علي الزيت و تلاقي الزيت لونه اتغير و بقي لون الطحينه.
انا بتكلم عموما مش علي حالتك انا حبيت بس اوضح اسباب ان الميه تنقص من الردياتير

**barakat_1986** · 26-09-2007 08:41 PM

مشكورررررررررر اخى حازم على التوضيح....وياريت تساعدنى فى حالتى :D

**hazem_khidr** · 26-09-2007 08:54 PM

العفو يا بركات باشا.
موضوع الطبه دا جديد عليا يبقي شوف زي ما الاخ نادر قال كده

**barakat_1986** · 26-09-2007 09:13 PM

الراجل بيقولى تتكلف 150 اعمل اية ....هو كدة بيشتغلنى لان الاخ نادر قالى بالكتير 70 جنية بس

**hazem_khidr** · 26-09-2007 09:16 PM

هيا بقي بترجع للصنايعي و نضافته و بعدين لو هيا بالصوره اللي بتقول عليها بمعني انك حتشيل الموتور و الفتيس و تركبه تاني ف دي شغلانه بصراحه و المبلغ دا يبقي معقول لو هو واحد محترف بس حاول برضه تكسر معاه لو 30 جنيه انت اولي بيهم علي الاقل تعمل بيهم الطبه في المخرطه

**Nader** · 26-09-2007 11:25 PM

لا 150 جنية كتير بالنسبة لفك الفتيس... هو هيفك الموتور لية؟؟؟

الموضوع: مشكلة فى هيونداى اكسيل

LinkBack

أدوات الموضوع

عرض

-

-

المواضيع المتشابهه

هيونداى اكسيل

هيونداى اكسيل 96

هيونداى اكسيل

هيونداى اكسيل

هيونداى اكسيل Hb

الكلمات الدلالية لهذا الموضوع

المفضلات

المفضلات

ضوابط المشاركة