رايح مودرن سيرفس أعمل الشغل ده، آخد معايا كام؟؟

**adham_cs** · 12-05-2009 08:18 AM

السلام عليكم
أنا عندي بيجو 206 موديل 2004
و هروح مودرن سيرفس أعمل الحاجات دي:
تغيير طقم السيور.
تغيير الفلاتر.
تغيير البوجيهات.
تغيير ماء الريداتير بماء أخضر.
الكشف على العفشة.

وكنت عايز أعرف الحاجات دي هتكلفني كام بالتقريب
وشكرًا

**Mahmoud_405** · 12-05-2009 11:25 AM

السلام عليكم
انت شكلك من الاسماعيليه لانك كنت سأل علي حد بتاع بيجو( انا برده من الاسماعيليه)؟
انا برده اشتريت عربيتي ال بيجو من سنتين ولفينت علي معظم مراكز الخدمه.
مركز مودرن سرفيس محترم بس مش كل حاجه عنده اورجنال يعني ممكن تلاقي حجات ماركه فاليو او بندكس وكلها معترف بيها من بيجو ومش بطاله بس طبعا الاورجنال احلي. بس هو لو القطعه دي مش اورجنال حيقولك انا عندي ماركه كذا لو تحب ( بس لو في الاورجنال يبقي تركبه طبعا)
السير بيبقي في كيس عليه علامه واسم بيجو ومتصنعه في الانحاد الاوربي ( معرفش بتاع ال 206 بكام بس كصنعيه تركيب طقم سيور ب 190 جنيه ) مصنعيه بس.
وتغيؤر قلاتر وبوجيهات وتربيط عفشه ( صيتنه عامه بتبقي في حدود 140 جنيه من غير المياه الخضراء)
انا معرفشي سيور عربيتك بكام بس ممكن تبقي في حدود 400 جنيه لاصلي (الكاتينه والمجوعه) من غير بليه الشداد طبعا وتعمل حسابك عليها لانوا ممكن يقولك.
فلتر بنزين ب 75 جنيه او في الحدود دي.
400 + 190 + 150 فلاتر + 50 مياه خضرا = 800 جنيه (بالتقريب طبعا فتعمل حسابك علي الف جنيه وطبعا المهندس الي بستلم منك العربيه بيقولك حنعمل ايه وانت تقولوا اه او لا علي حسب فلوسك الي معاك ) ولو عايز تسئال علي اسهار قطع الغيار هناك دي نموره الي مسؤل عن مخزن قطع الغيار 0126617566 اسمه جمال وهو راجل محترم جدا وحيقولك علي كل حاجه علشان تعمل حسابك علي الفلوس تاني حاجه روح من بدري يعني تمون هناك 8 ونص الصبح علشات تستلم عربيتك في نفس اليوم.
وخليك مع عربيتك وققف جبها.

في مراكز تنايه كتير بس انا برتاح لصلاح بيجو ده مهندس كان مدير وجبه اباظه وفتح ورشه بره معتمده بس صغيره وبيفتح من الساعه 01 ومعندوش قكع غيار يعني انت تجبله كل حاجه من بره ( من عند اي تاجر بس تكون الاصلي وحتوفر عن اسعار مودرت سرفيس شويه حلوين) وتروحله بيهم الصنايه الي عندوا بيفهموا بس هو في الزيتون مش حعرف اوصفهولك ومصنعيته ارخص من مودرن يعني الصيانه عنده ب 120 وتركيب السيور ب 100 جنيه مش 190.
فا احسبها انت وشوف عايز تلف وتتعب وتوفر في حدود 200 جنيه فرق مصنعيه وبعض قطع الغيار ولا تروح مودرن سرفيس وتشتري دماغك .

في ناس تانيه كتير شغاله في البيجو وشغالين في التوكيل ممكن تروحلهم بره واسعارهم ارخص من صلاح بيجو كمان بس انا معرفهومش ممكن اي حد من القاهره. يفيدك في الموضوع ده .
واي استفسار انا تحت امرك

**أبو صلاح** · 12-05-2009 11:35 AM

مش عارف ليه حاسس كانكم بتتكلمو على اسعار صيانة بي ام او مرسيدس ؟؟؟؟؟؟؟؟؟

**El Prince** · 12-05-2009 11:51 AM

معروف يا أخ / موبينيلو ان أسعار قطع غيار الفرنساوى غالية فى العموم ... لكنها معمره ..

**ahmed_esmail** · 12-05-2009 12:16 PM

صحيح قطع غيار البيجو غاليه بس كلمه معمره دى متنفعش تتقال ابدا ابدا
الاستخدام ثم الاستخدام ثم الاستخدام

**ahmed_khalil** · 12-05-2009 02:18 PM

صحيح قطع غيار البيجو غاليه بس كلمه معمره دى متنفعش تتقال ابدا ابدا
الاستخدام ثم الاستخدام ثم الاستخدام

معاك جدا جدااا

**Mahmoud_405** · 12-05-2009 06:02 PM

مش عارف ليه حاسس كانكم بتتكلمو على اسعار صيانة بي ام او مرسيدس ؟

انا مش معاك في كده خالص ده فانوس الب ام الفئه الخامسه ب 18000 جنيه والمرايا ب 6 او 7 الاف جنيه يعني ارقام فلكيه دا انا يارجل بقولك 400 جنيه طقم سيور (كاتينه ومجموعه) اظن ان ده يبقي رخيص لو اصلي وتمن معقول وفلتر بنزين 75 جنيه ولما صيانه اساسيه تتكلف 1000 ال 1200 جنيه يبقي كويس قوي لو حضرتك تعرف اسعار البي ام او مرسيدس ياريت تقولنا او تشوف في القسم بتاعهم هناك بيشتكوا اد ايه من لاسعار.
حاجه كمان لمبه الزنيون الواحده في الكورولا ب 1200 جنيه (ايوه لمبه مش فانوس ولمبه واحده) تقول ايه بقي في كده وايه عربيه يباني مش اوروبي حتي علشان نقول معلش الاوروبي غالي.