انا باتكهرب من التيدا

**karaktar** · 12-05-2009 12:20 PM

العربية دى جننتنى رغم حبى ليها بس مفيش فايدة مصّرة تتعبنى معاها وكمان تكهربنى
اركب العربية فى امان الله واروح مشوار انزل من العربية واجى اقفل الباب بئيدى على طول الباب يكهربنى/ ياريت خبراء النيسان يقولولى اعمل ايه وفين الحل
ولو روحت التوكيل هايكشفو على انهى جزء من اسلاك العربية

**ZALABANY** · 12-05-2009 12:46 PM

يا باشا في الغالب الكهربا مالهاش علاقه بالعربيه دي كهربا استاتيك لو فرش العربيه عندك قماش او صوف او قطيفه لما بتقعد وتطلع من العربيه جسمك بياخد شحنه واول لما بتمسك جيم العربيه بعد ما تطلع منها بتفرغ الشحنه وتتكهرب
والإخوه هنا كلهم قالوا الحل يا اما تعمل فرش جلد او تحط عراقات خشب
لو العربيه عندك فرشها جلد في الحاله دي ممكن يكون في مشكله فعلا في الكهربا

**Abdo_Eldesokey** · 12-05-2009 12:50 PM

ده مش عيب في العربية يا باشا ... دي حاجة بتحصل لكل الناس تقريبا ً واتناقشنا فيها كذا مرة

والسبب إنك وانت قاعد جوا العربية ... النايلون المستخدم في صناعة فرش الأرضية يساعد على تكوين كهرباء استاتيكية بجسمك ، وتظل مختزنة بجسمك لأن معظم الأجزاء الي جوا العربية غير موصلة للكهرباء ، كلها فبر وبلاستك

فمجرد ما تنزل من العربية وتلمس الباب الشحنة بتتفرغ في الباب ، فبتحس إنك اتكهربت

أنا الموضوع ده كان بيحصل معايا على طول ولقيتله حل بسيط جدا ً ، قبل ما تنزل من العربية امسك أي جزء معدنى من الباب وانت نازل - الي بيحصل انك بتكون ماسك مقبض الباب البلاستك ولما تيجي تقفل الباب بتتكهرب -

وإن شاء الله معدش يبقى فيه كهرباء

**ZALABANY** · 12-05-2009 12:51 PM

يا باشا في الغالب الكهربا مالهاش علاقه بالعربيه دي كهربا استاتيك لو فرش العربيه عندك قماش او صوف او قطيفه لما بتقعد وتطلع من العربيه جسمك بياخد شحنه واول لما بتمسك جسم العربيه بعد ما تطلع منها بتفرغ الشحنه وتتكهرب
والإخوه هنا كلهم قالوا الحل يا اما تعمل فرش جلد او تحط عراقات خشب
لو العربيه عندك فرشها جلد في الحاله دي ممكن يكون في مشكله فعلا في الكهربا

**sab3aawy** · 12-05-2009 01:10 PM

الحكاية دى دايما بتحصل فى اى مكان فيه موكيت جديد، سواء كان عربية او غيرها، والحى بسيط جدا ، استنى لما العربية تقدم شوية الموكيت بيفقد قدرته على شحنك بالكهرباء وهتنتهى الظاهرة دى، انا الحكاية دى بتحصل معايا كل ما اشترى عربية جديدة او اروح مكان عمل جديد او يججدوا الموكتي فى مكان العمل

**karaktar** · 12-05-2009 01:48 PM

طيب فرش التيدا زى مانتو عارفين قماش وجلد فى نفس الوقت واما اجى اركب العربية تقريباً إيدى مابتلمسش القماش مجرد بكون ماسك الدركسيون اللى هوه جلد طبيعى ويادوب بحول محطاط الراديو يعنى ايدى مابتجيش جنب القماش ازاى بأه بتكهرب
فرش التيدا من النص قماش ومن الجناب جلد يعنى كل جسمى تقريباً مغطى الجزء القماش اللى فى الكرسى وبالتالى ايدى مابتجيش عليه

**وائل عطية** · 12-05-2009 02:00 PM

ياباشا أنا قلت الحل قبل كده كتير..حضرتك قبل ماتنزل من العربية وانت قاعد على الكرسي امسك الباب من الجزء المعدني (من خارج الباب يعني) وانزل وانت ماسك الجزء دا ..مش هاتلاقي الكهربا دي تاني ..وادعيلي