الموضوع: تقييم كيا سيراتو بعد 2000 كم

الحمد لله بعد الى سمعتة انهردة من الموزع ان الهاى لاين هتتسلم يوم 15/7 قررت انى ماجبش نيو سيراتو لو اتأخرت وفعلا هتيجى على الميعاد دا واشوف اى حاجة تانية فى معرض اوتوماك اخبار اليوم بس المعرض يبتدى بس انا عاوز الانجاز مش النوم زى كيا لان كدا بجد حرام عربية كورى وب 126 واستناها 3 شهور دا لو هيدونى عربية فوقها هدية الله الغنى عنها بناقصها انا مش هستنى شهر ونص كمان انا فى خلال الشهر ونص اكون استلمت عربية جديدة وفى نفس الوقت اكون فكرت فى حاجة اعلى من النيو سيراتو واعلى من كيا نفسها بس كدا انا محتاج اعيد حساباتى فى العربية الجديدة الى هشتريها لان بجد كدا تهريج وقلة ذوق من الشركة والموزع وتغور كيا بعربيتها وانا بقولها الاوربى لا يعلا علية انما لا كورى ولا يابانى يدخل زمتى ببصلة ودا رأى الشخصى فى العربيات

والله يا استاذة ايناس فى عجز فى الفلوس شوية بسبب ضغط الشغل ةالحج محتاج مبلغ ضخم للشغل والسوق مش مساعد فا انا لسة هحاول اشوف حاجة اوروبى انا كنت عاوز اجيب بى ام 318 موديل 2002 بس الحج رفض بيقول قديمة وبصراحة انا عاوز اجيب حاجة اليومين دول كويسة تقضى الغرض لحد ما السنة الجاية ان شاء الله اعرف اجيب الى فى دماغى بس بعد الى حصل من الموزع بتاع كيا فى داهية كيا هى وعربيتها انا هحاول اشوف حاجة اوروبى افضل مليون مرة من كيا وهيونداى والكلام الفاضى دا بس هى المشكلة فى الفلوس بس نخرج من المطب البسيط دا ان شاء الله وساعتها هشوف انا هعمل اية اصل بصراحة يعنى مش انا الى هستنى عربية كورى 3 شهور دا لو انا مستنى بى ام او مرسيدس كنت استلمت من زمان وعلى الاقل اسمى راكب عربية نضيفة بس بصراحة البروباجندا الى معمولة عليها زيادة عن اللزوم والشركة بتستخدم نفس اسلوب هوندا انهم بياخرو العربية زيادة الطلب قبل العرض ودى حاجة تدايئ فا اما اشوف بس انا هعمل اية كدا وربنا يسهلى ويقدم الى فية الخير والحمد لله ربنا ما بيجبش حاجة وحشة وكلة خير والحمد لله

المشاركة الأصلية كتبت بواسطة enas75

بصراحه اذا كان معاك انك تجيب الاوروبي متستناش ياتيمون ...انا من الاول قلتك روح جيب الbmwوسيبك بلا كوري بلا وجع قلب......يالله معلش كان نفسي تستمر معانا بس ابقي زورنا.....ومتنساش لما تجيب اوروبي ابقي اديني لفه...
واوعي تجيب ياباني ......فلوس علي الفاضي....

انا ان شاء الله يوم ما اجيب اى عربية هفتحلها فرع فى كيا عندكم فا حضرتك لا تقلقى انا كدا كدا هفضل فى كيا على الاقل اتعرفت على ناس ما شاء الله محترمة وزى الفل زى حضرتك واحمد نور وزياد والدكتور المهندس الاخصائى المحاسب رجل الاعمال الاستاذ احمد سامى وبقيت الناس المحترمة الى هنا فا مش سهل بعد دا كلة انى اسيبكم وامشى انا هنا لاجئ سياسى مش خارج منها ولا بالطبل البلدى ممكن بصينية المسقعة :k31:وانا وان شاء الله والعربية الى هجيبها تحت امر حضرتك بس انتى تأمرى بس وانا انفذ مش سهل على الواحد يعرف ناس محترمة وكويسة زى اعضاء المنتدى هنا ويفرط فيهم

المشاركة الأصلية كتبت بواسطة TeMoON

انا ان شاء الله يوم ما اجيب اى عربية هفتحلها فرع فى كيا عندكم فا حضرتك لا تقلقى انا كدا كدا هفضل فى كيا على الاقل اتعرفت على ناس ما شاء الله محترمة وزى الفل زى حضرتك واحمد نور وزياد والدكتور المهندس الاخصائى المحاسب رجل الاعمال الاستاذ احمد سامى وبقيت الناس المحترمة الى هنا فا مش سهل بعد دا كلة انى اسيبكم وامشى انا هنا لاجئ سياسى مش خارج منها ولا بالطبل البلدى ممكن بصينية المسقعة :k31:وانا وان شاء الله والعربية الى هجيبها تحت امر حضرتك بس انتى تأمرى بس وانا انفذ مش سهل على الواحد يعرف ناس محترمة وكويسة زى اعضاء المنتدى هنا ويفرط فيهم

احم احم ....انا سامع حد بيجيب في سيرتي ...

بص يا سيدي ...انت مادام مش قادر تستنى (و عندك حق) يبقى تسيبك من الفيلم الحمضان ده و تركبلك عربية ألماني...

انت الـ125 الف مش هاريكبوكبي ام من اللي نفسك فيه و حالته كويسة

بس يركبوك اوكتافيا A5 2007 و مش ماشية كتير خااالص

يركبوك سيات ليون ...و ادعيلي

و ممكن يركبوك جيتا بس مش هاتكون بكماليات كتيره ...


لو ناوي على بي ام يبقى استنى لما فلوسك تكمل 140 حتى ...

انت نازل المعرض امتى ؟؟؟ نشوف بعض (علشان لما نتمسك اعرف اوصفك)

و اوعى تفتكر انك لما تسيب كيا ...هاتبقى فلت ...انت معانا في العملية بالتخطيط و التحريض


انا مش هاروح لوحدي