طلب مقارنة موتور 1400 جولف 4 بمواتير 1600 الكورى

السلام عليكم جميعا,

المهم كان عندى استفسار بالنسبة لأداء الموتور 1400 فى الجولف 4, هل هو قايم بالعربية و عند مقارنته بالمواتير ال 1600 فى الكورى و اليابانى (انا معايا كيا سبكترا 1600 , و سوقت الانسر و الالينترا 2004), فكيف سيكون الاحساس بالفرق, هحس انى نزلت جامد, و هل فعلن قوة الموتور هتبان على السرعة العالية ولا هلاقى الموتور هيبتدى يشحر بعد ال 150 مثلن (أنا عندى لا أواجه أى مشكلة فى التجميع حتى 180 و بعد كده يبتدى أداء الموتور يقل), طيب و مع التكييف هحس ان الموتور اتخنأ ولا تأثير التكييف ضعيف على الموتور.

و أخيرا ما هى السرعة القصوى المجربة لهذا الموتور (سيبنا من كلام الشركات المنتجة أنا عاوز حد جرب قيادة هذه السيارة أو يمتلكها).

برجاء الافادة عشان أنا قدامى عربية حالتها جيدة و أنا بقالى مدة بفكر فى الالمانى (و كان تفكيرى فى الاوكتافيا) بس مالقتش حالة جيدة.

و بالمرة اليعرف سعر الجولف 4 كام دلوقتى (الحالة جيدة جدا ماشية 135,000 تقريبا, موديل 2000 فبريقة دواخل و أجزاء من الخارج, حالة الموتور و العفشة جيدة جدا)

و لكم جزيل الشكر

أ

طب يا جماعة على الأقل شباب الجولف 4 يفيدونا بأى معلومة, بردو أكيد فى ناس غيرى هتستفيد

ياباشا ال1400 عالجولف مش بطال ومش قوي قوي في نفس الوقت ! الجولف تبدا تحس بيها بجد من ال1800 عشان العربية اصلا مش خفيفة . وبعدين مش مهم العربية 1600 ولا 1000 المهم الهورس باور . انا معايا بولو بجيب بيها 160وهية 1000 سي سي . الاسبرنزا 1600 وسرعتها القصوي علي مااعتقد 175 !
لو عايز تحس انك راكب جولف يبقي متنزلش عن 1600! وعلي ماسمعت ان التوكيل في مصر ماكانش بيجيب اكتر من ال1400 والعربيات الي غير كدة بتبقي جاية من برة او متسقط لها موتور !
والاسبكترا ال1600او الياباني عموما بيتقطع نفسة مع اي عربية 1400 الماني وممكن تجرب بنفسك!
لان الياباني بيحسب الباور هورس الي طالع من الموتور ولمن الالماني بيحسب لغاية الكاوتش!
عالعموم شكلك فاهم الدنيا بتاعة المواتير والشد . خد العربية وجربها وشوف ! بس نصيحة شوف برضو نفس العربية 1800 ! بجد صاروخ ارض جو!
وربنا يوفقك ياباشا!

أولا شكرا جزيلا على الرد يا snakeson2 باشا,
أنا صحيح كنت صاحى و نايم بشد زمان, بس بامانة كنت دايما راكب كورى, و بعدين أنا داخل على جواز فعاوز عربية بيتى كده زى مابيقولولى لكن فى نفس الوقت ماتوخنوقنيش, و لو هنتكلم على الأرقام أنا عارف ان الموتور ال 1400 بيطلع 75 حصان, و انا عندى الموتور بيطلع 108 حصان المفروض.
أنا العربية معايا سنة, و العربية الوحيدة الطلعت منى فعلن و حسيت انى مش عارف أعمل معاه اى حاجة كانت السوبارو الامبريزا الهاتش باك (و جايز ساعتها العربية ماكنتش مضبوطة عندى, لكن و العربية فايقة, انا كلت الأوكتافيا A5 على طريق السخنة (طالع منو 3 مرات و انا كاسر ال 200), و لسه من يومين واد بفيرنا أعد يغشم معايا على دائرى مدينة نصر بس كالتو و انضم أخ ب جولف 5 بس محدش فينا عرف يطلع من التانى)
المهم أنا على أد ماقدر بمسك نفسى على الجرى أو الشد و بحاول أقلل, بس الفكرة خايف أحس ان حصلى drop جامد لو نقلت للجولف 1400, كمان موضوع الشد مش مهم أوى, لكن اليهمنى أكثر كمان على الطريق السريع لان معظم سفرى بليل و بحب أمشى على سرعات (160 - 190), فخايف الاقي الجولف تجيب 170 و تموت يبقى طبيعى عشان اريح الموتور يبقى يا دوبك امشى على 150 بالعافية, و ناس هتقولى دور على 1600, و بكده يبقى ادور على بورا أكرملى, لكن المشكلة ان قدامى جولف 1400 حالتها فعلن حلوة, و ده مش هيتلاقى بسهولة دلوقتى.

عموما فى انتظار أراء باقى الأخوة

و شكرا

و صحيح عن تجربة اسبرانزا 1600 ماشية 10,000 ك كسرت ال 180 (وصلت ل 185 تقريبا و ثبت عليها) جنبى على طريق سريع و فضلت أسخنه شوية و مارضيتش أفرق عنه لغاية ما جاب اخرو :) و بعد كده رحت طالع منو, الذيذ انو باع عربيتو و اشترى سبكترا الأسبوع ده :), حاجة تانية انا شوفت الاسبرانزا 1300 ماشى على 180 فى طريق الاسكندرية.
و أخيرا مواصفات الموتور بتاعى على النت تقريا مماثل تماما لموتور الالينترا (2004 - 2006) و لكن مع تجربة السيارتين موتور السبكترا فايق عن الالينترا شوية و طلعت من كذا الينترا نفس الموديل ده (يمكن فرق استعمال لأن الموتور عندى 85 % ما شاء الله) لكن يمكن ده يكون على حساب الثبات و ده المخلينى عاوز اركب المانى ان شاء الله.

مواصفات الكيا سبكترا:

http://en.wikipedia.org/wiki/Kia_Spectra

* Kia Shuma/Spectra 2000-2004 performance:
* 1.6L DOHC engine 107 hp 0-100 km/h: 11 sec., top speed: 115 mph (185 km/h) MT
* 1.6L DOHC engine 107 hp 0-100 km/h: 13 sec., top speed: 111 mph (178 km/h) AT
* 1.8L DOHC engine 125 hp 0.100 km/h: 9.8 sec., top speed: 123 mph (198 km/h) MT
* 1.8L DOHC engine 125 hp 0.100 km/h: 10.9 sec., top speed: 118 mph (190 km/h) AT
* 2.0L DOHC engine 132 hp 0.100 km/h: 8.9 sec., top speed: 128 mph (206 km/h) MT
* 2.0L DOHC engine 132 hp 0-100 km/h: 10.0 sec., top speed: 125 mph (201 km/h) AT

مواصفات الهيونداى الالينترا 2004 - 2006:

http://en.wikipedia.org/wiki/Hyundai_Elantra

* Hyundai Elantra (2003-2006) performance:

* 1.6L DOHC engine 108 hp 0-100 km/h: 11.8 sec., top speed: 115 mph (185 km/h) MT
* 1.6L DOHC engine 107 hp 0-100 km/h: 13.2 sec., top speed: 110 mph (180 km/h) AT

* 1.8L DOHC engine 108 hp 0-100 km/h: 11.8 sec., top speed: 115 mph (185 km/h) MT
* 1.8L DOHC engine 107 hp 0-100 km/h: 13.2 sec., top speed: 110 mph (180 km/h) AT

* 2.0L DOHC engine 132 hp 0.100 km/h: 9.1 sec., top speed: 127 mph (204 km/h) MT
* 2.0L DOHC engine 132 hp 0-100 km/h: 10.2 sec., top speed: 125 mph (201 km/h) AT

مواصفات الجولف 4 (و لكن بدون معرفة السرعة قصوى):

http://en.wikipedia.org/wiki/Volkswa...soline_engines

Engine choices

[edit] Petrol engines

Model Engine code Engine Displacement Power Torque Years
1.4 AHW / AXP / AKQ / APE / AUA / BCA I4 DOHC 16V 1.4 L (1390 cc, 85 cu in) 75 PS (74 hp/55 kW) @ 5,000 rpm 126 N·m (93 lb·ft) @ 3,300 rpm 1997-2006
1.6 AEH / AKL / APF I4 SOHC 8V 1.6 L (1595 cc, 97 cu in) 100 PS (99 hp/74 kW) @ 5,600 rpm 145 N·m (107 lb·ft) @ 3,800 rpm 1997-2000
1.6 AVU / BFQ I4 SOHC 8V 1.6 L (1595 cc, 97 cu in) 102 PS (101 hp/75 kW) @ 5,600 rpm 148 N·m (109 lb·ft) @ 3,800 rpm 2000-2006
1.6 AUS / AZD / ATN / BCB I4 DOHC 16V 1.6 L (1598 cc, 98 cu in) 105 PS (104 hp/77 kW) @ 5,700 rpm 148 N·m (109 lb·ft) @ 4,500 rpm 2000-2006
1.6 FSI BAD I4 DOHC 16V
with GDI injection 1.6 L (1598 cc, 98 cu in) 110 PS (108 hp/81 kW) @ 5,800 rpm 155 N·m (114 lb·ft) @ 4,400 rpm 2002-2006
1.8 AGN I4 DOHC 20V 1.8 L (1781 cc, 109 cu in) 125 PS (123 hp/92 kW) @ 6,000 rpm 170 N·m (125 lb·ft) @ 4,200 rpm 1997-1999
1.8 T AGU / ARZ / ARX / AUM I4 DOHC 20V
Turbocharged 1.8 L (1781 cc, 109 cu in) 150 PS (148 hp/110 kW) @ 5,700 rpm 210 N·m (155 lb·ft) @ 1,750 rpm 1997-2006
1.8 T AUQ / AWP I4 DOHC 20V
Turbocharged 1.8 L (1781 cc, 109 cu in) 180 PS (178 hp/132 kW) @ 5,500 rpm 235 N·m (173 lb·ft) @ 1,950 rpm 2001-2006
2.0 APK / AQY I4 SOHC 8V 2 L (1984 cc, 121 cu in) 115 PS (113 hp/85 kW) @ 5,200 rpm 170 N·m (125 lb·ft) @ 2,400 rpm 1999-2001
2.0 AZJ I4 SOHC 8V 2 L (1984 cc, 121 cu in) 115 PS (113 hp/85 kW) @ 5,200 rpm 172 N·m (127 lb·ft) @ 3,200 rpm 2001-2006
2.0 4Motion AZH I4 SOHC 8V 2 L (1984 cc, 121 cu in) 115 PS (113 hp/85 kW) @ 5,400 rpm 172 N·m (127 lb·ft) @ 3,200 rpm 2001-2006
2.3 VR5 AGZ VR5 SOHC 10V 2.3 L (2324 cc, 142 cu in) 150 PS (148 hp/110 kW) @ 6,000 rpm 205 N·m (151 lb·ft) @ 3,200 rpm 1997-2000
2.3 V5 AQN VR5 DOHC 20V 2.3 L (2324 cc, 142 cu in) 170 PS (168 hp/125 kW) @ 6,200 rpm 220 N·m (162 lb·ft) @ 3,300 rpm 2000-2006
2.8 VR6 AAA / AFP VR6 DOHC 12V 2.8 L (2792 cc, 170 cu in) 174 PS (172 hp/128 kW) @ 5,800 rpm 235 N·m (173 lb·ft) @ 4,200 rpm 1999-2002
2.8 VR6 AQP / AUE / BDE VR6 DOHC 24V 2.8 L (2792 cc, 170 cu in) 204 PS (201 hp/150 kW) @ 6,000 rpm 270 N·m (199 lb·ft) @ 3,200 rpm 2002-2006
3.2 VR6 R32 BFH VR6 DOHC 24V 3.2 L (3189 cc, 195 cu in) 241 PS (238 hp/177 kW) @ 6,250 rpm 320 N·m (236 lb·ft) @ 2,800 rpm 2002-2004

اقتباس:

---

المشاركة الأصلية كتبت بواسطة TOOLA

(يمكن فرق استعمال لأن الموتور عندى 85 % ما شاء الله)

---

السلام عليكم
معلش هو يعني اه الموتور 85% ؟؟
اصل انا لسه جديد....:girlsthink:

و شكرا

المقصود بيه حالة الموتور كام فى المية, و ده بتروح لورشة متخصصة أو مركز صيانة بتقيس كبس الماتور (حالته يعنى), و لهذا ف 85 % بالنسبة لسيارة مستعملة بتاع 5 سنين يعتبر نسبة جيدة جدا الحمد لله.

طب انا عربيتي بقالها 15 سنه و تقريبا بتجيب اخرها مع العلم ال الموتور 1400 بس, المفروض تجيب كام في %؟؟

الاختبار يتلقى في محطات البنزين؟؟

معلش دوشتك معايا...

بص أنا معرفش عربيتك نوعها ايه, انا قست الموتور عند ورشة تخصص كورى و ممكن يقيس اليابانى بردو. لكن مظنش هينفع يفتح مواتير المانى, و موضوع الاجهزة ال فى البنزينة دول أنا مبثقش فيهم ابدا, فالأول حدد نوع عربيتك, و بعدين أنا أو غيرى ممكن ندلك تجرب الموضوع ده فين, المشكلة كنت متخيل الأخوة فى فولكس أنشط من كده بكتير, لان المقارنة ديه لو كانت فى رينو أو أوبل ولا كيا, كان زمانى جالى عشرات الردود, عموما شاكر كل من شارك معايا أو اضطلع على الموضوع.

أنا أرشح لحضرتك جولف 4 1600sr (نفس موتور الأوكتافيا a4) والموتور ده علي الأوكتافيا تماااام ما بالك بقي علي الجولف.مع العلم إن الأوكتافيا أتقل بكتيييير من الجولف!!! و ممكن حضرتك تشوف الفيديو الرائع دهhttp://www.youtube.com/watch?v=5G2HI...eature=related

و ده كمااااان http://www.youtube.com/watch?v=pxMNmIPZavg

inspiron شكرا يا باشا على الرد و الفيديو, أداء ممتع فعلن (و مشابه لأداء سيارتى مع فرق الثبات طبعا), و أكيد موتور 1600 لا خلاف عليه, سواء كان موتور الأوكتافيا أو موتور البورا (لا أعلم ان كانت البورا تحمل نفس هذا الموتور 1600sr, أو كما قرأت ان لها موتور مختلف),
و لكن تسائلى كان فى أداء موتور 1400 من خلال تجربة أحد الأعضاء هنا, لأن السيارة المعروضة عليا تحتوى على موتور 1400, و أنا أثق أن حالتها جيدة جدا, عشان كده بسأل عليها.

ده ممكن يفيد حضرتك http://www.youtube.com/watch?v=aFosB...eature=channel


و ده كمان http://www.youtube.com/watch?v=GFi6n...eature=channel

أعتقد كده إني أفدت حضرتك!!!! ورأيي الشخصي توكل علي الله و هاتها عشان بجد عربية في الجوووووون

inspiron باشا, تعبتك معايا والله, شكرا جزيلا على الاهتمام بالرد و على النصيحة, و ربنا يعمل الفيه الخير ان شاء و اوفق فى الاختيار المناسب