كيف تتفادى الغش فى موديلات العربيات؟(بالصور)

**mahmoud_magdy** · 13-05-2009 02:41 AM

يا سلام
حتى موديل العربيه هيغشو فيها
بجد قمة التقدم
شكرا على المعلومه

**yaskhl** · 13-05-2009 02:56 AM

بس العربيات التجميع المحلى مابيبقاش فيها كده ولا أيه؟

**KHALED AYMAN** · 13-05-2009 03:04 AM

فعلا
التوكيلات معتقده ان الناس دول شويه هبل و معاهم فلوس..
اخر موقف حصلى
كنت فى معرض معتمد من منصور اوبل
بسأل على الاسترا السيدان ..
بيقولى دى المانى 100% و تقفيل المانى !!!!!!
بقوله دى مش بتنزل المانيا اساسا يقولى لا بتنزل !!!(موقع اوبل بيقول مش بتنزل)..
بقوله دى بولندى !!
يقولى لا دى بتتصنع فى المانيا و تتشحن على بولندا و بعدين مصر !!عشان ده اوفر !!!!!!!!!!!!!!
زهقت منه
قمت رايح على الازاز الى ادام فى ورقه مكتوب فيها انها مصنعه فى بولندا !!!
قولتله بص !! بولندى !!
قالى اه مهو اوبل ليها مصنع هناك بس دى برده المانى تقفيل بولندى

**Eng_A_Fahmy** · 13-05-2009 03:12 AM

و يا ترى الvin ده بيبقى موجود في كل العربيات في نفس المكان (اللي انت محدده في الصورة) و لا بيختلف من عربية لعربية, و هل هو على الزجاج ام تحت الزجاج, حيث انه غير واضح في الصورة؟؟؟

**dasboot** · 13-05-2009 09:10 AM

بس في نقطة صغيرة جدا يا باشا
و هي ان ال Vin بتاع العربيات دي مكتوب عليه 2010 فعلا, علشان الإفراجات الجمركية مش بتتاخد بالورق و الفواتير إللي المستورد جايبها من بره لأ بيبقي عن طريق رقم الشاسيه بتاع العربية و في المرور بيعملوا مطابقة تانية للأرقام دي و انت بترخص

يعني إللي سيادتك قلته ده مش هاينفع و الوكيل علشان يخلي السيارة 2010 بيعمل حاجة من 2 يا يعدل في رقم الشاسيه يا يتواطء مع الشركة المصنعة :)

و غالبا بيكون اتفق مع الشركة انه ياخد منهم موديل 2010 علي اساس انه يكون Stock عنده و ميبدأش توزيع قبل بداية اكتوبر و هو حب ينصب عليهم و وزع بدري

**sherifahmed** · 13-05-2009 01:58 PM

يا ترى الvin ده بيبقى موجود في كل العربيات في نفس المكان (اللي انت محدده في الصورة) و لا بيختلف من عربية لعربية, و هل هو على الزجاج ام تحت الزجاج, حيث انه غير واضح في الصورة؟؟؟

تحت الزجاج

**sherifahmed** · 13-05-2009 02:18 PM

بس في نقطة صغيرة جدا يا باشا
و هي ان ال Vin بتاع العربيات دي مكتوب عليه 2010 فعلا, علشان الإفراجات الجمركية مش بتتاخد بالورق و الفواتير إللي المستورد جايبها من بره لأ بيبقي عن طريق رقم الشاسيه بتاع العربية و في المرور بيعملوا مطابقة تانية للأرقام دي و انت بترخص

يعني إللي سيادتك قلته ده مش هاينفع و الوكيل علشان يخلي السيارة 2010 بيعمل حاجة من 2 يا يعدل في رقم الشاسيه يا يتواطء مع الشركة المصنعة :)

و غالبا بيكون اتفق مع الشركة انه ياخد منهم موديل 2010 علي اساس انه يكون Stock عنده و ميبدأش توزيع قبل بداية اكتوبر و هو حب ينصب عليهم و وزع بدري

الفكرة كولها ان كان مكتوب فى المصرى اليوم من فترة انهم قبضوا على تاجر و كام موظف مرور حاولو يزوروا فى الافراجات الجمركية
بتاعت موديلات 2008 عشان يعملوها 2009 و طبعا كولنا اتعامل مع المرور و طالما انهم اقفشوا ناس يبأه فى ناس فلتت

**outosend** · 13-05-2009 05:32 PM

باشا الvin ليه كذا مكان ممكن عند العتب فى باب السواق جمب اللوجو الللى مكتوب عليه ضغط الاطارات وممكن فى الموتور من جوه فى الوش على ايدك اليمين انا حاولت ارفع صوره بس معرفتش ازاى

**SeMo_SiRiOnY** · 13-05-2009 05:40 PM

معلومات قيمة فعلا
جزالك الله خيرا عليها

**dasboot** · 13-05-2009 08:03 PM

المشاركة الأصلية كتبت بواسطة sherifahmed

الفكرة كولها ان كان مكتوب فى المصرى اليوم من فترة انهم قبضوا على تاجر و كام موظف مرور حاولو يزوروا فى الافراجات الجمركية
بتاعت موديلات 2008 عشان يعملوها 2009 و طبعا كولنا اتعامل مع المرور و طالما انهم اقفشوا ناس يبأه فى ناس فلتت

لأ هما قبضوا عليهم لما وجدوا ان ارقام الشاسيه سنة الصنع فيها غير مطابقة للأرقام الواردة بالإفراجات الجمركية, و بتوع المرور كانوا بيحاولوا يغطوا عليهم

لكن إللي باقولهولك ده انا متاكد منه علشان سيارتي النوبيرا القديمة كنت جايبها من السعودية و شفت المواضيع دي

الموضوع: كيف تتفادى الغش فى موديلات العربيات؟(بالصور)

LinkBack

أدوات الموضوع

عرض

-

-

-

-

-

-

المواضيع المتشابهه

لماذا العربيات موديلات 95 اغلى من 2004

ايه موديلات 2012 الجديده الى حتنزل فى مصر السنه دى لكل انواع العربيات ........

تظبيط العداد و الغش في العربيات المستعملة

العربيات موديلات التمانينيات؟؟

موديلات سوبارو لعام 2008 .... بالصور

الكلمات الدلالية لهذا الموضوع

المفضلات

المفضلات

ضوابط المشاركة