تــــــــــلـــوث ..

**Terrible_DaRsH** · 12-05-2009 03:28 PM

تــــــــــلــــــــــوــ ـــــــــث ..

امبارح طول اليوم تعبان من التلوث ..

انزل من بيتى الصبح اروح اشوف حالى . و اذا بالدنيا زحــمـــــــة و الجو حـــــــر ..وده شيء طبيعى بس لما الزحمة يطول وقتها فالواحد بيبقي هاين عليه يفرد جناحاته الوهيمة و يحلق بعيد عن اجواء العاصمة الخانـــــــقـــــة ..

خلصت الزحمة و خفت عوادم السيارات و رحت الجامعة .

وللاسف كان ماتش الاسماعيلى فى الكلية الحربية فالطريق وقف تانى شوية ..

خلصت و روحت .. و كانت الساعة 3 و الطريق متوقف تمامااااا بسبب الماتش و حاجة تقرف ..خلصت ازمة الكلية الحربية و روحت الساعة 4 وربع .

صاحبي كلمنى علشان نتفرج على الماتش .
روحنا اكلنا من محل اكل ( المفروض انه محترم ) بطنى اتقلبت بعد الاكل و مردتش اقول لصاحبي . شوية و اتفاجيء ان صاحبي هو كمان بطنه هتنفجر بسبب الاكل . قلت يعنى هى ناقصة تلوث !!

روحنا الكافيه وقعدنا فى النص علشان نعرف نتفرج .

صفر حكم المباراة و كان الناس بتبحث عن شريك الحياة ( الشيشة ) . اكتر من 20 شيشة حواليا قدامى وورايا و جمبي و بقي نادى شباب الشيشة خلاص مش عارف اكلم مين ولا مين !!

خلص الشوط الاول وانا صدرى واجعنى وقرفان و دايخ كمان .
و الكافيه بقي فاضي . فقلت احسن و الله ان الناس هديت .
ابتدى الشوط التانى و رجع الناس للحياة من جديد . الكافيه بقي لونه ابيض و كان الناس بتتنافس فى الشد و السحب .. حاجة قرف يعنى .

خلص الماتش و طيرت على البيت من التعب و مكنش قدامى غير سريري ..
قفزت على السرير و بحاول انسي كل الكلام ده بقي .

و اتفاجا بجارى العزيز انه جايب صب جديد 900000 وات و عايز يبرد حقه زى ما بيقولوا ..

و كل شوية اقول هيسكت هيسكت ... يقوم يعلى اكتر ( تلوث ضوضائي بقي ) :) حاولت انادى عليه او اخبط عليه و هو ولا هنا .
بقولكم 900000 وات هيسمع ازاى يعنى !!

رحت مولع التكييف مع ان الجو ماكنش حر اوى و رحت نايم بعد ساعة عناء تقريبا !!

اول مرة اعرف ان التلوث ممكن نلمسه و يكون بالطريقة دى و لا احد يبالى ولا حد عنده دم ..

**Samah AbdAllah** · 12-05-2009 03:34 PM

انت اللى غلطان يا مصطفى اتفرج فى البيت ما شبعتش تلوث طول اليوم بتكملها فى كافيه وساعة الماتش

**lancerevolution** · 12-05-2009 03:41 PM

بجد القاهرة خنقة جدا جدا أنا لما بنزل أى مشوار بحاول أخليه يوم سبت عشان الزحمة بس تعمل إيه الجو زحمة و بحس إنى مش عارف أخد نفسى و الهوا ما بيشجعش على التنفس لكن بمجرد الخروج من القاهرة و بداية الطريق السريع بحس فعلا بفرق رهيب و بحس إنى بعرف أتنفس تانى و إن الجو نضيف و الهوا جميل
لذلك فإنى أكره القاهرة و الذهاب إليها على عكس الإسكندرية بتبقى أحلى شوية و طنطا كذلك بس مش زى القاهرة

و لما تحب تروح مكان تتفرج فيه على ماتش و عارف إن فيه شيشة روح مكان يكون مفتوح نصيحة من واحد خبرة جامد فى القهاوى أعرف ناس كانوا بيتنافسوا على مين الى يخلص حجر قص فى أقل عدد أنفاس

**mohmd76** · 12-05-2009 03:45 PM

تلوث تلوث تلوث
والمصيبه تغير الجو وهبوب التراب الاصفر المؤذى
يكلفنى دواء ب 600 جنيه شهريا
مضادات حيوية
وبخاخه لتوسيع الرئه ب 150 جنيه فقط لمدة 30 يوم
والجميع ادويه مستوردة

**Terrible_DaRsH** · 12-05-2009 04:35 PM

المشاركة الأصلية كتبت بواسطة BASKOTA

انت اللى غلطان يا مصطفى اتفرج فى البيت ما شبعتش تلوث طول اليوم بتكملها فى كافيه وساعة الماتش

ما المصيبة يا بسكوتة انى رفدت اقعد فى قهوة من القهاوى البلدى علشان الموضوع ده .

اروح الكافيه الاقى السحابة الحمرا بتحوم حواليا :) :) ..

طب لما الواحد يحب يقعد فى كافيه لازم يروح مشوار لاخر الدنيا زى كوستا !!

**Terrible_DaRsH** · 12-05-2009 04:37 PM

المشاركة الأصلية كتبت بواسطة amrico

بس الأخ الروش بتاع الصب ده لازم تكلمه عشان مايكررهاش

لالا الكلام مش هيجيب نتيجة اساسا .

ده مش هو بس .. كل الشباب كده . و كمان ينزل من البيت يكمل الوصلة فى العربية تحت . الكلام مش هيجيب فايدة معاه .

**Abdo_Eldesokey** · 12-05-2009 04:59 PM

المشاركة الأصلية كتبت بواسطة Terrible_DaRsH

لالا الكلام مش هيجيب نتيجة اساسا .

ده مش هو بس .. كل الشباب كده . و كمان ينزل من البيت يكمل الوصلة فى العربية تحت . الكلام مش هيجيب فايدة معاه .

كلمه الأول بالحسنى ... لو لبخ معاك

اعمله محضر إزعاج ... بس طبعا ً كالعادة لازم تكون عارف حد في المركز

عملناها مرة مع جيرانا كانوا مشغلين التليفزيون بصوت عالى جدا ً كذا يوم ورا بعض ، وكلمناهم كذا مرة مفيش فايدة

كلمنا نائب المأمور بتاع المركز بعتلنا بوكس وجم عملولهم قلق جامد ، ومن ساعتها معدناش بنسمع صوتهم

**lancerevolution** · 12-05-2009 06:44 PM

المشاركة الأصلية كتبت بواسطة mohmd76

تلوث تلوث تلوث
والمصيبه تغير الجو وهبوب التراب الاصفر المؤذى
يكلفنى دواء ب 600 جنيه شهريا
مضادات حيوية
وبخاخه لتوسيع الرئه ب 150 جنيه فقط لمدة 30 يوم
والجميع ادويه مستوردة

ربنا معاك

انا بردوا بيحصلى حاجة مشابهة بس بتكلفنى 10 جندى بس الحمد لله هى إن عينى مبعرفش أفتحها غير بقطرة كل شوية يعنى إنسى إنى أتحرك بره البيت ببقى محبوس فى البيت

**نور العمر** · 12-05-2009 09:29 PM

المشاركة الأصلية كتبت بواسطة mohmd76

تلوث تلوث تلوث
والمصيبه تغير الجو وهبوب التراب الاصفر المؤذى
يكلفنى دواء ب 600 جنيه شهريا
مضادات حيوية
وبخاخه لتوسيع الرئه ب 150 جنيه فقط لمدة 30 يوم
والجميع ادويه مستوردة

بسم الشافي المعافي
وألف سلامة