الموضوع: الواحد لازم يحسبها صح

اولا يا جماعه انا بحب احيى كل الناس اللى مشتركه فى المنتدى ده لان حقيقى ده احلى منتدى شوفته فى حياتى

قصتى ابتدت لما حبيت اشترى عربيه جديده واقعدت اقارن بين كذا عربيه (اوبترا وصنى وياريس وسيراتو والانترا ) المهم بعد ما قعدت حوالى 3 شهور واقتنعت تماما بالسيراتو خصوصا بعد تقيم الاستاذ احمد سو خلانى بجد اقتنع بيها تماما ولما قررت انزل اشتريها لاقيت ان انسب حاجه ليه كانت ب 102000 فى التوكيل وبره كانت ب 97000 ساعتها بس كان فى اخبار على السيراتو الجديده وفعلا فرع روكسى قالى استنى الموديل الجديد وبعد كده قرر
المهم استنيت وبسم الله ما شاء الله العربيه الجديده زى الفل كفايه تقييم الاستاذ غازى بس انا شايف انها ماتتركبش غير ٍsx وفوجئت ان سعرها 116000 عند الوكيل والمعارض بتزود 2000 ولا 3000 وتقولك هاسلمك على طول يمكن يكون مناسب لناس تانيه بس انا كده الميزانيه خرمت خالص

ها تقولولى طب ايه المشكله المشكله يا جماعه ان لسه فى كام عربيه الشكل القديم وعاملين عليهم عروض وهميه يعنى اللى كانت ب 102000 نزلوها 95000 واللى ب 107000 بقت ب 100000 وممكن تقسط من كيا على سنه من غير فوايد ودا من التوكيل وبره لو من معرض ممكن تنزل كمان 5000 ولا حاجه

اللى انا بقوله ان هل الواحد لازم يحسبها صح ويستنى شويه على ما سعر العربيه ينزل شويه والدليل على كده الموديل القديم اللى عايزين يخلصوا منو باى شكل ولا يجيب الشكل القديم مع الاعتبار انى مقتنع بيها تماما

اللي تعرفه أحسن من اللي ماتعرفوش
يعني النيو سيراتو لسه ماتجربتش أوي ما عداش عليها وقت
ولو الشكل القديم , أظن الواحد لازم يتأكد من انها تمام وما فيهاش حاجة أو مشكلة
لأن تقريبا كانت كلها اتسحبت , وطبعا في مجال لدراسة البدائل والفرجة على حاجات تانية
متهيألي لو أنا هاعمل كدة
والله الموفق