ممكن تدفع كام؟
عرض للطباعة
ممكن تدفع كام؟
اتش :)
مابلاااااااااش تقلب المواجع
بس الارقام متقاربة اوى يعنى من كذا لكذا فرقهم 500 جنيه بس وده قليل
عموما انا من 4000 فيما فوق
الأصلى لو شغال كويس يبقى حلو قوى
من 2000 ل2500
اكتر من كده في رأيي يبقي سفه
على حسب المبلغ اللى معايا بس لو وصل ل 5000 انا ممكن اعمل حاجة فى العربية احسن من نظام صوووووت
معتقدش انى ممكن ادفع 5000 فى صوت
من 1500-2000
هيد يونت مناسب سعره يكون فى حدود 1000 جنيه
سماعتين ورا , سماعتين قدام , تويترين وصب صغير عشان مش بحب اللبيز العالى عشان بيصدعنى وانا سايق
500 - 1000
لإنى استحرم اركب كاسيت وسمعات ب 2000 ولا 3000 جنيه وفى الاخر حسمع فيهم العنب وام كلالا ولدت.
يعنى بنفس المبلغ اركب مثلا باركنج سنسور ملوش حل وفيه كاميرا وبلوتوث وكدة او على الاقل اجيب جنوط محترمة.
انما آخر حاجة افكر ادفع فيها فلوس هى الكاسيت لأنى فى الزحمة بقفل الكاسيت عشان اركز مع الاعداء وفى الطريق السريع او المدن الفاضية برضو بقفلوا عشان استمتع بالسكون القاتل.
بالنسبة ليا انا من هواة ان الصوت يكون نقى وتحس انة جاى من كل حتة ومجسم يعنى الصوت متوزع على السماعات والبيز يكون جامد بس طبعا مش فى اى وقت ولا اى مكان يعنى بحب اتحكم فى مستوى البيز حسب الحالة الواحد ومين الى راكب معاة
بالنسبة للميزانية مش شرط مبلغ معين اهم حاجة اوصل للصوت الى عايزة
من 2000 ال 2500 معقوله جدا ممكن اعمل سوند سيستيم محتر اووي بالرينج ده
معاك لغايه 5000 جنيه
حلو جدا وممكن استغنى مثلا عن فتحه سقف في سبيل نظام صوتي محترم وعالي النقاء ""لان في الصوتيات للاسف اللي بيتعود على كوالتي عاليه مبيعرفش يسمع اي حاجه اقل ابداااااااااااااااااا""
إحنا بنحسب بالجنيه بس لو حولناها دولار هتلاقى اى سيستم محترم هيبقى اكثر من 5000 كمان
رينجات السيستمز الكويسة مش القوية - 1000 -1500 دولار
إحنا بنتكلم على طقم سماعات و أمب و صب و أسلاك - الأسلاك مش ام 50 جنيه - و كمان عزل الصوت
من 500 ل1000 كفايه قوى
انا اساسا مش بسمع غير اغانى قديمه
كلامك يا هشام مضبوط انت لو بره مصر هتلاقى الف ماركة تركبها مش هنا مربوط ب 3 او اربع ماركات
والعملية على فكره ادمان ودماغ طقه كمان :)
كمان محبش اسمع عربى على العدة لان العربى مش محتاج عدة كفاية عليه سماعتين مدورين
من 2500 - 3000
اكيد كل ما كانت العدة نقية هتسمعك تفاصيل اكتر بس بحس ان الاجنبى مناسب جدا للعدد
يعنى العربى بتلاقيه شغال على الموتوسيكلات :) وواحد بيقولك (كفى نفسك) طيب وانا مالى
انا مبتريقش عليهم لكن بحسدهم يعنى تلاقيه مركبله سماعتبن ب 10 جنيه وتويترين ب 3 جنيه على كلايزر على ام بى ثرى ويطلع صوت يصحى الميتين :C_laugh[1]:
بس فى الأخر صوت شكله ايه؟
وش اكثر من الموسيقى 5 دقايق وتلاقى نفسك صدعت
معاك ان فيه ناس عايزة صوت وخلاص وده حل مناسب ليهم لكن فيه ناس فتحب ياتسمع صوت نقى مفصل يابلاش
ومعاك 100% ان الأجنبى بيبين العد أكثر طبعا عشان ستوديوهات حلوة و تكنولوجيا متقدمة و ناس عندها عدد تبين
+111111111111
انا ممكن تدفع لحد ما افلس غلشان اسمع صوت نقي:w6266d
بس حاليا ماحبش ادفع كثير في العربيه الحاليه
عماتا انا عامل لنفسي رانج 10000 لي 15000 بالكثير..ان شاء الله لما ربنا يفتحها علينا في عربيه طبعا تستاهل فيها الثمن ده وفلوس زياده طبعا للساوندسيستم
من 500 الي 1000 بصراحه كاسيت و سمعتين حلوين
سوني x plod xr و سماعتين كينوود 300
انا بالنسبالى بعتبر ان اى مصاريف فى عدة الصوت فى العربية مش حرام لأن لو الواحد فكر يبيع العربية فى يوم من الأيام هيشيل العدة وتركب فى العربية الى بعضيها وكدة
السلام عليكم
انا يا شباب عندي بايونير اصلي جايبه من بره عايز ابيعه الموديل Pioneer AVH 4050DVD في تقريبا كل حاجه متسطب عليه للكاميرا الي بتتركب وره و ال GPS وال bluetooth وفيه قابلية التحكم فالأي بود وفيه USB تقريبا فيه كل حاجه وغير الإكويلايزر والوان فالخلفيهوتختار الون الي انتا عايزه تكون لمبة الزرار وقابلية انك تحط صوره فالbackground وانتا مشغل اغاني وحاجات كتييير انا ممكن لسا مكتشفتهاش فيه وطبعا بيشغل dvd,wmv,wma,mpeg,mp3,mp4,وحاجات كتيره طحن انا استعمالي له 4 شهور بالظبط سبب بيعي له اني هيجيلي واحد من بره موديل جديد الموديل ده اصدار اخر السنه الي فاتت يعني ليه بتاع 5 شهور فالسوق انا هجيب الجديد طازه انا سالت عليه هنا ب3800 انا هبيعه ب3000 جنيه وهوا حالته زي جديد واتسعماله بسيط
لو حابيت تشوفو صورته هيا دي
http://www.lacaraccessories.com/inde...mart&Itemid=64
اخ ايمن ممكن تعمل اعلانك هنا فى قسم اليع والشراء افضل http://nilemotors.net/Nile/forumdisplay.php?f=81