تقرير ممتاز ... وربنا يبارك لك فيها وفعلا عربية تستحق الاقتناء
ومبروك انضمامك للهونداوية
رقم العضوية : 37013
تاريخ التسجيل : 01Apr2009
المشاركات : 25
الحالة :
بسم الله الرحمن الرحيم
الحمد لله ربنا وفقني واستقريت بعد عناء اني اجيب الهوندا سيتي 2009
وده تقرير كامل عن العربية من أول الشراء لحد أول 1000 كم في الصيانه :
(في البداية انا كان عندي بيجو 305 اعذروني بقى في بعض الملاحظات)
معليش انا مصوتهاش فخليكم مع اللينك ده لو محتاجين أي صور
http://paultan.org/archives/2009/02/...ssions-review/
انا لفيت كتير جدا وفي الآخر ملقيتش اللون الرصاصي الغامق (الفيراني)
والعفش الغامق غير عند السبع الي في ميدان الساعة مدينة نصر ..
جبتها ب 127 ألف .. والاجراءات في الشراء كانت أكنك بتشتري موبيل ..
التسجيل كان في مرور مصر الجديده واخد ساعتين تقريبا .. بعد كده العربية
جاهوة ..
أولا :
انا استلمت العربية ومعاها مفتاحين ورقم كمبيوتر ..
وكيس جلد فيه الخطافين بتوع كرسي الأطفال و مفتاح العجل ..
و شماسة للزجاج الأمامي و دواسات من السبع ..
* تنك البنزين كان مديني 0 بس انا مشيت بيها 15 كيلو كده ولما مونت اكتشفت
انه كان لسه فيها 2.5 لتر ..
ملاحظاتي :
الإيجابيات :
من بره :
طبعا معظمكم شافها قبل كده بس المعرض الي عند التجمع فيه كل الألوان ..
- الصاج تخين بس مش عارف قد ايه والدهان كويس جدا ..
- المرايات عريضة عرض تشوف الأرض و الشباك الي وراك كله ..
- فتحت الباب احساس راقي اوي
- شنطة العربية تاخد 4 جثث مستريحين :)
- علو الإضائة الأمامية ممتاز ( طبعا 4 درجات ) ..
- أداء النور العالي كويس جدا .
- الإشارات الجانبية واضحة من جميع الجوانب ..
-
من جوه :
- العزل الحراري فوق المتوسط عشان لونها عامق
- العزل الصوتي رائع ..
- الكراسي فرشها ضد المية وعليه نقشة نجنن ..
- الكنبة مريحة جدا لـ3 أشخاص ..
- أماكن تخزين في البابين الأماميين
- مكان تخزين كبير جدا تحت الكنبة الخلفية
- 5 أماكن للكبيات
- طفاية منفصلة على شكل Mug
- مساند الرأس مناسبة جدا للجلسة القياسية
- نور التابلوه اساسي شغال وواضح جدا في جميع الظروف
- الشاشة الصغيرة 4 اختيارات (اجمالي المسافة - العداد المؤقت - معدل
الاستهلاك - و المسافة التقديرية لتنك البنزين)
الكاسيت :
-سي دي و وصله USB و ِAUX وبيقراء MP3 & WMA .. الصوت رائع جدا مع وجود
زنه خفيفة جدا لما عليت كل حاجة على الآخر .. بس كان عالي زياده عن اللزوم ..
- المنيو بتاعت الكاسيت رائعة وسريعة جدا .. و كل الإعدادات منفصلة يعني
بتفتكر كل الأوبشين في السي دي لوحده وال USB لوحده والراديو وكده ..
استهلاك البنزين :
- اقتصادي جدا اقل حاجة جبتها 7.2 لتر لكل 100 كم
- بس انا كنت بختبرها في وسط البلد في الزحمة عملت 8.4 ..
- على الدائري المؤشر مش بيزيد عن 5 .. LOOOL
السحب :
بحس العربية وحش متحضر .. عمرها ما ترفضلك طلب .. يعني في المدينة
هادية في الشارع الهادي وبتجري جدا لما تحب تجري بس فيها زي وقت بسيط
كده لما تدوس متوسط عشان لو حبيت ترجع في كلامك .. و دي احسن حاجة
وخاصة لو لسه مش متعود على الأوتوماتيك زيي ..
الماتور :
-العربية متلينه جاهز .
-وهي واقفة ملهاش صوت نهائي .. متعرفش شغاله ولا لأ
-انا مشغل التكييف على الآخر والعربية واقفة والRPM 800 تقريبا ..
- طبعا العربية مواصفات سعودي يعني مروحتين تبريد و فراغات بالهبل حوالين الماتور..
- الماتور متنظم جدا جدا جدا نصيحة الكل يروح المعرض يتفرج عليه .. أساسي ..
- كل حاجة تخصك موجوده قريب منك الزيت والرادياتير والبطارية و سائل الغسيل ..
التحكم والثبات :
العفشة بتاعت العربية ناشفة شويتين وعالية شوية وواضح اول لما تركبها .. بس ميزة رهيبة في المطبات ..
- حجم العربية بيديك الثقة تدخل في أي مكان .
- اخدت ملف واسع على ال 80 من غير ما اسمع صوت الكاوتشات نهائي
- الدريكسيون بيطلع وينزل ويقرب ويبعد
- الدركسيون الكهرباء خفيف خرافي على السرعات البطيئة ..
-الدريكسيون بيتقل اوي عند ال 120 كم و الثبات يخليك عاوز تجري بس مش انا ..
-احساسك بأبعاد العربية جميل جدا دايما حجمها اقل من الي انا عامل حسابه ..
مميزات جانبية :
-المساحات رائعة و سائل الغسيل فكرة جديدة بالنسبة لي ..
-تنبيهات مختلفة على حسب الستخدام ( المفتاح - الفرامل - الكشافات )
-يوجد درج تخزين صغير يسار السائق جنب الدريكسيون للرخص . رائع ..
-مصباح الداخلي لا ينطفي حتى تغلق السنتر لوك من الخارج ..
- السيارة لاتعمل إلا على ال N or P .. ولا يخرج المفتاح إلا على ال P
-يمكن وضع السيارة على الN عن طريق وضع المفتاح في مكان جنب الجير ..
السلبيات :
- درج التخزين الأمامي ضيق جدا ..
- الأبواب منخفضة شوية بالنسبة للأرصفة العالية الي في مصر
- تانك البنزين تحت الكرسيين الي قدام فكرة مش حلوة خالص
- مجال الرؤية من الزجاج الخلفي ضيقة قليلا
- المكان الي قدام الكرسي الي جنب السائق ضيق شوية
- أكتر عربية في مصر عملت 5000 كم فمفيش أكسيسوري خالص و قطع الغيار غالية سنه ..
- التكييف بياخد وقت لحد أما يبرد بس لما يبر بيبقى تلج ..
-طبعا العربية مش فل أوبشن قوي ..يعني :
* لا يوجد كشافات ضباب
* لايوجد كراسي خلفيو قابلة للطي
* لايوجد جنوط سبور
* لايوجد في المراية الوسطية زرار أوسط لتجنب النور العالي
* لايوجد زراير في الدركسيون
* لايوجد ريموت وانذار ولا حتى في التوكيل ولو حبيت تركب بتاع السيفيك ب 2000 جنيه و بدون الصوت يعني سنتر لوك و فلاش فقط ...
* لايوجد مساند أمامية أو خلفية
* لايوجد مراية في الشماسة الأمامية
كلمة ختامية :
أنا اخترت العربية دي عشان هي تنفع أسرة وسهله ومريحة في الاستخدام
عشان اخواتي هيسوقوها .. و سعرها غالي صحيح بس هي الأحسن من
فئتها السعرية ( لحد السيراتو الجديدة الي بعتبرها المنافس الوحيد في السعر) ...
اذا كنت ناوي تجيبها هتنبسط جدا بيها و مش هندم أبدا بس خد بالك من كل السلبيات الي انا كتبتها ..
العربية ممكن ما تكونش احسن عربية في الجري بس عاقلة جدا .. يعني
بتغطي استخداماتك كلها ( في مصر بالذات) و تعدي اجدع مطب وهي مليانه ناس ..
أتمنى أي تكونوا قد استمتعتم بالتقرير
والسلام عليكم ورحة الله وبركاته .
أخوكم
عبدالملك
The image of Egypt is an image for a country always under construction
رقم العضوية : 29076
تاريخ التسجيل : 03Jan2009
المشاركات : 1,801
النوع : ذكر
الاقامة : M'aadi<-->Benha
السيارة: Mercedes Benz S-Class (S600) 2007
السيارة[2]: HONDA CIVIC LXI 2008
دراجة بخارية: ---
الحالة :
تقرير ممتاز ... وربنا يبارك لك فيها وفعلا عربية تستحق الاقتناء
ومبروك انضمامك للهونداوية
Toyota for City ... Nissan for Track ... Honda for Tunning
Mac for Graphics ..Linux for Servers .. Windows for Solitaire
رقم العضوية : 1990
تاريخ التسجيل : 01Sep2007
المشاركات : 749
النوع : ذكر
الاقامة : حدائق الاهرام
السيارة: opel astra h 2007
السيارة[2]: Hyundai ix35
دراجة بخارية: NO
الحالة :
شكرا يا باشا علي التقييم
وربنا يباركلك فيها
رقم العضوية : 17039
تاريخ التسجيل : 23Aug2008
المشاركات : 405
النوع : ذكر
الاقامة : AL-MANIAL
السيارة: honda civic 2009 vti
السيارة[2]: vw tiguan tsi
الحالة :
رقم العضوية : 14603
تاريخ التسجيل : 12Jul2008
المشاركات : 3,270
النوع : ذكر
الاقامة : Egypt, Cairo, Heliopolis
السيارة: Honda Civic EL 1992
السيارة[2]: Honda Civic VTi 1996
دراجة بخارية: لا يوجد
الحالة :
الف مبروك وربنا يبركلك فيها وشكرا على التقرير بس عاوز لفه بقى هههههه
HONDA THE POWER OF DREAMS
رقم العضوية : 37013
تاريخ التسجيل : 01Apr2009
المشاركات : 25
الحالة :
أشكر الجميع على ردودكم الرائعة .. و أنا تحت أمركم في أي استفسار ..
معليش أنا مبتدئ في المنتديات هاخد وقت على ما أصور العربية وأحمل الصور .. بس الموقع الي في الأول فيه كل حاجة ..
و يا رب الناس كلها تركب عربيات نضيفة ..
The image of Egypt is an image for a country always under construction
رقم العضوية : 25539
تاريخ التسجيل : 18Nov2008
المشاركات : 4,742
النوع : ذكر
الاقامة : el-obour
السيارة: bmw e46 330
السيارة[2]: Mercedes c200 kompressor
دراجة بخارية: no
الحالة :
الف الف الف الف الف شكر على الموضوع
واحيك جدا لانك اول واحد عملت تقرير للهوندا سيفيك
بس بالنسبة للعبارة دى
يعنى ايةأكتر عربية في مصر عملت 5000 كم فمفيش أكسيسوري خالص و قطع الغيار غالية سنه ..
[rmade]http://www7.0zz0.com/2014/09/24/17/941743282.jpg[/rmade]
رقم العضوية : 37013
تاريخ التسجيل : 01Apr2009
المشاركات : 25
الحالة :
العفو يا باشا ... قصدك هوندا سيتي أكيد .. المهم
انا لما روحت الصيانة بتاعت ال 1000 كم سألت عن العفشة بتاعت العربية اكمنها ناشفة شوية وهل ده طبيعي ..
الرد كان هو انه العربية جديده في السوق و محدش اشتكى كتير من الموضوع ده معناه انه دي العفشة القياسية الي جاية من المصنع ..
و من ناحية الكماليات انا سألت قالولي الي موجود بس هو السيفك .. وغالي عشان يتركب على السيتي ..
و بالنسبة لقطع الغيار لما سألت عن تمن تغيير الباب الواحد قالولي الباب ب 3000 جنيه .. وتركيبه وكده ب 1500 جنيه .. يعني اجمالي 4500 جنيه ..
انا سألت عشان في حالة حصل حاجة عشان انا مش مأمن على العربية ..
شكلي هأمن عليها بس عندي في البيت لسه شاكين في موضوع الحرمانيه ..
وتأمين هوندا 3.2 من تمن العربية يعني 4064 جنيه في السنه ...
The image of Egypt is an image for a country always under construction
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
ربنا يباركللك فيها تقريرك زى الفل
انا اكتر حاجه عجبانى فى العربيه مقدمتها الرائعه و العربيه من الخارج جميله و شبابيه جدا وان كنت معترض على السعر العالى بتاعها
اكتر عربيه فى مصر عملت 5000 كم :يعنى العربيه مش منتشره لسه فى البلد
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 14993
تاريخ التسجيل : 22Jul2008
المشاركات : 736
النوع : ذكر
الاقامة : cairo
السيارة: no car
السيارة[2]: opel astra 2014 J
الحالة :
تقرير ممتاز ... مجهود أكثر من رائع
الف مبروك علي العربيه ومبروك انضمامك للهونداوية
المفضلات