مشكلة تزبزب الrpm

**zocor742** · 12-05-2009 09:09 PM

روحت اغسل العربية النهاردة وبعد ما غسلتها بدور العربية لقيت حاجة غريبة الrbm بيزيد كأنى بزود بنزين لحد مايوصل ل2 ولمبة الشيك تنور ويفضل ينزل لحد 1,5 ويعلى لل2وينزل تانى فضلت على كدة شوية ابطل وادور هيا هيا ازود بنزين بردو نفس المشكلة كل دة على السلانسية حتى لما بسيب دبرياج مش بحتاج ادوس بنزين طبعا لحد ماروحت وانا بركن لقيت الrbm اتعدل تانى
تفتكروا اية الى حصل اروح للميكانيكى اكشف على العربية ولا ممكن يكون جت مية على اى حاجة بس الكبوت مفتحش اة على فكرة لمبة الشيك اتقفلت لما الموضوع اتظبت

يرجى من العضو اختيار عنوان معبر عن محتوى الموضوع

مشرف القسم

**ahmedsrs** · 12-05-2009 10:17 PM

فى خرطوم رفيع كده بيجى من صدر العربية وبيخش فى المنافول اتاكد انه مش واقع

**zocor742** · 12-05-2009 10:44 PM

معلش ياباشا هو فى مكان المنافول وشكلة اية

**samirayad** · 12-05-2009 10:52 PM

حساس الماب راكب فى سدر العربيه من الداخل (فوق فلتر البنزين ).......وتحت الحساس زور ....راكب فيه خرطوم رفيع .....

_ وفيه وراء بكرة الأكسراتير ....حتلاقى الزور التانى اللى بيركب عليه طرف الخرطوم التانى.......

_ أكد على تركيب الخرطوم من الجنبين وشوف النتيجه................

**MMamdouh** · 13-05-2009 01:02 AM

مشكلة تزبزب الRPM بتبقى من الTPS... غالبا جت عليه مية و هو اللى عمل كدة

عموما طالما لمبة التشك نورت يبقى الكونترول سجل كود العطل... حط العربية على سكانر و شوف كود العطل ايه للتاكيد

MMamdouh

**Samah AbdAllah** · 13-05-2009 01:23 AM

المشاركة الأصلية كتبت بواسطة MMamdouh

مشكلة تزبزب الRPM بتبقى من الTPS... غالبا جت عليه مية و هو اللى عمل كدة

عموما طالما لمبة التشك نورت يبقى الكونترول سجل كود العطل... حط العربية على سكانر و شوف كود العطل ايه للتاكيد

MMamdouh

**samirayad** · 13-05-2009 07:30 AM

كده فعلا الكلام اللى حصل معاك زى ما أخونا محمد .....توقعه ....ماء من الغسيل تخلل فيشة حساس الtps وبكده حصل أتصال أرضى مؤقت بسبب الميه المتسربه لفيشة الحساس.....وبقى الحساس كأن الفيشه مفصوله لحظيا ( يعنى الكهربا اللى رايحاله من وحدة التحكم بتهرب فى اللحظه دى للأرضى ) هيا وخرج أشارته فى نفس اللحظه ونشف بعد كده مع السخونه بتاعة الغرفه ......لأننى تعجلت فعلا وفكرت فقط فى سؤالك عن مكان الخرطوم .....وطالما الأمور بقت تمام فلاداعى من عمل شىء .....الا أن وجد جديد .......قولنا عليه .........

**abzoabzo** · 13-05-2009 09:44 AM

المشاركة الأصلية كتبت بواسطة zocor742

متشكر يا جماعة على الردود
انا فعلا اتأكد من كل الخراطيم فى حوض المتور وكان كل حاجة مظبوطة هو الموضوع اتظبت لوحدة لحد ماروحت البيت وانا بركن العربية معنى كدة ان ممكن تكون المية وصلت لجزء معين هو الى عمل الخلل دة بس تتخيلوا كدة المشكلة الحمد للة اتحلت ولا لسة الموضوع محتاج انى اعمل حاجة تانية

ممكن فى مياه وصلت للضفيرة الحوار ده بيقعد حوالى 6 ايام حتى تختفى اثار الغسيل وبعد كده بفك فيش الضفيرة عندنا فى الانوس شمال فوق لما تفتح الكبوت وبرش عليها w40 الموضوع بيرجع تمام

**samirayad** · 13-05-2009 02:25 PM

المشاركة الأصلية كتبت بواسطة samirayad

كده فعلا الكلام اللى حصل معاك زى ما أخونا محمد .....توقعه ....ماء من الغسيل تخلل فيشة حساس الtps وبكده حصل أتصال أرضى مؤقت بسبب الميه المتسربه لفيشة الحساس.....وبقى الحساس كأن الفيشه مفصوله لحظيا ( يعنى الكهربا اللى رايحاله من وحدة التحكم بتهرب فى اللحظه دى للأرضى ) هيا وخرج أشارته فى نفس اللحظه ونشف بعد كده مع السخونه بتاعة الغرفه ......لأننى تعجلت فعلا وفكرت فقط فى سؤالك عن مكان الخرطوم .....وطالما الأمور بقت تمام فلاداعى من عمل شىء .....الا أن وجد جديد .......قولنا عليه .........

_ عاوز أعدل التحليل ده لأن أنا راجعت نفسى تانى واللى حصل كالآتى ..........

_ مية الغسيل لما دخلت فيشة الحساس حصل تلامس بين سلك دخول ال 5 فولت اللى جايين للحساس من وحدة التحكم .......وبين سلك الأشاره اللى خارج من نفس الحساس برضه لأن الماء موصل للكهرباء........وكده حصل خلل مؤقت فى عملية التحكم ........وبكده اللمبه نورت لحظيا ........

_ ولما نشفت الميه أنفصل سلك الباور عن سلك الأشاره وكده طفت اللمبه .........وعادت ريمـــــــــــا لعادتها القديمه .........أى الوضع الطبيعى .....

-

الموضوع: مشكلة تزبزب الrpm

LinkBack

أدوات الموضوع

عرض

مشكلة تزبزب الrpm - انشر الموضوع فى :

-

-

-

المواضيع المتشابهه

الحمد لله مشكلة الrpm أتحلت

مشكلة فى عداد الrpm والعربية بتسخن

مشكلة في عداد الrpm

مشكلة فى الrpm و لمبة check engine الصفرا

عن الrpm و rbm

الكلمات الدلالية لهذا الموضوع

المفضلات

المفضلات

ضوابط المشاركة