مبنحسش بقيمة الحاجة غير بعد فوات الأون

**icehearted girl** · 12-05-2009 10:02 PM

النهاردة عند مطلع كوبري العمرانية شفت منظر

لقيت ميكروباص الناس ملمومة حوالية وطالع منه دخان من كل حتة

ولا كإنه محطوط بيتشوي عالفحم

كان منظر فظيع فعلا

وحسيت انه خلاص علي وشك الإنفجار... وصوت طقطقة جمدة من كل حتة فيه

الراجل السواق كان عمال يدور علي اي طفاية مش لاقي

وقف حواليه فوق العشر ميكروباصات

وهو بيجري زي المجنون

ياناس طفاااااااااااااااية...أكل عيشي

ولاحد معدي كان معاه طفاية

بصراحة كان صعبان عليه جدا جدا

بس من جوايا كنت عاوزة اقله احسن عشان تبقي تعرف بقيمة الطفاية

بس سكتت شوية واتكسفت من نفسي أوي

اصلي افتكرت ان انا كمان طفايتي في الضياع

إحنا شعب كدا

مبنحسش بقيمة الطفاية غير بعد الحريقة

ولا بنحس بقيمة السرعة المقررة والرادار غير بعد أول حادثة

ديما مبنفهمش غير لما بتكون it's too late

ومبنتعلمش من أخطاء غيرنا

لا لازم الواحد تحصله مصيبة عشان يفكر أنه يبتدي يتعلم

**Samah AbdAllah** · 12-05-2009 10:04 PM

معاكى حق ايس ياريت كلنتا نتعلم

**icehearted girl** · 12-05-2009 10:44 PM

حضرتك عامك حق في حاجات

بس مينفعش نبرر أخطائنا بوجود أخطاء الغير

انا فاكرة مرة كان دكتور بييحكي قصة حصلت في ألمانيا ليه هوا شخصيا

لقي سيدة حامل واقفة هي ووالدتها وبيتسنجدوا باي حد يوصلهم للمستشفي

والجو كان ممطر جدا ومفيش حد ببيرضي يقف

قام هو وقفلهم ووصلهم

وفي الطريق كسر اشارة عشان يلحق يوديها للمستشفي وكمان مكنش في اي حد واقف

تاني يوم اكتشف ان البوليس بيبعتله علشان كسر اشارة امبارح

تخيلوا مين اللي بلغ عننه؟

والدة الست اللي كانت بتولد دي

ايوا اللي وصلهم بنفسه

لما سألها عملت كدا ليه

قالتله انا عارفة ان دي شهامة منك انك وصلتنا

بس دا مش مبرر اني اسمحلك انك تعمل حاجة ممكن تأذي بيها قوانين بلدي