لأصحاب العربيات الأتوماتيك

**Salah_sr** · 07-05-2007 12:33 PM

قرأت في الموقع شكوى أصحاب اللانسر من سرقة السيارة ,هنا في عمان و أكيد موجود أيضا في مصر يوجد نوع إنذار بيركب للعربيات بيمنع العربية أنها تتحرك في محاولة السرقة و لا يوجد حل لسرقتها إلا بجر أو رفع العربية تماما من علي الأرض و لكن الغريب إنه لا يركب إلا علي العربيات الأتوماتيك كما يوجد نوع آخر بيقطع كهرباء العربية بالكامل عند محاولة السرقة و التحرك بالعربية و لكن الأنواع ده سعرها يبدأ من 35 ريال عماني و أكثر أي حوالي 500 جنية مصري أو أكثر حسب مكان الصنع أمريكي أو كوري أو صيني و ..... ألخ و شكرا

**aboaya** · 07-05-2007 06:07 PM

مطلوب معرفة تفاصيل اكثر و شكرا

**M_ElSabaa** · 07-05-2007 06:13 PM

برجاء ارسال اسم ونوع اجهزة الانذار

**Salah_sr** · 07-05-2007 07:48 PM

قريبا سوف أذهب إلي أماكن بيع هذه الأجهزة في مسقط و ولكني لا أعرف فين في مصر و سوف أرسل لكم بيانات كاملة عنها

**Abdallah** · 07-05-2007 07:57 PM

شاكرين افضالك يا اخى صلاح بس انت عارف ان اجدع جهاز انذار فى مصر المحروسة بــ 200 جنيه فمعتقدش ان فى حد ممكن يغامر ويبيعه فى محله فى مصر.

**M_ElSabaa** · 07-05-2007 08:10 PM

لأ اذاى الكلام ده انا شوفت انذار هنا فى مصر بيتباع فى اكتر من حته بس مش موجود عند كل الناس كان ب 700 جنيه الى هو الريموت بتاعه فى شاشة عبارة عن هيكل للعربية وعلى حسب الجزء المخبوط او الى اتفتح بينور عندك فى الريموت الجزء ده

**Abdallah** · 07-05-2007 08:26 PM

اول مرة اسمع عنه دة, يا ترى فى حد فى المنتدى جربه؟؟؟

**baher** · 07-05-2007 08:57 PM

أنا أعرف واحد صحبي عنده استرا مركب فيها الجهاز اللي فيه شاشاه في الريموت وبيبان لو انفتح اي باب واتخبط بينور على الشاشه بس هو موش فعال أووووي يعني افضل من الانذار العادي طبعا بس موش هو ده اللي ادفع فيه 700جنيه

**memo_hefnawy** · 07-05-2007 09:51 PM

يا جماعة من الآخر حايز تحافظ على عربيتك من السرقة :

1- ركب كلبش (من الدواسة للطارة) سعره حوالى 80 جنيه و فيه أنواع أرخص

2- ركب إنذار و يكون اللمبة بتاعته ظاهرة

3- ممكن الكهربائى يعملك زرار خفى بيفصل الكهرباء (ده فعال أوى لأنه غير متوقع خاصة لو مكانه خفى)

4- إركن فى حته فيها حركة و نور مش مضلمة و مقطوعه

5- يفضل تغطى العربية بليل و متسيبش فيها حاجة جوة الصالون ملفته للنظر (صعب حد يكشف عربية عشان يسرقها إلا لو متربص لها كذا يوم) :arrow: