شراء سيارة جديدة

**M.almaghraby** · 14-05-2009 10:04 AM

السلام عليكم انا رايي حضرتك تطلع ال frv & aveo من اختياراتك ودي اسبابي :

1- ال frv دي مليانة كماليات و كل حاجة بس فالاخر هيا صيني و كانت ممنوعة في اوروبا و السلامة فيها ضايعة خالص

و مع ذلك التوكيل الحرامي بينزلها ب 80000 و دا استهبال لان اخرها 66و67 و انا شايف انو اكتر من كدا حرام

2- افيو مش داخلة دماغي خالص ولو ان الهاتش باك شكلها معقول

- فا العربيتين مش وحشين لكن لا يقارنوا بالجين ولا البونتو التحفة

رايي ان البونتو احسن الاختيارات بما انك راكب فيات و زي ما قال ايمن الايطالي ايطالي و هيا عربيو نضيفة اوي و شكلها جذاب جدا

بس في حالة البونتو حضحي بالموتور القوي و السحب بتاع الجين و اعتقد الثبات تاي فالجين اكتر برده

عالعموم هما الاتنين تقريبا زي بعض شوف انتا العربيتين و قرر و ربنا يوفقك يا باشا

**mhoss** · 14-05-2009 11:39 AM

المشاركة الأصلية كتبت بواسطة أبومريم

رأيي يا أما الFRV يا أما الجين 2
بس انا شخصيا مش هركب بريليانس وخاصة مع الاسعار العجيبة بتاعتها في مصر وانا لسة مستلم جين 2 من يومين و عايز اقولك لقيت فيها عيبين صغيرين بس العربية بجد وهم بالنسبة لسعرها و عشان تجيب نفس كمالياتها من ال frv هتدفع 82 الف و برضو الجين 2 فيها كماليات اكتر
على فكرة انا اخدت الجين 2 بالتقسيط و بخصم 3 الاف ج بفضل الله يعني كدا معتقدش ممكن تفكر في ال frv

مبـــــــــــــــــــروك، ،،ربنا يباركلك فيها و يعطيك خيرها و يبعد عنك شرها

و على فكرة معايا زميل فى المكتب معاه جين2 2008 و حببها أوى و متغاضى عن كل العيوب المتعلقة بالتقفيل

و بيقول أهم حاجة الموتور و الثبات و البادى و دول و لله الحمد مميزين عن أى عربيه أخرى فى نفس الفئة

و ربنا يبارك...:k49:

**أبومعاذ** · 14-05-2009 02:58 PM

المشاركة الأصلية كتبت بواسطة mhoss

مبـــــــــــــــــــروك، ،،ربنا يباركلك فيها و يعطيك خيرها و يبعد عنك شرها

و على فكرة معايا زميل فى المكتب معاه جين2 2008 و حببها أوى و متغاضى عن كل العيوب المتعلقة بالتقفيل

و بيقول أهم حاجة الموتور و الثبات و البادى و دول و لله الحمد مميزين عن أى عربيه أخرى فى نفس الفئة

و ربنا يبارك...:k49:

ربنا يبارك فيك وجزاك الله كل خير والعربية فعلا تحفة وللاسف انا اكتشفت ان الناس وانا من ضمنهم بتركبها وهي متربصة و اي هفوة تحصل بياخد باله منها ويقول عيب تقفيل
يعني انا مثلا كنت مركب معايا ناس في الكنبة اللي ورا وجه حد منهم ينزل لقى الباب مش بيفتح من جوا وانا افتكرت دا عيب في العربية واتضايقت وبعدين افتكرت ان الباب فيه سويتش في حرف الباب عشان لو عايز تخليه ميفتحش غير من برا عشان الاطفال ودي ميزة هايلة وانا افتكرتها عيب

**CryptonX** · 15-05-2009 01:23 AM

والله يا جماعة انا شاكر ليييييييكم جدا :)

ان شاء الله حعمل Test Drive للبروتون و الfrv
لو اني متحيز اكتر للجين 2 .. بس لازم اجرب الاتنين علشان ارتاح نفسيا اكتر .

و شكرا لكم جميعا .

**amir** · 15-05-2009 02:08 AM

المشاركة الأصلية كتبت بواسطة CryptonX

للاسف بفكر اخون المافيا الايطالية .. و بفكر حاليا في شراء سيارة جديدة علي اخر السنة

خاين
برجاء اختيار احدي الطرق الموضحه ادناه

المشاركة الأصلية كتبت بواسطة CryptonX

والله يا جماعة انا شاكر ليييييييكم جدا :)

ان شاء الله حعمل Test Drive للبروتون و الfrv
لو اني متحيز اكتر للجين 2 .. بس لازم اجرب الاتنين علشان ارتاح نفسيا اكتر .

و شكرا لكم جميعا .

لو بتفكر او عندك ميل لل frv يبقي نصيحه بلاش بلاش بلاش تجرب سواقه الجين تو
نبذه عن اعراض مرض الجين تو:
مرض الجين تو يعتبر من اشرس الامراض علي مستوي العالم
و ذلك نظرا لسهوله انتشاره
فبعكس كل طرق انتقال الامراض المعروفه للعالم
فأنه ينتقل بالنظر

يكفي ان تنظر اليها لتصيبك العدوي
اعراض المرض:
اطاله النظر اليها في الاشارات و الشوارع و المعارض
هلاوس سمعيه بصريه بذكري قيادتها
احساس بالراحه فقط عند ركوبها
احساس بالبهجه لما تسوقها
احساس احساس احساس

**CryptonX** · 15-05-2009 03:59 PM

المشاركة الأصلية كتبت بواسطة davemustain

ملاحظة بس على ال-FRV
الموتور صيني مش ياباني
هتلاقي مكتوب عليه

DAE 4g1 mitsubishi tech

DAE شركة في الصين ود link يثبت كلامي
http://autonews.gasgoo.com/auto-news...th-engine.html

أنا مش بأول وحشة. أنا بفكر فيها وفال-GEN2
بس خايف مل موتور بتاع ال-FRV.

الف شكر علي المعلومات القيمة :)

بس الفكرة اني بصراحة " مش " خايف او مش فارق معايا موضوع صيني من عدمه .. الي مخليني معجب بيها بصراحة غير طبعا الشكل و الحاجات دي
ان التوكيل مديها اهتمام غير عادي و دعايا غير عادية ومن بعض الاخوة الي امتلكوها ايضا بيقولوا انه توكيل محترم ..

بعكس عز العرب الي يعني لما بشوف اعلان بروتون مرة كل سنة ولا حاجة .

و طبعا مش حتلكم علي توكيل فيات ..الي بينزل اعلان مرة كل عيد :) و كمان بيكتب معلومات غلط ,, و لو انه تعاملهم كصيانة و كدة محترم جدا بس هما مشكتلهم انهم معندهمش حرفية عالية او راس مال كافي لاعادة انتشار فيات مصر خصوصا انهم اصلا كانوا وكيل IVECO و دي سيارات نقل كبيرة مش للمستهلكين
و الي غايظني اكتر ان مالك OMATRA دي سعودي !! و برده بخلاء !

---

المشاركة الأصلية كتبت بواسطة amir

خاين
برجاء اختيار احدي الطرق الموضحه ادناه

لو بتفكر او عندك ميل لل frv يبقي نصيحه بلاش بلاش بلاش تجرب سواقه الجين تو
نبذه عن اعراض مرض الجين تو:
مرض الجين تو يعتبر من اشرس الامراض علي مستوي العالم
و ذلك نظرا لسهوله انتشاره
فبعكس كل طرق انتقال الامراض المعروفه للعالم
فأنه ينتقل بالنظر

يكفي ان تنظر اليها لتصيبك العدوي
اعراض المرض:
اطاله النظر اليها في الاشارات و الشوارع و المعارض
هلاوس سمعيه بصريه بذكري قيادتها
احساس بالراحه فقط عند ركوبها
احساس بالبهجه لما تسوقها
احساس احساس احساس

و الله يا دكتور امير انا ال 3 سيارات لما بشوفهم بيحصلي كدة .. بشوف الجراند بونتو بطلع فيها كل حاجة مش كلها .. انهي موديل و اللوجو الاحمر الجديد و لا الازرق و الف شوية حواليها ..
بس المشكلة انا نفسي اجرب محرك اكبر .. " وبقيت " احب اسافر العين السخنة كل يوم جمعة .. الباليو زي الفل بصراحة علي 3 سنين و 60 الف كم مستحملاني و انا مبهدلها و اول سيارة ليا و بالعكس تقريبا عمرها معملتلي مشكلة او اي خطأ غير ماكون انا السبب فيه من الاول انما اعتمادية من الدرجة الاولى ..

فالجراند بونتو حتكون اكثر السيارات ال3 معمرة .. بس انا حشتري اخر السنة .. لو نزلوها 4% بتاعة الاوروبي دي .. تبقى مثلا 85-86 و اكون تغاضيت عن موضوع المحرك حفكر فيها جديا ساعتها .

بالنسبة للFRV , انا اشتريت سيارتي رغم انف كل صحابي و اهلي و السوق المصري .. كل الناس لحد 70 الف يا تشتري فرنا يا لانوس يا شاهين يا افيو يا شيري A11
و انا بصراحة لم اقتنع ولو ب 50% باي من السيارات العتيقة دي بسبب شكلها ! انا مهندس معماري و بالنسبة لي تصميم سيارة يمثل 70% من قرار شرائها !

نزل توكيل فيات المبتدىء باعلان " ولا حصر ربع صفحة حتة " عن الباليو و السيينا الجداد .

رحت ركبتهم ( مع ان دي ارخص سيارة فيات في العالم ) حسيت اني الي كنت بشوفهم دول ( للستة المكررة المملة ) سيارات من زمن مضى .. رغم ان السيارة بسيطة جدا في تصميمها الداخلي و الخارجي و لكنها اشيك و احلى الف الف مرة في نظري انا علي الاقل عن اللستة المملة !
هل ندمان علي شرائي لها ؟ لا الحمد الله ساعتها كانت من افضل الخيارات ليا .. يمكن لو كنت استنين شوية كنت حبت حاجة تانية بس برده لنفس الاسباب .

فده اجمالا نفس الي بحسه لل FRV مع زيادة اني معحب جدا بشغل التوكيل معاها و مستنى موضوع ال TEST DRIVE ده علشان يبقى الفيصل .

نيجي للجين 2 .
زي ماقلت عاملها زي حجر الاساس او الحل الوسط ..
بمعنى اني عارف تقريبا من الزملاء ها عيوبها و مزاياها ومش مضايقني اوي - بس عايز اشوف المرض الي حضرتك بتقول عليه ده .. لو اصابني فعلا يبقى احسن .. حرتاح من وجع الدماغ و حشتريها علي طول .. لو اني خايف ان تكون الحمى الايطالية تعملي مناعة ضدها :)

و شكرا لردكم جميعا و معلش ردودي بقت ندوات مش رد