حدد نوع شخصيتك من هذه القصة ...

**د.محمود صلاح** · 27-09-2007 01:00 AM

كان هناك فتاة وشاب يحبون بعضهم البعض ولكن كل منهم على ضفتى نهر .....

فى أحد الأيام أرادت الفتاة العبور للشاب عبر النهر.....

ذهبت لضفة النهر ووجدت مراكبى اتفق معها على مبلغ من المال نظير توصيلها للضفة الاخرى من النهر وبينما هم فى وسط النهر ..طلب منها مبلغا أكبر من المتفق عليه والا ألقاها فى النهر ..قالت له ليس معى , قال لها آخذ ملابسك , أخذ ملابسها وتركها فى الضفة الأخرى شبه عارية ... فى ذلك الوقت قابلها صياد ورآها عارية فاعتدى عليها ...

وبعد ذلك وجدها الشاب فى ذلك المنظر وما حدث لها فقرر أن يتركها وذهب لحاله

.......أيهما تؤيد من هؤلاء الأربعة المذكورين فى القصة من وجهة نظرك ؟؟؟

أترك لسيادتكم التحليل والتعقيب

**Dr Ahmed** · 27-09-2007 02:06 AM

لما أفكر كده..

البت بتحب الواد وهتعديله رغم ان هو اللى مفروض يعديلها ، و راحت لوحدها فى المركب مع راجل غريب و اتنازلت عن هدومها مقابل حياتها ، وتم الاعتداء عليها.. يبقى مجموعة من الأخطاء==لا أؤيدها
المراكبى مستغل وحرامى==لاأؤيده
الصياد معفن بدل ما يسترها عمل اللى عمله==لا أؤيده
الولد شافها كده ومعرفش غير اللى شافه .. شاف حبيبته عارية وعاملة عملة مهببة هيعمل إيه يعنى؟==هو ده إللى بأيده لأنه الوحيد اللى مقدرش ألومه إلا لو كان فيه جزء تانى من القصة.

بس خد بالك يادكتور محمود.. تحليل الشخصية = حاجة شخصية !

**أبو عبدالله** · 27-09-2007 02:10 AM

بسم الله الرحمن الرحيم

الاجابة رقم واحد ........... مصر

**Dr Ahmed** · 27-09-2007 02:14 AM

بسم الله الرحمن الرحيم

الاجابة رقم واحد ........... مصر

ههههههههههههههههههههههههه
أحسنت
وليك الجايزة
خلاط كهربا صينى بالشاحن بينور بالليل ومعاه ضمان 3 ثوانى

**AlmAhAtmA** · 27-09-2007 02:42 AM

نحنوح محني نحنوح النيح
جول لاع
لاع
مليح

و شكرا

**اسلام المصرى** · 27-09-2007 04:09 AM

شكرا جزيلا يا د.محمود على هذه القصة :)
بأختصار:
المراكبى: طلع مش راجل لأنه اتفق على شىء و لم يلتزم بأتفاقه يعنى لم يحافظ على كلمته , و الراجل ايه غير كلمه!
الصياد: برده مش راجل هو ح...ن لأنه أستغل الموقف و عمل عملته السودة بدل مايسترها!
الشاب: برده مش راجل :) لأنه تخلى عنها بدون معرفة أسباب حالتها , و ما حدث لها كان بسببه - من أجله!
الفتاة: مظلومة فى القصة ديه , ثلاثة رجال عاملوها معاملة زفت! اتنين أستغلوها أسواء أستغلال و واحد باع فى لحظة! هى أمراة تحب و تصرفت على هذا الاساس!
وردا على سؤال حضرتك يا د.محمود أنا أؤيد الفتاة :) لأنها تصرفت من البداية بحسن نية و تم أستغلالها. وهذا رأى الشخصى.

و تصبح على خير :)

**hazem_khidr** · 27-09-2007 05:29 AM

الكل غلطااااااااان
المراكبي:مش راجل
الصياد: معندوش ضمير ولا شرف
الشاب:برضه مش راجل وكان المفروض يروح لها هو و لما شاف موقف حبيبته كده كان المفروض ياخد بطارها.
البنت :حتي لو حتموت مكنش المفروض تفرط في ملابسها ربنا موجود كان حينقذها لو ليها عمر

**Ahmed_Ezz** · 27-09-2007 10:56 AM

المشاركة الأصلية كتبت بواسطة اسلام المصرى

شكرا جزيلا يا د.محمود على هذه القصة :)
بأختصار:
المراكبى: طلع مش راجل لأنه اتفق على شىء و لم يلتزم بأتفاقه يعنى لم يحافظ على كلمته , و الراجل ايه غير كلمه!
الصياد: برده مش راجل هو ح...ن لأنه أستغل الموقف و عمل عملته السودة بدل مايسترها!
الشاب: برده مش راجل :) لأنه تخلى عنها بدون معرفة أسباب حالتها , و ما حدث لها كان بسببه - من أجله!
الفتاة: مظلومة فى القصة ديه , ثلاثة رجال عاملوها معاملة زفت! اتنين أستغلوها أسواء أستغلال و واحد باع فى لحظة! هى أمراة تحب و تصرفت على هذا الاساس!
وردا على سؤال حضرتك يا د.محمود أنا أؤيد الفتاة :) لأنها تصرفت من البداية بحسن نية و تم أستغلالها. وهذا رأى الشخصى.

+100000000000000

**MMamdouh** · 27-09-2007 01:12 PM

المشاركة الأصلية كتبت بواسطة etch007

النهر

:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:

دى الاجابة الصحيحة فعلا لان الكل غلطان

البنت غلطت لانها عدت للشاب... هو اللى المفروض يكون عنده دم و يروحلها مش هى اللى تروحلة لان البلد مش امان زى ما شفتم

المراكبى شخصية مش نضيفة (عشان رمضان بس) لانه استغلالى

البنت غلطت تانى انها فرطت فى هدومها... كانت تترمى فى الميه و زى ما تيجى تيجى... اما تعوم للشط يا حد ينقذها (حد غير الصياد طبعا) او حتى تموت غرقا اهون من اللى هى فيه دلوقتى

الشاب غلطان لانه كان لازم يستناها على الشط التانى و هى جايه ساعتها كان ممكن يحل مشكلة المراكبى و مكنتش حصلت مشكلة الصياد... و لو مكنش يعرف انها جاية تبقى غلطة تانية على البنت لانها نزلت من غير ما تقوله

الصياد مش نضيف اكتر من المراكبى (عشان رمضان برضة)

الشاب غلط لانه سابها بدل ما يقف جنبها خصوصا ان جزء من المسؤلية واقع عليه

و بالتالى نجد ان العنصر الوحيد اللى مغلطش هو النهر :lol:

MMamdouh

الموضوع: حدد نوع شخصيتك من هذه القصة ...

LinkBack

أدوات الموضوع

عرض

-

-

-

-

-

Re: النهر -

المواضيع المتشابهه

فيين شخصيتك؟؟؟

.::شخصيتك من (( نور )) عربيتك ؟! ::.

لون العربية و....شخصيتك

حياتنا في هذه القصة

الكلمات الدلالية لهذا الموضوع

المفضلات

المفضلات

ضوابط المشاركة