لية كلنا عمالين نشتم فمصر ومش طايقنها!!!!!

يا جماعة انا بجد مش عارف اقول اية ..لية عمالين نهاجم ونشتم ونتريق على مصر بلادنا الجميلة ..واحد يقول هى دى مصر بتخلفها.. وواحد تانى يعلق على اى حاجة مش حلوة ويقول يبقى انت اكيد فمصر.. انتو نسيتو ان مصر دى الوطن بتاعنا اللى كبرنا واتربينا في ..صدقونى محدش عارف قيمة البلد دى غير اللى اتغرب عنها ..انا معاكو ان فى سلبيات كتير وبعض التجاوزات اللى بتحصل..بس مش مصر السبب فدة ..السبب فينا احنا ..لازم نغير انفسنا الاول ومنرميش اللوم على مصر ..لازم كلنا نحب بعض ونحترم بعض ونقدر بعض..لازم ظباط الشرطة يكون عندهم انسانية ويتعاملو مع الناس كبنى ادمين قبل ميكون ظابط..لازم نرحم بعض عشان ربنا يرحمنا (ارحمو من فالارض يرحمكم من فالسماء) لازم منغشش بعض ..صدقونى لو صلحنا نفسينا حنبقى احسن شعب فالدنيا ومصر حتبقى اجمل بلد فالعالم وهى بالفعل ام الدنيا واحسن بلد فالعالم كلة ياريت يا جماعة منغلطش فيها تانى ونتريق عليها لانها حبيبتنا كلنا ومنقدرش نستغنى عنها ابدا ومهما اتغربنا لازم حنرجعلها ونام فحضنها







______________________________
نقل للاجتماعي بمعرفتي
مشرف العــــــــــــــــــام

البوب الكبير و الحكومة هما السبب الى وصالونا للجهل و القرف

المصريين انفسهم تغيروا....... مصر هى المصريين و المصريين تغيروا تغييرات سلبية كثيرة على مر الزمن بالاضافة لعوامل تدهور كثيرة فى اسلوب حياتنا فى كل المجالات...... و النتيجة ان محدش طايق نفسه او من حوله او البلد...... ده الوضع ببساطة

لا ياعم
انا لسه بحبها وبموت فى ترابها
وكمان انا ماشوفتش غيرها
وعمرى ماشتمت فيها
وده مش معناه انى مش معترض
على بعض السلبيات
بس زى ما الحكومه ليها سلبيات
احنا كمان كلنا سلبيات
صدقونى لو كلنا حبينا بلدنا واخلصنا ليها
هتبقى احسن بلد فى الدنيا
بس احنا اتعودنا خلاص ننسى اخطائنا وعيوبنا
ونرمى كل المصايب على الحكومه وبس
ربنا يهدى الجميع

ماهى دايما كده الحقيقه مره
بس ده واقع انها مش كويسه واللى يشوف غير كده يبقى مبيشوفش

اقتباس:

---

المشاركة الأصلية كتبت بواسطة meromar

يا جماعة انا بجد مش عارف اقول اية ..لية عمالين نهاجم ونشتم ونتريق على مصر بلادنا الجميلة ..واحد يقول هى دى مصر بتخلفها.. وواحد تانى يعلق على اى حاجة مش حلوة ويقول يبقى انت اكيد فمصر.. انتو نسيتو ان مصر دى الوطن بتاعنا اللى كبرنا واتربينا في ..صدقونى محدش عارف قيمة البلد دى غير اللى اتغرب عنها ..انا معاكو ان فى سلبيات كتير وبعض التجاوزات اللى بتحصل..بس مش مصر السبب فدة ..السبب فينا احنا ..لازم نغير انفسنا الاول ومنرميش اللوم على مصر ..لازم كلنا نحب بعض ونحترم بعض ونقدر بعض..لازم ظباط الشرطة يكون عندهم انسانية ويتعاملو مع الناس كبنى ادمين قبل ميكون ظابط..لازم نرحم بعض عشان ربنا يرحمنا (ارحمو من فالارض يرحمكم من فالسماء) لازم منغشش بعض ..صدقونى لو صلحنا نفسينا حنبقى احسن شعب فالدنيا ومصر حتبقى اجمل بلد فالعالم وهى بالفعل ام الدنيا واحسن بلد فالعالم كلة ياريت يا جماعة منغلطش فيها تانى ونتريق عليها لانها حبيبتنا كلنا ومنقدرش نستغنى عنها ابدا ومهما اتغربنا لازم حنرجعلها ونام فحضنها

---

كلام مظبوط ..
لأن كل واحد فاكر نفسه هو الصح و إنه يا حرام إتولد فى المكان لغلط فى الوقت الغلط .. و إنه كمان مظلوم بالتعامل مع بقيه المصريين و أنهم لا يرقوا له و أنهم مش فى مستواه العقلى و التفكييري ...
و المشكلة كل واحد يقوللك كده ....
طب العيب فى مين يعنى؟؟؟ يمكن العيب فى الأهرامات هى إللى عاملة مل ده

لازم كلنا نحب بعض ونحترم بعض ونقدر بعض..لازم ظباط الشرطة يكون عندهم انسانية ويتعاملو مع الناس كبنى ادمين قبل ميكون ظابط..لازم نرحم بعض عشان ربنا يرحمنا (ارحمو من فالارض يرحمكم من فالسماء) لازم منغشش بعض ..صدقونى لو صلحنا نفسينا حنبقى احسن شعب فالدنيا ومصر حتبقى اجمل بلد فالعالم وهى بالفعل ام الدنيا واحسن بلد فالعالم كلة ياريت يا جماعة منغلطش فيها تانى ونتريق عليها لانها حبيبتنا كلنا ومنقدرش نستغنى عنها ابدا ومهما اتغربنا لازم حنرجعلها ونام فحضنها


اتفق معك فى هذا لكن هذه شريحه قليله جدا وتكاد تنقرض
صابرون على الاذى فى كل مكان لا كهرباء ولا صرف صحى ولا غاز ولا خبز ادمى ولا تامين صحى ولالالالالالا ولا وظائف


ماذا تقول فى خريجه ليسانس اداب قسم اثار اسلامية تشتغل محاسبة فى البترول ؟ عشان وظيفه ماما
ولا نكره البلد والعيشة وحياتنا وكل شىء

تسلم ايديك على كلامك ليه نغلط في بلدنا وفعلاً اللى عايز يعرف قيمة بلده يطلع براها ويتغرب ومصر احنا بنموت في ترابها صحيح فيها سلبيات ومشاكل بس هتفضل بلدنا اللى بنموت فيها وفي ترابها وأنا أسف مضطر أقول للي يغلط في مصر بلدنا قطع لسانك واياك تغلط في بلدك اللى شايلاك وحاضناك على أرضها ومدياك من خيرها وشكراً


___________________________________
رجاء ...
تفادي استخدام اللون الأحمر في مشاركاتك
راجع قواعد المنتدى
مشرف العــــــــــــــــــــــ ــام

ماهى دايما كده الحقيقه مره
بس ده واقع انها مش كويسه واللى يشوف غير كده يبقى مبيشوفش
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ

الاخ سامو الكريم..من الواضح ان حضرتك مش عارف بتقول اية .. مصر كويسة وحتفضل ليوم القيامة احسن بلد فالدنيا وام الدنيا كلها..الواقع اللى سعدتك بتتكلم علية دة انت بس اللى عايش فى ملكش دعوة بغيرك ..ولو انت بتتهمنى او بتتهم كل واحد شايف بلدة كويسة وبيحبها انة مبيشوفش يبقى اسمحلى اقولك انك انت اللى مبتشوفش ..ومش عارف قيمة بلدك كويس لانك لو عارف قيمة بلدك وبتحبها وعندك انتماء ليها عمرك محتغلط فيها ابدا وتقول انها مش كويسة... احنا اللى لازم نتغير احنا اللى لازم نبقى شعب متكاتف وقلبنا يبقى على قلب بعض.. لو اتغيرنا حنقدر تقضى على السلبية اللى موجودة .. حرام عليك تقول عليها مش كويسة حرام لو مش عجباك ياخى سيبها وامشى انما اوعى تغلط فيها.. ولازم تبقى عارف انها عمرها محتسامحك

أنا بحب مصر جداً اللى قرأت عنها فى كتب التاريخ ، وعارف إن مصر كان ليها دور كبير فى رسم مستقبل الدول اللى حواليها وحتى الإمبراطوريات الكبرى على مر الزمن ، وبسبب مصر أقيمت دول وإنهارت دول أخرى وإنهزمت إمبراطوريات ورحلت إمبراطوريات أخرى ، وبسبب مصر أيضاً نشأت علوم من العدم وتطورت فنون فى وقت كانت باقى الشعوب تعيش فى همجية البحث عن الطعام ولا تدرك رفاهية العيش فى دولة منظمة بها زراعة دائمة وجيش وهندسة وفنون ووسائل مواصلات وأدوات موسيقية وكتب حكماء

أما مصر اللى شايفينها بعينينا دلوقتى فللأسف أقل بكثير جداً ما يليق بقدرها ودورها الكبير فى تاريخ الدنيا ، وإحنا قدرنا إننا وصلنا فى وقت حرج جداً من تاريخ الدولة المصرية ، ومع ذلك فالأمل كبير فى التغيير ، والفترة الحرجة دى بمقاييس التاريخ هى وعكة صغيرة ممكن بسهولة تفوت ويروح كل أثارها إن شاء الله ، والدول دايماً فى تقلب بين إزدهار وإنكماش بإستمرار ، إحنا بس وصلنا فى فترة المنحنى وصل فيها للقاع ولسة لم يبداً الإرتفاع مجدداً ، بس إن شاء الله هريتفع وهيرجع فوق تانى ويمكن ينزل تانى بس برضه هيرجع يطلع تانى لأن مش ده مصير مصر اللى ربنا ذكرها أكتر من مرة والرسول وصى أصحابه عليها ، فهى بس مسألة وقت وندعو ربنا يثبتنا على الصح ، وفى الآخر أنا شخصياً بموت فى مصر وبفتخر بكل اللى عملته برغم إنى مابحبش كل اللى طرأ عليها جديد ، بس فى الآخر كله هيزول ومش هيبقا إلا الأصل

أنا واحد من الطبقة المتوسطة و الحمد لله اتخرجت و بقيت طبيب بس أرفان و خايف من المستقبل جدا مش عارف ازاي هتجوز و أشتري شقة و لا حتى تأجير في ظل الأسعار الرهيبة دلوقت , طبعا غير الأرف اللي موجود في كل مكان مصالح حكومية و غيره.
لكن لو حد سألني بتحب مصر و لا لأ...... هقسمله بالله أني بحبها و مستعد أفديها بأي شئ ...... أنا بسمع كلمة مصر قلبي بيترجف من حبي و عشقي ليها.
لازم نفرق بين حبنا لبلدنا اللي لازم يكون حب غير مشروط و بدون قواعد..... حب بإخلاص للأبد .. و بين طريقة عشتنا في مصر احنا اللي عاملين كده في نفسنا هي مبتعملناش حاجة.
بنرمي البذور في أرضها بتطلعلنا زرع جميل ناكل منه و نستمتع بيه و نيجي احنا نحط عليه كيماوي و قرف يبوظه ( و نقول ايه القرف ده حتى الأكل بأه زفت في البلد المقرفة دي)
بنشرب من مية النيل اللي مفيش زيه و في بلاد تتمنى يكون عندها فرع منه بس معدي فيها و نيجي احنا نرمي فيه الزبالة و مخلفات المصانع ( و نقول ايه القرف ده حتى الميه بأت زفت في البلد المقرفة دي)
و غيره و غيره.................
و في الآخر ييجي واحد يقولك أنا بكره البلد دي , هي عملتلك ايه هي بتديلك الحاجة الحلوة و أنت اللي بتبوظها بأيدك , لو قرفت من عيشتك بأيدك تغيرها , قاطع كل غشاش و كل حرامي و كل مزور و كل مفتري و كل ظالم و ثور عليه أعترض على الغلط و متقفش تتفرج و أنت ساكت و أنت هتشوف النتيجة و هتعرف أنك عايش في نعمة منتش حاسس بيها و هتحب مصر زي منا بحبها

لما تعمل رخصه سيارة فى 3 ايام كامله لرجل خدم البلد 35 سنه فى سلك ونظام عسكرى قاسى

واخرى الرخصه تصل اليها فى البيت لان عمها ظابط

مصر


اى بلد فى العالم بتتقاس بشعوبها

احنا فعلا فينا سلبيات كشعب مصرى بس ساعه الجد بنكون حاجه تانيه


الشعب المصري اللى ممكن يكون مخنوق من مصر جدا ولما يدخل اي شات يلاقى حد بيشتم على مصر يقعد يدافع عنها بكل ما يملكة من قوة




الشعب المصري هو اللى تلاقيه بيحاول يريح السياح جدا وياسلام لو سأله على حاجة تلاقيه واقف وقفه ابن البلد بجد



شعب المصري .. الشعب الوحيد اللى بيقول ده واجب ولازم نعمل كده



الشعب المصري هو الشعب اللى لما تتسرق يجمعوا من بعض ويلمولك عشان تعرف تروح او لما تتزنق او تمرض تلاقيه واقف جنبك



الشعب المصري هو تلك الشاب اللى اتخرج من 3 سنين ومازال قاعد فى البيت ولو حد عرض عليه انه يعمل اي حاجة تضر بلده يقولك لا كل الا مصر



الشعب المصري هو ذلك الرجل الكبيير اللى واقف قدام طابور كبيير سواء فى الفرن او الجمعية او البوسطه او اي حاجة فى بلادنا وهو بيقول يامسهل الحال يارب هانت


مهما كان احنا بنعاني في بلدنا بس برده كلنا بنفتخر بمصريتنا

والله مافيش حد زيينا ولا فى ديننا ولا فى شهامتنا ولا فى جدعنتنا

انا هاسالك وانت جاوب يامصرى


تعمل ايه لو لقيت راجل كبير بيمد ايده علشان يعبر الطريق وانت واقف بجواره ؟


تعمل ايه لو شفت طفل وحده فى الشارع بيبكى ؟


تعمل ايه لو قاعد فى مطعم وبتاكل وشوفت واحد بيبصلك وشاكله محتاج وجعان ؟

تعمل ايه لو واحد خبط عربيتك ونزل بابتسامه بيعتزرلك؟

تعمل ايه لو فى طريق سفر ولقيت اسره واقفه ع الطريق وعربيتهم عطلانه ؟

علشان انت مصرى صدقنى هاتجاوب اجابه صح

وعلى فكره مش كل الناس بس اغلب المصريين


شوف فرحتك لما منتخبنا بيتغلب على فرق من دوله تانيه فى مباريات كره القدم

واحنا بنحتفل بانتصارتنا فى اكتوبر

لما تقعد مع راجل عجوز وتسمع حكايات زمان شوف السعاده اللى بتكون فيها


ولا لما تسافر الارياف وتشوف كرم وطيبيه اهلها

الله عليكى يامصر ويامصريين

بصوا دايما لنص الكوب الممتلىء

مصر = شعب + حكومة + حاضر + ماضى
والمستقبل بيد الله

من ال 4 تفتكر ناخد تقييم:
ممتاز؟ جيد جدا؟ جيد؟ مقبول؟ ضعيف؟ ضعيف جدا؟ هباب؟؟؟؟؟؟؟؟

شعب تندثر فيه حاليا كل القيم الجميلة من أدب وأخلاق وثقافة وتعليم وإتقان وضمير ودين و و و و
حكومة لا تهتم إلا بالبقاء فى حين أنها تفتقد الكثير بل أغلب مؤهلات البقاء فما بالك بالكفاءة
حاضر مخجل من تعليم يخرج الجهال وإقتصاد مهلهل وسياسة تابعة وضعيفة ورياضة ضحك العالم عليها وزراعة لا تطعمنا ونيل لا يسقينا وصناعة هى الأسوأ فى الجودة وطرق لا تصلح لبنى آدم ومرور فاشل وشرطة ظالمة وإداريات فاسدة ورشاوى فى كل مكان ورغيف خبز حجرى ولحم خنزير مكتوب عليه حلال وأسعار مشتعلة وعملة ضعيفة وفن هابط و و و و و و و
ماضى به السعيد والحزين والمشرف والمشين واللامع وغيره والعالى وعكسه

كيف أكون سعيدا بهذا الحال؟
لو تقصد إرتباطى بها فهو أكيد وبعده تأتى كلمة: للأسف كما يكون لك إين فاشل بليد سئ الخلق ولا تستطيع إصلاحه فسيبقى فى عنقك ما حييت

وآسف لهذه النظرة السوداوية لكنها ترجمتى للواقع

بلدنا جميلة جدًا وبحبها فوق الوصف


لكن مافيش بلد في الدنيا تسوى حاجة من غير الشعب


بص على الشعب المصري دلوقتي


قليل جدًا اللي عنده انتماء لبلده عارف ليه

علشان معظم الشعب المصري مالوش حقوق في بلده


الأجنبي له حقوق أحسن من المصري


حقوقك بتأخدها على حسب فلوسك وسلطتك


لو الاتنين دول مش موجودين يبقى أنت ولا حاجة



بص على الصيادين المصريين اللي مخطوفين في الصومال


ولا حد عبرهم


بص لما واحد أمريكاني اتخطف ايه اللي حصل


بالإضافة لحالة عدم الاستقرار اللي في البلد


ماحدش ضامن أي حاجة في البلد لا الغني ولا الفقير

ما تعرفش تخلص أي حاجة إلا بالرشوة (اللي بقى لها أسماء كتير الأن)

إعلام يقلب الحقائق


كل دي حاجات خلت الناس تزهق (مش تكره) من البلد

ما اعتقدش إن في حد بيكره بلده بمعنى الكره


لان بلده دي هي اهله وعشيرته وناسه بغض النظر عن الأحوال العامة


للأسف الشديد مصر اللي كانت بلد الأمن والأمان أصبحت غااااااابة كبيرة


فيها اللي عايش في دور الفار واللي عايش في دور البومة واللي عايش في دور التعبان واللي عايش في التعلب


كفاية كده بلاش اكمل

ربنا يصلح الحال