تاكهين العربيات الملاكى اللى باق لها اكثر من عشرين سنة بس بشرط ياخدوا العربية ويعطنى جديد وادفع فوقعا 10000 فقط
عرض للطباعة
تاكهين العربيات الملاكى اللى باق لها اكثر من عشرين سنة بس بشرط ياخدوا العربية ويعطنى جديد وادفع فوقعا 10000 فقط
ياريت وانا اول واحد موافق بس ادفع 10000 بس
الموضوع ليه ابعاد تانية مهمة..... الهواء اللى بنتنفسه اللى اصبح مليان سموم بسبب العوادم..... اللى هيغير ان ماكانش هيفكر فى نفسه، فعلى الاقل علشان خاطر عياله يتنفسوا هوا نضيف
موافق بس يدونى عربيه بدون جمارج و ياخدوا القديمة
غير موافق ...
فى غلابة كتير مايقدروش على ربع تمن قطع غيار الزيرو
على فكره حل المشكله مش فى تكهين العربيات القديمه لأن مش كل العربيات القديمه مواتيرها مفوتهوبرضه مش كل العربيات الجديده مواتيرها حلوه فى عربيات كتير جدا موديلاتها فوق ال2000 ومواتيرها مفوته ومنيله بنيله زى الأكسنت مثلا والماروتىحكايه التكهين دى اخترعوها علشان الحيتان بتوع العربيات زى عمو غبور مثلا يستفيدوا منها والكل يأكللو هما خايفين على الجو فعلا المفروض ان اى عربيه يتكشف عليها اثناء الترخيص عن طريق قياس نسبه انبعاثات العادم
بس يختاروا الزيرو اللى تعجبهم ويدفعوا 10 الاف بس
انا معايا 2006
لو هدفع 10 الاف واخد نفس النوع زيرو انا موافق
اانا نفسى القرار دا يتطبق دفايه دخان و عوادم بقى
اللى بيمشى فى الشوارع على رجليه او حتى فاتح شباك عربيته لو لابس قميص لونه فاتح بيتهبب من الدخان ماباللك برئتيك عاملين ازاى
كفاية أوى عليها أصلا هيا كده كده غير صالحة للإستخدام ولا امان ولا فرامل ولا اى حاجة فيها بقت مظبوطة انا لو هياخدوا عربيتى يكهنوها ويدونى تمن يرضى ربنا انا راضى ... طبعا بالنسبة للأرقام الغربية 10 تلاف إيه بس ده لو هيدفعونى 50 الف على تمنها واخد حاجة زيرووو انا موافق
هما المفروض فعلا يكهنوا العربيات الملاكى لحد موديل 88 وبعد الموديل دة يتاكدوا كويس جدا من حالة العربية فى كل حاجة واهمها طبعا الماتور والفرامل والعفشة وطبعا الشكل الخارجى للسيارة وبكدة هتبقى البلد كلها جديد فى جديد وعربيات ماشية شكلها حلو وفى نفس الوقت هتلاقى التلوث قل لان كل القديم مضر للبيئة حتى السليم منها وبردة معدل الامان فى السيارات هيرتفع وهيخلى الطرق سريعة وبالتالى تقليل التكدس المرورى,ودة هيساعد كمان فى تقليل استهلاك البنزين لان اغلبية العربيات القديمة ماشية ب80 دة غير اللى بيمون 90 بيستهلك بنزين اكتر من الجديد رغم صغر حجم المحرك بالنسبة للقديم وكمان اكتر فعلا عربيات ممكن تحدث منها مشاكل القديم خاصة النفق بتاع الازهر لان العربيات القديمة مابتقدرش تاخد ملف فية على سرعة اعلى من 40 والا بتضطر تاخد الملف فى الحارتين مع بعض وممكن يعمل حوادث لاقدر الله فانا مع الفكرة دية وبؤيدها خلينا بقى نعلى شوية ونحس اننا فى بلد متحضرة مش كل اللى يشوف عربياتنا يلاقى عندنا سيارات من سنة 1970 لسة ماشية وكمان فية اقل( يقول العربيات اللى زى دية عندنا فى المتحف هية ازاى شغالة لحد دلوقتى عندكوا)سمعتها من واحد اجنبى كان قاعد معانا بيتكلم فى الشغل عندى وكان مستغرب جدا وكان فرحان لما ركب ال128
و
معلش اهم حاجة من كل دة انة يتم اعدام جميع ميكروباصات مصر كلها لحد موديل 2002 وبعد كدة يبقى كلة جديد من ميكروباصات تويوتا او الصينى او عامة اى شركة بعد كدة تنزل ميكروباصات لان دة هيريح كتير جدا جدا جدا جدا
وزى ماهيعملوا كدة فى الناس, كمان يكون اتوبيسات الحكومة ليها نصيب لان فى اتوبيسات كتيرة عايزة تتهلك ويخلوها كلها مرسيدس وهتريح بردة الناس وبكدة يبقى احنا عملنا كل حاجة فى المرور مافضلش غير (الطرق)
انا موافق يخدو ال127 وتبقى مقدم لعربية زيرو .....ويكون قسطها 300 جنيه فى الشهر.........ولو فكرت فى عربية زيرو هاتبقى فيات بونتو.........
ويبقى دة الكلام........
لكن غيركدة يبقى طز..........
خلى عربيتى معايا احسن.......
يا جماعه قلتلكم قبل كده ان الحدايه عمرها مبتحدف كتاكيت...:N_no[1]:
فكرة حلوة بس مش بالسهولة دة يتنفز
يعني الدولة تاخد كل عربية عمرها اكبر من 20 سنة
وتدفع عليها 10 الاف علشان تكهنها في ظل السيولة المالية للدولة والازمة الاقتصادية ومواجهة وباء اخطر من عوادم
السيارات ومشاكل البنوك وانخفاض التدريجي للجمارك الخ الخ الخ
صعب جدا أنا أعرف واحد معهوش تمن السوستة بتاعت العربية المكسورة و ماشى بيها عشان يشتغل و يدفع الأقساط بتاعتها
ممكن يعمل إستبدال للمواتير و يدخلها فحص شديد شوية و يلغى الوسايط و الكوسة و كل واحد يراعى ضميره و يعرف إن فى واحد هيحاسبه يوم القيامة و يطلع عينه على إعتدائه على حقوق العباد
هو العربيات البيجو ال 7 ركاب اللى شغاله على الطرق السريعه ايه نظامها هتتكهن مع التاكسى ولا مع الميكروباص
وهتتبدل بايه (لوجان 7 راكب او ميكروباصات صينى اللى هى صغيره)
الموضوع من البداية راجع لقلة الضمير وقلة الوعي البيئي العام عند الناس لان الحكومة من البدانة عمالة تعض في الناس ومش عاوزة تتنازل عن لقمة الجمارك علي العربيات وده في رايي قمة في الجهل وعدم الوعي وهو اللي ادي بمرور الوقت للي احنا فيه النهاردة من اسعار عربيات (جديدة ومستعملة) مبالغ فيها الي حد كبير بالمقارنة مع دول اخري (افقر مننا) وبالتالي اصبح حال السيارات القديمة زى ما انتو شايفين واللي معاه عربية قديمة ماسك فيها بايديه وسنانه لانه مش هيقدر يجيب غيرها والاسعار مولعة كدة بالاضافة الي ان الناس في مصر لسه بدري عليها لما تعرف يعني انه هواء ملوث وكل واحد همه انه ياكل عياله ويكفي نفسه (مش يجيب عربية جديدة بكذا الف جنيه وهي قيمتها الفعلية بره اقل من كدة بكتير
ومع ذللك انا مع تكهين الغير صالح من المركبات بصفة عامة وتطبيق الفحص البيئي الصارم (بدون رشوة او استسهال) مع الجميع
انا طبعا نفسى الموضوع ده يطبق
ومش على الملاكى بس على اى نوع اجره مكيروباص
اى حاجه عدى عليها 20 او 25 سنه كفايه اوى كدا عليها
تتكهن وتترمى ويتجاب بدالها
بس موضوع 10 الاف ده احلام ياجماعه
اديكوا شايفين موضوع التاكسى
هما بيخفضوا من سعر العربيه الاصلى 10 الاف مش تدفع بس 10 الاف وتاخد زيرو
والله انا وجهة نظري حسب حاالة العربية مش اكتر
طيب مانا اهة معايا فيات 125 مسقطلها موتور 131 1600
والعربية شااازة جدااااا وناس كتيير هاتمووت عليها وتاخدها
مع انها موديل 73
معني كدة تتكهن لا طبعا
لا طبعا مش موافق انها تتكهن ده ظلم وإفتراء هو كل الناس معاها فلوس تجيب زيرو او حتى مستعمل موديل حديث
كمان مش كل العربيات حالتها وحشة ولا مدخنه ولا احنا بلد غنية والعربيات فيها ببلاش
واللى بيسيب عربيته كده بيبقى ناوى يبيعها عشان زهق منها انما الباقيين بيهتموا بيها وبيصرفوا عليها كويس.
عارفين يعنى ايه واحد يستغنى عن عربية ممكن تكون بتحويشة عمره 15 الف او اكتر ده ممكن يروح فيها
بإختصار..في المشمش
التكهين
فايدته ايه
تقليل الاعطال
تقليل العادم
ده المفروض يكون ليه فحص على الكل ، طب ما الجديد بيتشال منه علبة البيئة
لكن البعد الاجتماعى صعب انه يتحقق فى التكهين
يا جماعة الاخ طارح الموضوع قارن بين الملاكي و الاجرة استهلاك الاجرة اللي بيلف الشوارع اليوم كله غير استهلاك الملاكي في نفس المدة الزمنية 20 سنة لان الملاكي بيروح مشوار و بيركن العربية و لما يخلص مشواره بيركب العربية و يروح و يرجع يركنها ثاني يعني أقصاها بيعمل من 20 الى 40 كيلو يوميا .
الاجرة أحيانا بيعمل 200 كيلو يوميا من اللف طول اليوم لهذا 20 سنة من الاجرة = 50 سنة من الملاكي .
لو تم تخريد الملاكي هيبقى غالبا للموديلات قبل 1975 أو 1970 و هذا طبعا لصالح الحيتان الكبار لو استمرت حالة الركود و لم ينجح مشروع تخريد التاكسي في تحريك المبيعات
لا طبعا تكهين الملاكى ازاى يعنى دى حرية شخصية واحد مزاجة يركب عربية كلاسك موديل 60 محدش لية عندة حاجة بس الى الفروض يحصل ان يبقى فى فحص بجد من غير واسطة ولا رشوة العربية لو موديل 40 و حالتها تسمح انها تمشى خلاص و لو العربية موديل 2006 و الموتور مفوت وحالتها تعبانة متترخصش غير يما تتصلح و تبقى صالحة للاستخدام
سؤال واحد
اومال فايده الكشف على السياره اييييييييييييييييييه
لأ طبعآ مش موافق يعنى انا معايا مرسيدس w123 230 حالتها كويسة جدآ واحسن من عربيات يابانى كتير ماشية فى الشارع بدون ذكر اسماء كفاية ان واحد صاحبى معاه لانسر 2007 عمل حادثة و اتشل و انا اللى دخل فيا اتوبيس محصليش حاجة و طلعت سليم الحمد لله و وش الأتوبس الفبر اتكسر
على فكرة ساعات تصدر قرارات كده بمنع ترخيص سيارة بالبركه
اقولكم ازاى
من 5 او 6 سنين كان معانا عربية 124 ووالدى راح عشان يرخص لقى العربية موقوف ترخيصها - راح للظابط بتاع التراخيص وبعته لموظف تانى وكتب طلب او تظلم وفى الاخر فحص ورخص الحمد لله
العربية كانت مو 73 وكانت لسه مشدودة وحالتها جيدة!!
مش موافق على الاقتراح ده لان مش من حق حد يفرض عليا موديل السيارة اللى راكبها خصوصا لو ان سيارتى (موديل 1979) حالتها افضل من كتير السيارات الموجوده ده غير تكلفة صيانتها المنخفضة بالمقارنه الموديلات الجديده
ويبقى الفيصل هوا لجنه الفحص " من غير وسايط ولا رشاوى" هيا اللى تقرر صلاحيه السيارة