السمند لمن لايعرف عنها هى : السيارة الوطنية والاولى فى ايران
بعد ذهابى لمركز البيع بتاع السمند روحت لهايبر وان وهناك تعرض العربية وممكن اخذ تست درايف ودة اللى حصل معايا دخلت ع الراجل قولتلة عايز تست درايف الراجل قالى تحت امرك راح جايب المفتاح وقالى يلا العربية كانت مركونة فى موقف هايبر وان لقيتة بيدينى المفتاح قومت فتحت العربية وهذة انطباعاتى من اول دخولها حتى الخروج منها
العربية اما قعدت ع الكرسى مريح جدا قعدتها والكرسى كأنة مرسوم ع الضهر ,, اول اما حطيت المفتاح وشغلت مسمعتش صوت الموتور الا على بسيط ( بيجو بقى ) ,,, سألت المندوب عن الاشارات لقيتها سهلة جدا والجلكس فى الدراع بتاع الاشارات وسهل جدا المهم دورت العربية وطلعت بيها من الموقف على الشارع اللى قدام هايبر وهنا تمت التجربة ,,, العربية قرصت عليها اوى على انى اسمع صوت الموتور الموتور صوتة غير مسموع الا بعد اما يجى الاربى ام على 4000-4500 لفة ,,, السيارة سحبها اسطوررررررى مكنتش متخيل كدا انا سوقت تويوتا كورولا 1600 والله سحبها مكانش زى دية ونعومة دية البدال بتاع البنزين ع الارض مريح للرجل والبدال تقيل علشان لو عايز تسبت رجلك عليه عادى لازم تكبس ,,, الدبرياج دة بقى حكاية المجرى بتاعة قصير ممكن مشوارة اقل من 2 سم يعنى مش عالى خالص ودة مريح جدا جدا ,,, اما قرصت ع العربية فى السحب فى فترة قليلة لقيتنى جايب 110 :lol: كل دة فى الشارع اللى قدام هايبر العربية قمة الثباااااااااااات المندوب قالى الرخص اتسحبت منه على 160 ,,, العربية تعمدت ادخل الملف على سرعة عالية واكسر بيها الملف قمة الثبات وتعمدت برضة اخد بيها مطب على انها تحك بالعلم ان كان معايا 2 صحابى غير المندوب فى التست راكبين معانا يعنى كنا 4 والعربية ولا حسينا بحاجة خالص ,,, العربية تعقيبى عليها ان الفتيس المجرى بتاعة النفلات قصيرة ودية عايزة تمكن مع مرور الوقت بس النقل وزمن الاستجابة ممتاز جدا ,, العربية وانا راكبها حاسس انى راكب دبابة والله بتحسسنى نفس احساس الجين 2 يمكن احسن بكتير من حيث انى حاسس فيها بالأمان والعربية رياضييييييييييييية ياجماعة فى سواقتها والله ,,, ع العموم انا بقول اللى حسيتة وانا سايقها وعن تجربة والله ياريت عايز رايكم فيها