اعتقد يا ابو عبدالله ان 30/60 يقصد بيها ان الكنبة ممكن تتنى 1/3 او 2/3 يعنى كرسى واحد او كرسيين ؟؟؟
عرض للطباعة
اسف يا جماعة على موضوع ال30/60
بس انا قصدى زى ما قال ows
انها تتنى كرسى و كرسيين يعنى 1/3 و 2/3
هوا ده قصدى و الله .
الف شكر ليك يا صديقى العزيز .
انا قصدى يعنى فيه امكانية انك تتنى كرسى و تشيل عليه حاجة و اتنين يقعدوا ورا
او ممكن تتنى كرسيين من الكنبة و تشيل عليهم حاجة و يبقى فيه كرسى حد يقعد عليه ....
ده قصدى يا باشا .
العربية عاملة معاك ايه لحد دلوقتى . و ياترى راضياك لحد دلوقتى و مبسوط منها ؟؟؟
و عملت كام كيلو بيها لحد دلوقتى ؟؟؟
معلشى لو كانت اسئلتى كتير ....استحملنى شوية و يبقى ليك الاجر و الثواب ....
و ادعيلى ربنا يسهلى الامور و اشترى لما الامور تتحسن شوية ... الله المستعان باذن الله .
معلشى يا صاحبى .. نسيت اسالك ....هوا انت خلصت فترة التليين مش كده ؟؟؟ و اكيد بتشغل التكييف ..؟
لو كنت بتشغل التكييف ... قولى الناس اللى ورا بيوصلها التكييف كويس .... يعنى بيحسوا بالسقعة بتاعته من الفتحات اللى فى الباب ...
انا قولتلك قبل كده انا فى الصعيد ... فاحنا عندنا الحر بتاعنا اجمد من عندكو بكتير ... لدرجة ساعات ممكن تحس الاسفلت سايح تحت رجلك لو انت ماشى فى وقت العصر .....فموضوع التكييف عندنا مهم جدا طبعا ..... بس برضه انا مشاويرى كلها مش كتيره ... يعنى زى مانت عارف .....من البيت للعيادة لطلبات البيت لخروجة كده مع اصحابى او مع اسرتى .......يعنى اقصى مشوار جوا البلد لا يزيد عن نص ساعة ....و ده لو رايح حتة بقى بعيد عنى قوى ...
فيا ترى التكييف هاينجز و لا ايه ؟؟
اصل معايا واحد صاحبى دكتور فى نفس المستشفى عمال يقولى بلاش هاتشباك و بلاش 1000 سى سى و مش مقتنع انه اليابانى غير ...الكلام التانى خالص ......
فرايك ايه يا عزيزى hsemary ??????????
لا ياباشا متقولش كده .. اسأل براحتك
معلش اتاخرت فى الرد لان واحد زميلى عمل حادثة على طريق اسماعيلية وحالته حرجة .. ادعوله بالشفاء ويقوم بالسلامة ان شاء الله
كلامك اللى انا لونتهولك بالاحمر ده هو فعلا اللى موجود عندى وفى عربيات السيريون وفيه الامكانيه دى فعلا
الحمد لله العربية كويسة جدا ومرضى ومبسوط منها الحمد لله وعملت بيها دلوقتى 1090 كم وان شاء الله هاروح اعمل صيانة الـ 1000 كم
ربنا يكرمك ويسهلك امورك ويكتبلك الخير والصالح
بص ياباشا بالنسبة للتليين فا انا لسه عامل الـ 1000 حالا وعموما كده كده كنت باشغل التكييف عادى من اول مجبت العربية واعتقد انه مفيهاش حاجه انه يشتغل مع التليين
ثانيا التكييف مش مؤثر فى سحب العربية وانت لوحدك او معاك واحد قدام , ولو معاك تحميل ورا ممكن يبطئ السحب شوية وده موجود فى كل العربيات طبعا
ثالثا تكييفها حلو وبيوصل لورا وعلى فكرة الفتحتين اللى فى البابين الخلفيين دول مكان لسماعات مش فتحات للتكييف بس عموما التكييف بتاعها حلو ياباشا
ده رأيى بكل امانه وبصراحه انا شايف انها عربية ممتازة ومفيش زيها فى فئة الـ 1000 خالص
:verygood:
ألف مبروك عالعربية الجميلة :k10:
والحمد لله إنها خدت العين في خربوش صغير......ربنا يحفظهالك من الأسوأ وإن شاء الله مايجرالهاش حاجة تاني.....المهم ما تحطش في دماغك وتستمتع بالعربية
هي سعرها دلوقتي لسه 72 زي ما هو وللا غليت تاني؟؟
وياترى جبت أنهي لون فيها؟ وكنت عاوز أعرف منك هي مراياتها سودة وللا بنفس لون العربية
وألف مبروك مرة تانية
الف مبروك جعلها الله دائما سيارة فى الخير يباركلك فيها ويكفيك شرها
الاخ العزيز : HSEMARY
الف الف سلامة على زميلك و ان شاء الله يقوم بالسلامة
الف شكر ليك يا غالى على تقييمك للسيريون وان لحد دلوقتى
و بصراحة انت طمنتنى على الاخر ......مخبيش عليك الاسبوع ده سوقت النيو اكسينت
حسيت انها ضيقة و بعدين مارتحتش فيها او مارتحتلهاش
و برضه سوقت ياريس 2008 حلوة طبعا .....بس فيها ملوحظة غريبة انها الدبرياج بتاعها واطى على الاخر
لدرجة مكونتش عارف ادورها فى الاول.....
و انت خليتنى متمسك اكتر بالسيريون وان ......
كمان يا اخى عشان نفضل اصحاب :B4_388:
ومتشكر ليك مرة تانى ...
و على فكرة كان فيه حد قال انه الفتحات اللى ورا فى الباب دى بتعة التكييف و انا لما شوفتها قولت دى بتاعة السماعات......يعنى على كده التكييف بيوصل لورا من الفتحات اللى قدام :shyy:
وبعدين في حد كاتب انه معاه سيريون 1300 و لما بيشغل التكييف العربية بتموت فى السحب خالص .....
بس انا مرتاح لكلامك اوى الصراحة ....الف شكر ليك يا باشا