طيب يا استاذ ممكن اعرف هيا بولوبيف ليه
و اعرف لو سمحت حضرتك نوع عربيتك ايه
علشان اى حاجه هتقولها انا هردلك عليها
و بلاش النقد اللى بدون اى دلائل او اسباب:whtauwant:
عرض للطباعة
عربية محترمه حيث الثبات جداااا و الصاج القوي و الموتور القوي و هناك اشياء فيها لم تصدر الا في سيارات التسعينات مثل rpm و طي الكنبه الخلفية و الصورة المبدئية لمثبت السرعة ( شفاط البنزين) كل هذا بالاضافة لحجم الصالون الواسع و لكن ما يعيبها ان شكلها صعب شويتين و مينفعش فيها ترويش بالاضافة لثقل الدركسيون الشديد
تحياتي
انا عاشق للبولونيز
العربية دى بجد فخر الصناعة البولندية وملكة متوجة على عرش فئتها فى الثمانينات وكان نفسى يحصل فيها تطوير فى التسعينات ويستمر انتاجها فى اجيال جديدة
انا ليا تاريخ ليس بالهين مع البولونيز لأنها عربية جديرة بالاحترام والحب
العربية دى - من وجهة نظرى - كانت مثالا يحتذى فيه من جهة الكماليات فى السيارات فى ثمانينات القرن الماضى ويكفينا شرف ان يذكر اسم مصر فى موقع الشركة الأم fso كواحد من اكبر الاسواق التى باعت فيها هذه السيارة فى العالم وخير دليل على ذلك تواجدها بقوة فى شوارع القاهرة والمحافظات دون استثناء
لكن للأسف أحزن كثيرا حينما أجد اى سيارة بولونيز حالتها (تعبانة) بمعنى ان صاحبها مهمل فى حقها سواء من جهة الصيانة او تركيب قطع الغيار الاصلية بالرغم من توافرها باسعار معتدلة او رخيصة نوعا ما اذا ما قورنت بمثيلاتها من الطرازات المنافسة
فنادرا ما اجد سيارة بولونيز صاحبها محافظ عليها ويواظب على صيانتها بانتظام واستمرارية
فانطباع اغلب مالكى هذا الطراز عنه انها عربية رخيصة عند اعادة بيعها وحركتها فى البيع تقيلة بالمقارنة مع الفيات 128 وغيرها لذا لا يفضل ان يصرف عليها سوى البنزين وماء الراديتير وزيت المحرك فحسب
من ابرز مميزات البولونيز على سبيل المثال لا الحصر:
1- فتيس الخمس سرعات الذى يمكن قائدها من استخراج كامل طاقة المحرك على السرعات البطيئة لاسيما العالية
2- عداد لفات الموتور rpm المتوفر كتجهيز اساسى فى البولونيز منذ اطلاقها اواخر السبعينات الشىء الذى لم توفره سيارات فارهة مثل مرسيدس فى ذلك التوقيت
3- التصميم الفريد والجميل والعملى فى آن واحد سواء من الداخل او الخارج حيث المصابيح الدائرية الرباعية فى المقدمة تجعلها أشبه ببى ام دبليو قديمة والخلفية المرتفعة والمساحات الزجاجية الكبيرة خاصة فى غطاء صندوق الامتعة الذى يمكن إضافة مساحة تحميل هائلة بمجرد طى الكنبة الخلفية
4- عدد من الكماليات لم تتوفر لمثيلاتها فى تلك الحقبة الزمنية مثل مصابيح الشبورة الامامية والخلفية - ماسحات الزجاج الخلفى مع رشاشات للمياه وأمامية ذات سرعتين - سخان للزجاج الخلفى لإذابة الصقيع خاصة فى الشتاء - التحكم فى اضاءة انوار التابلوه الامامى - فتحات تهوية دائرية فى اجناب التابلوه خلفها مروحة لجلب قليل من الهواء الملطف فى الصيف (لم تعد كافية يومنا هذا) - شفاط الهواء لإدارة المحرك بسلاسة وتحميته لاسيما امكانية العمل كمثبت سرعة (لكنه يساهم فى زيادة استهلاك الوقود) - مسوجر الابواب الامامية لا يغلق والابواب مفتوحة ......... وغيرها
ترقبوا المزيد مما لدى فى القريب العاجل بإذن الله
للاسف انا افتخر بكون البولونيز دي في يوم من الايام كنت بسوقها بجد حماله اسيه و كانت عمليه
للاسف في كام صوره كنت عايز ارفعهو لكن مش عارف هما موجودين في اللينك دا
http://www.nilemotors.net/Nile/a/37393-3-10.html
شكرا
[aldl]http://yfrog.com/6himage010yj[/aldl]
[aldl]http://img254.imageshack.us/img254/8587/image7a.jpg[/aldl]
يا ريت كان في منها موديلات ليومنا هذا...
هي اخر موديل ليها 2002 في الخارج (بولندا فقط) و في مصر 1994 و اشترتها شركه دايو عام 2002 ..
والله العربيه دي مهما الناس تعير فيها انا هفضل احبها...
أنا حطيت الصورة بتاعة حضرتك علشان الناس تشوفها هنا
http://img233.imageshack.us/img233/3209/image010y.jpg
شكراً يا اخي بجد انا تعبت من موضوع رفع الصور دا..
ربنا يكرمك
ممكن اسأل الـ 160 كم/ساعه على اى موتور للبولونيز
يوم ما جبت 160 كان على مصر اسماعليه و انا راجع القاهره يوم شم النسيم فى 2007 الصبح و موش عايز اقولك ان فوجئت بالسرعه كده و ان ماشى عادى مكنتش حارق اوى ، لكن بعد كده بالحرق كان اخرى 155 و الكلام ده بالموتور الـAB الـ 1500 cc
و فعلا انا بتضايق لما الاقى حد موش مهتم بعربيته البولونيز رغم توافر قطع غيارها و سهولة صيانتها :fdsa:
الكلام دا بموتورها ال 1500 بس انا معدل بساتم(معدل ل 1800 ) و اشعال الكتروني... العربيه دي تقفيل عدادها 210 و ملقوط رادار بيها...
الموتور دا عايز تاخد منه عزم و تجميع انصحك بتعديل نظام الاشعال العادي(ابلاتين و كوندنسر) الي الالكتروني (موبينه+مشط+وحده الاكتروني+بك سلانسيه الكتروني+اسبراتير الكتروني) بيفرق جامد في السحب و استهلاك البنزين داخل المدينه...
و الصراحع العربيه دي ثباتها بالفعل لا يستهان بها و مش عايز اقول امثله عشان اصحاب العربيات الجديده ميزعلوش...