مبروك يا erth2009 وربنا يباركلك في عربيتك
عرض للطباعة
السلام عليكم ورحمه الله وبركاته
منورين الصفحة ياشباب معلش عايز اعرف ازاى اروح عزبة شلبى اللى فى المطرية واركب اه علشان اروح هناك عايز اشوف المكان واشترى شوية حاجات للعربية وياريت اماكن التجار الكويسيين اللى هناك علشان نشوف الدنيا اللى هناك مستنى الردوود
:Copy of m-s5::Copy of m-s5::Copy of m-s5::Copy of m-s5:
ياجماعه حد يعرف حد عاوز يبيع بلونيز ولو ينفع تقولولى اماكن ادور فيها وتعمل كام دلوقتى موديل 88 89
السلام عليكم ورحمة الله وبركاته يا انا نويت ابيع عربيتي ان شاء الله وهي مو 85 وحالتها ممتازة عفشة موتور دهان وهي فبريكة دواخل انا اشتريتها من طبيب لو عايز تشوفها ده رقمي 01110903577 وانا هعملها اعلان في كونتكت كار ان شاء الله
والبيع لظروف تكملة قسط شقة ولولا كده مش هبيع وشكرا لكم
السلام عليكم
اخوانى الكرام مشرفى المنتدى الكريم ....
ياريت اعرف بسرعة بولونيز موديل 96 و1600 سى سى . قطع غيارها متوفرة ام لا ؟؟
والموديل ده كويس ولا فيه عيوب ؟؟؟؟ وتعمل فى حدود كام لو حالتها كويسة ؟؟؟؟؟؟؟؟؟؟
ياريت بسرعة النصيحة يا اخوانى :ask:
السلام عليكم
اولا انا فى غاية السعاده بالموضوع ده عن البولونيز لأنى اعشق هذه السياره ولعلى تأخرت عن المشاركة معكم كثيرا وانا املوك بولونيز موديل 90 وعدلتها من ا الي ي وان شاء الله عارفع لكم
الله يبارك فيك وان شاء الله هاااكتب عن كل حاجه عشان نفيد بعض
انا اشنريت العربيه وكان اساسها جيد وممتاز وده اهم شئ في العربيات من وجهة نظرىنا و كانت العربية فيها اشياء كثيرة فى الميكانيكة اول شىء علبة الدركسيون كانت فيها بوش كبير و العفشة كانت شوية تعبانة و كان الفرش و الحاجة الصلون العربية من جوة بردو عايزة شوية شغل و المتور كان جيد و الهيكل من العربية من برة زى ما كان فى الصورة بتاعت الفديو اول حاجة عملتها او بدات فيها هى العفشية ذهبت لى العقشجى و شاف االعربية و قالى انتاعايز توضب تمام ولا تلم الموضوع قولتلو لا عايز اوضب تمام قالى هنشترى حاجات جديدة و حاجات مستعملة و نصلح العلبة علبة الدركسيون او نشترى علبة جديدة من عزبة شلبى خمسة بلية استراد قررت اشترى علبة استراد من عزبة شلبى و هبت انا و الصنايعى الى عزبة شلبى و اشتريت علبة خمسة بلية 400 جنية من عند واحد اسمو ياسر المحمدى و بعدين اشتريت مساعدين استراد و عفشة كاملة جديدة المانى و سوست ايطالى و ركبنا العفشة و السوست و المساعدين و البيض و علبة الدركسيون خمسة بلية و العفشة بقت ممتازة و الحمدللة و بعدين فكيت السيارة من جوة و الكراسى وكل شى و دتها عند السروجى و عملت ارضيا جديدة من الجلد و سقف اطيفة مثل الفبريكة قماش المانى المتر كان 60 جنية و بعدين الكراسى عملت فيها تعديل علشان كانت الكراسى عريضة جدا فضغرت الضهر و جبت فوم بتاع السيارة الفيرنا
للضهر 120 جنية والمقعد فوم شاهين عشان تقريبا نفس المقاس عشان معدلش في اساس العربيه وايضا 2 120 جنيه
:bye2:وطبعا التعديل عند حداد صغرت الضهرحتي ركب الفوم كويس
معلش ممكن نكمل بكره ان شاء الله لاني الموضوع كبير وانا اول مره اكتب حكايهواحاول افصرها بااالكامل والسلام عليكم
:bye2::bye2:
مشكور يا غالي و مستنيين باقي التفاصيل
السلام عليكم نكمل معاكو حكاية تعديل العربية احنا كنا وصلنا عند الفرش من جوة و لما خلصنا الكراسى و الفرش لحظت ان اتبلون القديم مش و الكنسولة بتاعتو مش كويسين و فيهم شتريخات كتير و نزلت عزبة شلبى تبلون موديل المعدل 400 جنية و معا طبعا فيش العدادت و ايضا اشتريت الكنسولة 150 جنية و اثناء السروجى و هو شغال اخذت العربية لميكانيكى علشان يغير سلك الدبرايش و يكشف عل المتور
غير سلك الدبرايش و الميكانيكى علشان دى كتينة حديد نغيرها عشان المتور يكون صوتو حلو قولتلو ماشى اشتريت الكتينة 75 جنية و ركبها و صوت المتور بقى كويس جدا و ذهبت لى السروجى علشان اركب الكراسيى و اقفل العربية و سهرنا و شطبنا العربية من جوة و بعدين و انا مروح البيت و ماشى فى صلاح سالم سمعت صوت فى المتور نزلت اشوف فى اية لقيت الصمولة بتاعت الكتنينة اتفكت و الزيت وقع فى الارض عرفت ان فى مشكلة كبيرة ركنت العربية عند واحد صاحبى فى صلاح سالم فى الدراسة و تانى يوم فى الصباح ذهبت لى الميكانيكى لحد لما يفتح عبقرينو بية فتح و قعد يببرر و يقول المهم فيكينا تانى و ركبنا و حطيت زيت ظهرت مشكلة جديدة ان الزيت مش بيطلع فى وش السلندر قالى كدة الترومبة الزيت بايظة وروح هات واحدة جيدة روحت سالت عليها لقتها 400 جنية اتصلت بى واحد صحابى تانى و قولتلو على الحصل قالى هو غير طبتة الزيت الى فى وش الكتينة قوتلو لا لازم تتغير دى كل ما توفك فى الوش لما تتفك بتتشريخ و بتهرب الزيت و مش بتطع لى وش السلندر رجعت لى المكيانيكى الاولنى عبقرينو بية قولتلو الكلام دة قالى اعملو على مسوليتك قولتلو فوك فك لقينا فعلا الطبة الى تحت الجنزير بتاعت الكتينة مشروخة غيرنها و جربنا تانى و الزيت طلع لى وش السلندر بس انا حسيت المتور مبقاش المتور كويس زى الاول بس قولت امشى بية شوية و بعدين نفوكو تانى او اجيب واحد جديد
و المهم و مشيت بالعربية حوالى شهرين المتور تعابنى و كل شوية يجيب جوان و ش سلندر و اعملو و بعد شوية بردو تانى ذهبت عزبة شلبى و اشتريت وش 350 جنية و ركبتو و ايضا بعد اسبوعين تقريبا بردو ضرب جوان وش سلندر قولت مفيش فايدة المكيانيكى عبقرينو بوظلى المتور دة ذهبت لى عزبة شلبى و شفت المتوتير لقيت ماتور بالفتيس بتاعو عند الحج جمال الديب الى فى اول عزبة شلبى 2300 و اخدتو فى شنطة العربية و ذهبت الى الميكانيكى وركبت المتور الجديد و غيرتو من انزكيشن الى عادى يعنى فكيت المانفول و الكربيرتير من المتور القديم حطيتو على الجديد طبعا بعد ما وديت الكبريتيرات اسمو علاء الطيار فى الشرابية و نضفو و زبطو و خد 60 جنية و المتور اشتغل و بقى زى الفل و كمان انعم من المتور القديم لان الكتينة كوتيش و 1600 سى سى ايضا و على فكرة ليها ايضا مكانة بور ركبتها فى المتور بس مش عندى علبة البور سالت عليها 500 جنية انشاء اللة اجبها
و مشيت بالعربية مشوار لحد 15 مايو و غيرت الزيت 3 مرات يوم بعد يوم حتى نضف المتور لان كان المتور متسوسخ جدا من الداخل مشيت بالعربية حوالى شهر و كنت مسمتع بيها جدا بس كان السبرتير و الموبينة مش عجبنى ذهبت لى عزبة شلبى و سالت على الموبينة الاكترونى قالولى لازم مع السبرتير مشيت اكترونى و موبينى اكترونى قولت كام القصة دى السبرتير 100 جنية و المشت الاكترونى 100 جنية و الموبينة 80 جنية و اشتريت المجموعة دى و ذهبت للمكينانيكى و ركبت و العربية بقت مية مية و سحبها زاد و لكن بعد اسبوع تقريبا قطعت منى وانا على الاستراد قعدت احول ادورها مش عايزة تتدور روحت جبت ميكانيكى من المعصرة و قعد يفك فى طقم الكربها شوية و قالى عندك السبرتير العادى قالى ايوة و ركبت السبرتير العادى الى كان معايا الاحتيطاطى و لغينا المشت و دورنا العربية دارت و اكتشفنا ان المشيت الاكترونى بايظ بس العربية مبقتش زى ما كانت مشيت حوالى اسوع اسال علية علشان سالت علية قالويلى ان تجيبو جديد احسن و فى الاخر روحت شركة النصر الى فى وادى حوف لقيتو 375 جنية و السبرتير الاكترونى 125 اشتريتهم و ركبتهم و الحمد للة العربية بقت مية مية
و مشيت بالعربية حوالى شهرين كدة و الكرونة ابتدات تعمل صوت قولت لازم اروح اسال علية فى عزبة شلبى علشان خايف على المتور الجديد و الفتيس الجديد و لقيت المعدل الى هى ابايب مش سكينة زى الى ركبا عندى 900 جنية و لقيت عمود كردان 150 جنية لان كنت عند كمال الى فى الداهر قالى لازم تغير عمود الكردان دة فاشتريت الاتنين و ركبتهم و عملت مشوار طويل و لقتهم مية مية و العربية نعمت بقت زى الحرير و مشيت شهر كدة مع انى اندمت عزبة شلبى روحت لى تاجر ياسر المحمدى الى بقا صحابى من كتر ما بروح هناك و اشتريت من عندو علبة دركسيون بور و هو قالى فى واحد ميكانيكى ممتاز بيشتغل فى العربية بولونيز قولتلو ماشى خلية يركبها و هدفع اكتر من 500 و مليش دعوة بالميكنيكى و سبت العربية ساعتين و رجعت لقبت مركبها بس انا اشتريت الزيت البور و حطيتو فى العلبة و جربت العربية و لقتها مية مية و عندى بولونيز بور يا رجالة و اخذت طبعا العلبة خمية بلية و بقيت ماشى بالعربية و بقات العربية مية مية
:shyy:ممكن نكلمل بكرة يا احبابى و احباب حبيتى بولوزتيى الحلوة المظلومة تصبحو على كل خييييييييير
الله يبارك فيك
السلام عليكم ياااااااحبابي واحباب البولونيز
اخر حاجه ركبتها الاسبراتير الالكتروني والمشط بتاعه ايضا المبينه والواحد ارتاح من الابلاتين والكندنسروالزهاب الي المكيانيكي كل شهر عشان الحكايه دي
طبعا لما ركبت البور فرق العربيه لكن المظهر مكنش عجبني شكل الدركسيون زهبت الي عزبه شلبي واشتريت قطمه كامل فيها الدركسيون والمفاتيح النور كل سئ الي علبه الدركسيون 350 جنيه المعدل بتاع الطبلون الي انا مركبه بقي كده
الطقم كامل وشكل الصالون جميل وحديث
وان في عزبه شلبي شوفت بيبان جميله بيسموها منفخه لاني الفرش متغير عن العادي للبولونيز ايضا بيبان الدايو بلونيز
وسئلت عليها ياسر المحمدي قال 1500 خنيه الطقم حتيت الموضوع في حسباتي لما اشتغل في الشكل من الخارج
:36_7_4[1]:قولت لازم نغير اي حاجه في شكل العربيه من الخارج ورسمت كذا شكل ورسيت علي الي معمول الان
وذهب الي عزبه شلبي واشتريت طقم البيبان المنفخ او (الدايو بولونيز) وطبعا لازم تشوفه الاول فيه برومه ولا ايه وشفت اكتر من طقم والحمد الله اخذت الطقم الي راكب علي العربيه وطبعا كنت لازم اغير لون العربيه ذي الابواب عشان ميكونش فيها كذا لون وايضا اشتريت الاكصدام الامامي300 جنيه ومكنش موجود الاكصدام الخلفي المعدل طبعا
ووصيت عليه اما يجي من بره اشتريه وذهبت الي كذا سمكري وقول واحد قال كلام جميل وسعر بس انا مش كنت هافق العربيه الالما اكمل كل حاجه عشان انا هامل تعديل في البيبان والكبوت والعتب وبعد تقريباشهرا ذهبت عزبه شلبي وجدالاقصدام الخلفي وايضا الاسبولر واشتريت الاكصدام 300 جنيه والاسبولر 150 جنيه
وذهبت الي اكثر من واحد سمكري كل الحمد الله شكر في اساس العربيه وكل واحد قال سعر من 800 جنيه الي 1200
مصناعيه وانا كنت طابع الشكل الي انا رسمته علي الكمبيوتر في الاخر واحد صاحبي قالي في واحد كويس في المعصر اسمه عمر دبشه ذهبت له وشاف العربيه وشكر فيها وقال 1200 جنيه قلنا كده كتير لاني العربيه مفهاش شغل كتيير المهم اتفقنا علي 1000 جنيه
بس قال انا الان عندي شغل في عربيه اجي بعد اسبوع فعلان فكيت العربيه عند واحد سروجي واخذت الكرسي بتاع السواف لاني المشوار كبير وذهبت الي السمكري حسب المعاد ومعي الابواب والاكسدمات والاسبولر وكل الي انا اشتريته وفك العربيه امامي وبعدين انا مشيت وثاني يوم ذهبت عنده بعد صلاه العصر لم اجد عمل حاااااااااجه خاالص
وطبعا قالي اصلي انا عندي تسليم عربيه وايه وايه عشان افوووق لعربيتكعشااااااان انت عاامل شغل كويس ومش عارف وكلام وكلااااام فولت ماااااااااشي ياااعم
ومرحتش عند العربيه يومين وثالث يوم ذهبت الي السمكري وكان عندي عشم اشوف الفكره الي انا عاوز اعملها بتتولد وللاسف لم يعمل حاجه خااالص ايضا
وزي ماقولتلكم اني السمكري معملش حاجه ذهب لي صاحبي الي عارفني عليه وقعدنا نكلم ونذعف في الاخر اتفق انه هايشتغل بغد يومين قولت ماشي مهو فق العربيه :shyy:
وبعد المعاد زهبت لقيته كل الي عمله حرق الرفارف الاماميه وثاني يوم سمكر الرفرف الي في الخلف في ا:00020191:ليمين
وفدلنا علي هذا الحال حوالي اسبوع وبعدين اشتغل عطب الابواب الاماميه كان فيها شويه بارومه بسيطه وهوعمالها بصنعه :x1[1]:وبدءفي المرمات الموجوده وهو بصراحه صنيعي لكن الموااااااعيد يااا الله
وعشان اخلص نفسي روحت اشتريت رفرافين الامامي ايضا الشنب الرفرف الواحد 185 والشنب 195 من عابدين
ماشاء الله عربيتك جميله يا استائ ايمن .. ناقصها بس جنط 15 وكاوتش عريض
كان عندى كام سؤال ... الاكصدام بتاع الشكل الجديد بيركب على الشكل الجديد بدون تعديل ؟ ونفس الكلام على الاكصدام الامامى
الابواب سعرها كام وهل جايه بازا كهربا ومراياتها ؟
شركه النصر الاقى فيها كاربيراتير جديد اصلى ؟
الله يبارك فيك ياغالي يااستاذّ KReka
انا فعلا ركبت جنوط 14 الماني BORBET كوتش 14 65 185 الاكصدام الجلفي بيركب بدون تعديل لكن الامامي لازم تعديل وتصغيره عشان المديل بتاع الاكصدام له شنب لي الامام
اما الابواب 1500 جنيه ومش كهرباء
وشركه النصر ليس فيها كاربيراتير طقم اصلاح فقط