الموضوع: ::: البولونيز المظلومة :::

المشاركة الأصلية كتبت بواسطة mobitic

انا عندى سؤال يا جماعة
مش كام يوم روحت لسروجى أغير فرش السقف وبعد المعاينة قاللى مش هينفع لأن الفرش ده جاه مش تفصيل ولازم تجيبله فرش جاهز زيه ومش هتلاقيه هنا (هنا اللى هيا الصعيد ) والحل انى اجيبه من الحرفيين لأن بيكون من جزاه زى الفيبر كده
ياترى الكلام دا صحيح ولا ايه؟
وسؤال تانى :
فرش الباب لو حبيت اغيره ممكن اغيره بفرش باب عربية ايه؟

اه فعلا الموضوع دة صح انا بردو اتقاللي نفس الكلام دة وفعلا بيتباع سقف ليه فايبار كدة في حتة اسمها معروف جمب التوفيقية وهنزل اجيبه ان شاء الله والباب عندي انا خليت سروجي لبسه جلد عادي

يا ترى يا جماعة قطع غيارها اخبارها ايه من ناحية التوفر و السعر على اساس انها مش فيات

المشاركة الأصلية كتبت بواسطة mobitic

شكرا جدا على الرد يا دكتور تيمو
متنساش بقى تبقى تقولى جبتهم بكام وفى معلومة قالهالى السروجى طالما ان كلامه طلع صحيح
وهيا ان فرش السقف فى منه نوعين نوع منهم من جواه فللين والتانى من جواه فيبر وقالى الفيبر احسن علشان بيبقى اقوى فى تركيبه وفكه ونقله.
وبخصوص الباب
مجربتش ليه تجيب فرش جاهز زى بتاع الشاهين مثلا؟
انا جربت اركبه وكان فارق حاجه بسيطة ممكن السروجى يظبطها بس الخامة نفسها معجبتنيش ومستنى لما الاقى فرش يكون من النوع الكويس اللى هوا بيبقى فيه جراب ومنفخ
اه بالمناسبة فين صور عربيتك بعد الدهان اللى وعدتنا بيها ؟
تقبل تحياتى وخالص شكرى

اه فعلا فيه نوعين نوع فيبر ونوع اللي هوة الفوم الابيض اللي زي اللي بيتحط فيه الاجهزة الكهربائية دة وطبعا الفايبار احسن واقوي وميهبطش وخاصة اني ناوي اعلق فيه كونسول اللي هوة بيتعلق في السقف دة بيبقي فيه اضائة ومكان لعلبة مناديل وجيوب وبيبقي شكله شيك فطبعا الفايبار هيستحمل ان يتعلق فيه حاجة زي كدة اما موضوع الباب بقي فكنت ناوي فعلا اشوف حاجة اجيبها واركبها علي طول زي الشاهين او اي عربية تانية بس خفت ان المقاس يكون مختلف فقلت خلاص بلاش وعملته عادي وشكله الحمد لله معقول اما بمناسبة عربيتي بقي فهية الحمد لله في التشطيبات النهائية انا بس بظبط في الكماليات الاخيرة فاضل حجات بسيطة جدا كنت ناوي انزل النهردة التوفيقية وانا راجع من المستشفي هية في وسط البلد جمب التوفيقية فبخطف رجلي كتير بس النهردة راحت عليا نومة ولا رحت المستشفي ولا التوفيقية وبكرة للاسف الحد بيبقي اجازة فهنزل الاتنين ان شاء الله وهجيب اخر اللمسات اللي هحطها في العربية يعني ان شاءالله انتظر الصور يوم التلات بس انا حسب اللي شافوها قالولي انها بقت حاجة تانية خالص فيارب تعجب حضرتك ان شاء الله

المشاركة الأصلية كتبت بواسطة dr_timo

انا جيتتتتتت انا من مالكي وعشاق البولونيز يمكن مكنتش مش من مشجعيها زمان بس دلوقتي اللي يقولي عربيته احسن من عربيتي هقوله قطع غيار عربيتك ارخص من قطع غيار عربيتي ؟ عربيتك اقوي من عربيتي يعني لو لا قدر الله لو دخلنا في بعض مين اللي عربيته هتدخل في عربية التاني وتطلع من الناحية التانية مين اللي حتي بعد الحوادث لا قدر الله هيصلح عربيته بمصاريف صغيرة لا فانوس ممكن عيل يكسره وانت راكنها تحت وتجيبه بخمسومية جنية ولا لازم يتحطلها بزين اتنين وتسعين عشان تمشي يااما تبوظ لا انا بحط تمانين وزي الفل ولا لو انا وهوة مشينا في جبل مين اللي عفشته هتتبهدل ومين اللي الجبل هيشتكي من العفشة ومين اللي يعدي علي اعلي مطب صناعي ولا يهمه ان عربيته تتخبط في بطنها ولا حتي يكون عيل صغير حاطط طوبة عالارض كان بيلعب الصسبع طوبات وتقوم خابطةى العربية من تحت لا انا عربيتي بقي لو بيلعب العشرين طوبة مش هيهمني مين اللي عنده الدفع خلفي وكارونة اقوي وافضل من كارونة البولونيز وعزم وشدة البولونيز مين عنده صالون اوسع من عربيتي ويقدر يشيل فيها اللي اقدر اشيله دي بعض المقتطفات عن البولونيز مش عايز اطول اكتر من كدة كفايا عشان الناس متدخلش عربيتها في مقارنة مع البولونيز وتلاقيها خاسرة بكل المقاييس فترمي عربيتها وتجيب البولونيز

بس موضوع الكرونة دا مش مكلف في موضوع الصيانة انا اعرف ان الكرونة بتاعة 131 احد عيوبها فهل الموضوع دا موجود في البولونيز