::: البولونيز المظلومة :::

**elhelaly** · 15-11-2011 09:53 PM

معلش كان عندى استفسار صغير
اصل انا مش من القاهره
هي فين عزبة شلبى وأروحها ازاي ؟
وجزاكم الله خيرا

**kreka** · 15-11-2011 11:18 PM

المشاركة الأصلية كتبت بواسطة elhelaly

معلش كان عندى استفسار صغير
اصل انا مش من القاهره
هي فين عزبة شلبى وأروحها ازاي ؟
وجزاكم الله خيرا

بالنسبه ليا انا ركبت المترو ونزلت المطريه وخدت مواصله لمسطرد وبعدين اتمشيت حته صغيره دقيقتين لعذبه شلبى

**elhelaly** · 16-11-2011 11:52 AM

المشاركة الأصلية كتبت بواسطة kreka

بالنسبه ليا انا ركبت المترو ونزلت المطريه وخدت مواصله لمسطرد وبعدين اتمشيت حته صغيره دقيقتين لعذبه شلبى

تسلم ياباشا
جزاك الله خيرا

**kreka** · 16-11-2011 11:00 PM

الحمد لله عملت العربيه 23 ساعه شغال فيها وبرضو مخلصتش بس عملنا الحمد لله الآتى
1- تذويد الكراسى
2- تركيب كسوه جلد-مخمل
3- تركيب طقم فرش ابوب جديده
4- تركيب مسندين للأبواب الأماميه سياره دوجان
5- لزق جزء كان ساقط فالسقف
6- لزق كل كاوتش الأبواب واصلاح كرسى السواق
7- غطاء موكيت للتابلوه
8- تركيب جلد للفتيس وعصا الهاند

الأسعار
1- كسوه 180 جنيه
2 - لزوم تذويد ولزق مستورد وجلد وموكيت 130 جنيه
3- 60 جنيه فرش ابواب
4- 70 جنيه مسندين امامى
5- 20 جنيه اجره لحام قاعده الكرسى
6- 200 جنيه اجره السروجى

الصور لما العربيه تكمل لأن لسه التابلوه والفتيس والهاند

هتتفجأوا من شكل العربيه قبل وبعد

**elhelaly** · 17-11-2011 08:53 AM

هل فيه حل لموضوع السخونية السريعة للعربية ؟
او
ايه الحلول المتوافرة لحل موضوع السخونية

**mhasen57** · 17-11-2011 11:23 AM

الاخ العزيز كاريكا الى مريح قلبنا كلنا بالنسبه للطقطقه دى بتحصل لما العربيه تاخد ملف او اخد بيه مطب وشكرا على اهتمامك واسف على المتابعه المتقطعه لانى بشتغل ورادى

**kreka** · 17-11-2011 06:56 PM

المشاركة الأصلية كتبت بواسطة elhelaly

هل فيه حل لموضوع السخونية السريعة للعربية ؟
او
ايه الحلول المتوافرة لحل موضوع السخونية

سخونيه ؟؟؟؟؟ انا معنديش سخونيه
انا مركب مروحه على الموتور ومروحه على الريداتير ... درجه الحراره مش بتوصل لل 90 فالشتاء او الصيف باليل أبداً

ممكن تركب ريداتير 3 ماسوره نحاس ومروحه ريدياتير ومروحه فالموتور من قدام

المشاركة الأصلية كتبت بواسطة mhasen57

الاخ العزيز كاريكا الى مريح قلبنا كلنا بالنسبه للطقطقه دى بتحصل لما العربيه تاخد ملف او اخد بيه مطب وشكرا على اهتمامك واسف على المتابعه المتقطعه لانى بشتغل ورادى

دى غالباً مساعدين قدام
لما تاخود المطب المساعد بيقفل على الآخر فبيعمل الطقه دى ... المساعد قدام بيلف حول محور نفسه وبيعمل الطقه

دى مشكله عفشه ... عليك وعلى العفشجى هيفيدك اكتر ان شاء الله

**kreka** · 17-11-2011 07:03 PM

انا ببيع الكاسيت بتاعى متسوبيشى mc81 يعرض على شاشه وريموت كونترول و USB و AUX و RCA وايكوليزر خرارج صوت قوى

سعر الشراء 240 وسألت عليه انهرده لقيته ب 265

سعر البيع 200 جنيه

سبب البيع عايز اشترى بايونيير او كينوود او سونى

**EngAhmedSayed** · 18-11-2011 12:36 AM

السلام عليكم
اولا تحية كبيرة لكل اخوة مالكى السيارة الجميلة البولونيز
ثانيا تحيةكبيرة لصاحب الموضوع انى قدر يلم شمل البولونزية كلهم فى موضوع واحد

العربية دى كانت عشقى الاول وانا كنت فى الدراسة الثانوية سنة1995 و كنت انتظر الصبح قبل ما ادخل المدرسة الثانوية المدرسة قلى كان بيوصلها جوزها الدكتور و كنت احب اشوف العربية هى ممكن تكون بالنسبة لناس تانية عربية شكلها وحش او خشنةاو اى حاجة بس كنت بعشقها و لما دخلت المرحلة الجامعية طبعا مش هشوف العربية تانى دى كل يوم الصبح
بس كان ليا جارى كان يعرف صديق ليه والده كان مدير شركة النصر فى الوقت دة و كان عنده بولونيز بيجيلو بيها و الغريبةانى كانت مبتفرقش حاجة عن بتاعةالمدرسة لانها كانت نفس اللون ابيض و الاتنين كانو محفظين عليها من غسيل و نظفه و تحس انى هى لسةخارجةمن المصنع دة اللون المفضل قلى بحب اشوف البولونيز فيها لانى بحس انى هى عروسة ماشاء الله عليها و كنت اتمنى انى يكون عندى واحده
دى كانت قصتى معاه مع العلم انى حاليا فلشيوى ( سكودا فلشيا ) اوعى حد يقول الكلام دة فى قسم سكودا هيقلبو عليا خليوها سر هنا
ودى حقيقة والله انا لما قريت الموضوع فرحة جااااااااا قولت ياه لقييت ناس بتقدرالعربية دى الحمدلله
ان شاء الله هيبقى ازوركم باستمرار علشان اطمن عليكم

م / احمد سيد