وصف دقيق للشارع المصرى
شكرا عالموضوع
وخاصة المشى ورا سيارات الاسعاف
عرض للطباعة
وصف دقيق للشارع المصرى
شكرا عالموضوع
وخاصة المشى ورا سيارات الاسعاف
موضوع جميل والصور فى أحد ردود الأعضاء رائعة
بس فعلاً أحسن شعب فى العالم رغم بعض المساوئ الشعب المصرى ودايماً واقف جنب بعضه فى المحن
و الله ضحكت من قلبي, انا مغترب و الحاجات دي من رابع المستحيلات انها تحصل برة مصر, بس احنا الاصل في الحضارة و الانسانية و ربنا يصلح حالنا عشان نرجع لبلادنا ام الدنيا .. امين يا رب
فعلا تاكسى السهرة ومش لازم تلفزيون ولا حاجة كفاية يلف شوية فى شوارع المحروسة لترى العجب العجاب من نافذة التاكسى .
والله فعلاً شعب زى السكر .. بجد بيبقى شعور جميل لما تلاقى حد متعرفوش ولا يعرفك وبيعرض عليك المساعده .. وفى بعد الاحيان بيساعدك من غير ما يعرض .. بجد
.. أنا كنت راكب مع واحد قريبى فى مرة وكنا فى فيصل تقريباً .. والشارع كان ماشى بس ببطئ.. وفجأه لقيت قريبى راح محضن على عربيه وفاتح الباب بتاعها( الخلفى) وقافله كويس ..
فعلاً حسيت أد ايه هو رغبته فى المساعده خلته بتلقائيه غريبه يفتح باب عربيه واحد ميعرفوش ويقفله جامد علشان يتأكد إنه أتقفل .. ده يأكد إن لسه فى ناس بتخاف على بعض .. وإن شببنا الاصل فيه الطيبه ..
موضوع يستحق التعليق
لدينا ميزة روح التعاطف المختلطة بالأمومة، يعنى لو ماشى بعربيتك و كاوتش عربيتك نايم شويه او نص نايم او حتى مهوّى،
هتلاقى كل العربيات اللى بتعدى عليك بتهدى جنبك وكل اللى فيها بيشاورولك على الكاوتش ، وهناك منهم متأججى المشاعر الذين يطاردونك حتى يلحقون بك
(و بيكسروا عليك علشان يلفتوا نظرك ....الفرده اللى ورا عايزه تتزود).
النهادرة وانا ماشى كان فى عجلة نص نايمة ( وانا عارف )
ولا حد عبرنى وقالى العجلة نايمة.
يا جماعة بجد دى احسن ميزة فى الشعب المصرى انه ممكن يعملك اى حاجة
و من مميزاته الجميلة انه احسن شعب يفتى بصراحة
انا ببقى رايح مشوار و لما اسال اى حد على العنوان لازم يفتى حتى لو مش عارف " ازاى يسيبك من غير ما يجوبك "
بجد انا مرة اعدت 3 ساعات الف عشان اروح مكان يتراح فى نص ساعة
100 100 بجد هيا دى مصر
ما اعتقدتش انا الشهامة دى اصلا بقت موجودة انا مرة زقيت عربيتى الفيورا من بعد منزل صفط اللبن بشوية لغاية نزلة المريوطية ( محور 26 يوليو ) اتجاه الهرم ولا حد عربنى و قاللى انتا بتعمل ايه !!! واحد بس وقف بنص نقل و عرض عليا انه يشدنى مقابل مبلغ مالى معين و انا بصراحة شكرته علشان الدنيا ماكنتش آمان :shyy:( اقصد الفلوس يعنى ) و بعدين قبل نزلة المريوطية بشوية عرض عليا 2 عساكر يزقوا معايا ( كانوا واقفين مستنيين حد يركبوا معايا المهم ان العربية دارت من غيرهم ( الله اعلم يمكن ربنا جعلهم سبب من زقتهم البسيطة ) بس انا بصراحة سبتهم و مشيت علشان كنت متغاظ من الشهامة المفقودة و اتضايقت من نفسى علشان سبتهم بس اعذورنى انا زقيت تقريباً حوالى 3.5 كم و المفاجأة انى انا اصلا وقفت بعد نزلت صفط والله علشان اساعد واحد كان واقف بعربية و كان معاه ست فصعب عليا ولما روحتله قاللى شكر و دور و مشى و انا جيت ادور لقيتها شرقت!!!:I_angr1[1]:
و المرة التانية كانت برضه بالفيورا و كانت الساعة 1.30 صباحا و العربية اتكسر فيها تقريباً العواميد اللى ماسكة البساتم بعد نزلة مسطرد بشوية فى اتجاه الهرم ايضاً و قعدت اشاور للناس او اى حد ينجدنى و ياخد فلوس ولا حد عبرنى و ماكنش حتى معايا حبل علشان لو اتجريت و قعدت ازقها تقريبا 1كم ليأسى من انى الاقى حد و الساعة 2.15 تقريبا وقفللى تاكسى بالصدفة و لقيت يافطة متقطعة و ربطتها لغاية ماصلت الرماية !
ده غير مواقف الشهامة المفقودة الكتيــــــــــــــــــــ ـــــــــــر اللى قابتها و انا معايا المرحومة skoda L120 و اللى ماشاء و الحمدلله على كل حال مامشيشتش اكتر من ساعتين من ساعة ماجاتللى لغاية ما انتهت محروقه على الطريق الدائرى برضه !!
و على العموم الحمد لله على كل حال و اعتقد ان المشكلة فى الطريق الدائرى :dzey: