عرض للطباعة
النهاردة وانا ماشى على الدائرى فى الحارة الى قبل الاخيرة على الشمال لقيت ترابيزة واقعة فى الحارة الى فى النص وتاكسى واقف على اليمين ونزل منة ناس جرى على الترابيزة عمالين يشاورو للعربيات و عشان تبعد. الترابيزة طارت من على التاكسى انا متخيل لو طارت وعربية معدية كانت هتبقى مصيبة جديدة لازم يبقى فى حل للموضوع دة ؟؟؟
الدائرى كل يوم فى جديد
و المشى فى الحارة الشمال بقى فية مفاجات كتيرة من تكسير و ارض واطية و بلوكات اسمنت و الطريق يوسع و فجاة يضيق غيرة
وانا راجع من النفق اللى عند التسعين وانا فى الحارة الشمال معرفش ازاى نصف نقل قرر فجاة انة يقف و ووقف عربيتين وراة وانا التالت و ربنا ستر اللى ورايا ملبس فية
الدائرى دة تعذيب فعلا
اتفرج بس على الفيديو ده وشوف الاستهبال وصل لفين
http://www.youtube.com/watch?v=V0rth...eature=related
مع الدائري مش حتقدر تغمض عينيك و التريلات حواليك:w6266d
عالدائرى امشى وفتح عينيك لتلاقى تريلا بتخبط فيك
الكلام دة علي الدائري سينما
الفديو دة كارثة اييييييييييييييييية الاستهبال دة اللهم لا تؤاخذنا بما فعل السفهاء منااقتباس:
المشاركة الأصلية كتبت بواسطة mahamedaraby
what you see here in this clip is called a wide load (this is a piece of sub base of a super drilling rig)اقتباس:
المشاركة الأصلية كتبت بواسطة rembrandt
super drilling rig has at least ±20 wide loads of exactly what you saw here and this is the only way to move it and this is normal and RIGHT procedures.
the only mistake here is that they did not move in a convoy
الفيديو دة بجد كارثة بشتي المقاييس
انا مش عارف وصل بينا كدة الحال ازاي بس
وفين الرقابية امال فالحين بس يعملولنا مخالفة سبحة في المراية
امال دة اية مخالفتة اعدام في ميدان عام
حسبي الله ونعم الوكيل في الرقابة
استهتار الشعب المصري لا حدود له
اللى شوفتوه فى الفيديو ده اسمه احمال عريضه (ده جزء من جهاز حفر بترول و الجهاز بتوصل الاحمال العريضه فيه ± 20 نقله حسب حجم جهاز الحفر)اقتباس:
المشاركة الأصلية كتبت بواسطة SeMo_SiRiOnY
و ده الطريقه الصحيحه فى نقل الاحمال العريضه
و على فكره ممنوع يمشى يمين لازم يمشى فى الشمال
الغلطه الوحيده فى الفيديو هنا انه ماشى لوحده
يعنى لازم يمشوا مجموعه مع بعض
انتم اتخضيتوا من منظر عربيه واحده, امال لما تشوفوا 10 عربيات بالمنظر ده ماشيين ورا بعض هتعملوا ايه؟:smilielol5:
و علشان اطمنكم, مش اى حد بيشتغل فى النقل لشركات البترول
دول بيكونوا متعينين فى الشركه (يعنى مش جاى يشتغل بالنقله) و لازم يكونوا عدوا اختبارات و كورسات فى القياده و الامن الصناعى و السلامه منها defensive driving
و برضه على فكره
كل شركات البترول بتركب جهاز فى عربياتها بيسجل كل حاجه السواق بيعملها و هو سايق و بيديله تنبيهات (ملبسش الحزام, سرعه اكتر من المقرره بالنسبه لحجم العربيه, فرمله جامده, ملفات على سرعه او حتى راكن مده و سايب العربيه شغاله) و بعد كل مشوار بيراجعوا البيانات من الاجهزه و بيحاسبوا السواقين حسب الغلط اللى اتعمل و بتوصل للرفد
و على فكره فى ناس اترفدت علشان موضوع لبس الحزام
يا راجل ده مسكوا واحد سواق مقطورة بيشيش و هو سايق في فجر أكتر من كده!!!!!!!!!!!
للاسف من ساعة الكارثة اللي فاتتيت هل في حاجة اتعملت المنطقة من القطامية الى منزل الاوتوستراد تحس انك في مهرجان وسيرك عربيات بتجري بجنان وناس بتعدي وبينطوا من على الخراسانة في النص ومقطورات ونص نقل تبقى مثلا ماشي 100 ودوول طايريين وبيرموا عليك طوبهوم وزلطهم ماساه بمعن الكلمة
لللللللله الامر من قبل ومن بعد!!!!!!!!!!!!!!!!!!!!
اظن ان رجال المرور جوهر شغلهم هو ضبط ومحاسبة المستهترين زى دول امثال سائقين النقل اللى غلطتهم تودى فى داهية ...
لكن هما سابو كل دة ومسكوا فى السطحيات لمجرد الحصول على مخالفات سهلة زى الفامية والزينون والاسبويلر وغيرة ::::
ولما يمسكوا حد عامل حاجة من دول يعاملوة كانة مجرم حرب شئ غريب .
اولا معظم اللى مكتوب فوق من جميع الاعضاء صحيح بنسبة 100% و لكن امس حصل لى موقف مختلف على الدائرى (كارفور -القطامية )حيث وانا راجع من العمل فى حدود الساعة 12 ليلا كانت سيارة نقل تقيل ماشى بسرعة تتعدى 110 كم و بدون مقطورة و طايح فى الطريق كله كلاكسات ونور و تزنيق على الملاكى علشان يجرى - وبصراحة انا كنت بدات اجرى وراهعلشان اشوف اقرب عربية شرطة متحركة واقولهم عليه لدرجة انى حفظت نمرة النقل و فوجئت بعربية كيا سبورتج الجديدة من بتوع الشرطة ماشية على 80 كم وشاف اللى النقل بيعمله و لقيته طاير ورا النقل لحد لما خله يركن يمين خالص و نزل ظابط و شوفته بيزعق للسواق وللاسف مارضيتش اقف وكملت طريقى للبيت و لكنى اعجبت بموقف الشرطة و فعلا ملاحظ اليومين اللى فاتوا من بعد الحادثة الاخيرة ان عربيتين كيا سبورتج معظم الليل بيتحركو على الدائرى فى المنطقة دى ونقطة تمركزهم فوق نفق الكارفور .
اعتذر على الاطالة و لكن زى مابنقول الغلط لما بنشوفه لازم نقول الصح اذا شوفنه .