السلام عليكم ...
انا معايا اوبترا 2007 كنت بفكر ابيعها واجيبـ سيفيك 97 vti واظبتها ..
فى ناس بتؤلى لأ خليك فى اللى معاك احسن اكمنها موديل جديد وهتريحك وكده وناس تؤلى لأ الهوندا برضه ملهاش حل خصوصا لم تتظبط
ايه رأيكوا يا رجاله ..؟
عرض للطباعة
السلام عليكم ...
انا معايا اوبترا 2007 كنت بفكر ابيعها واجيبـ سيفيك 97 vti واظبتها ..
فى ناس بتؤلى لأ خليك فى اللى معاك احسن اكمنها موديل جديد وهتريحك وكده وناس تؤلى لأ الهوندا برضه ملهاش حل خصوصا لم تتظبط
ايه رأيكوا يا رجاله ..؟
طبعا السيفيك vti مفيش قبلها ولا بعدها , مع احترامى لسيارة حضرتك, متقارنش برده اليابانى بالكورى, بس دور على عربيه تكون بحالة الزيرو فى الهوندا بالذات, عشان متصرفش كتير و تخسرك
اية ياباشاااااا
حراااااام عليك ...السيفيك كويسة ططبعا ولا كن اقدم من عربيتك ب 10 سنين ودة كتيير
خليك فى الجديد احسن...والابترا عربية كويسة
السيفيك اللى هاتجيبها متضمنش فيها اية
مع احترامي لكلام حضرتك بس هو بعيد عن الواقع
اللي معايا بقالها 16 سنة مش 12 و الحمد لله مظهرش فيه برومة الا حتة صغيرة جدا في تجويف الرفرف تحت فتحة التنك فبالتالي مفيش تهالك و لا حاجة
و طبعا لا بلاعة فلوس ولا حاجة - عربية عادية جدا مصاريفها الثابتة تيل و زيت و فلاتر و قطع الغيار سعرها عادي و معمر جدا يعني بعيد عن مصاريف الصيانة الدورية البلاعة مقفولة
انا عارف ان الكلام دا مكرر بس فعلا صعب اوي تلاقي قيمة تجارية مقابل السعر دا زي الهوندا و خصوصا لو VTI
موتوري اللي بقاله 16 سنة الحمد لله بيطلع من الاوبترا و اللانسر 1600 و البيتلز و عمرها ماكسفتيني - مش قصدي على الشد و الحوارات دي قصدي على انقاذ مواقف و تفادي حوادث او حتة احتكاكات
ثبات زي الفل و شكل جميل و مواصفات كاملة زجاج و مريات و فتحة سقف و تكيف و باور و و و و
مع احترامي للاوبترا طبعا بس ركوبة الهوندا حاجة تانية
طبعا هو الموضوع محتاج تفكير وتأنى قبل ماتأخد الخطوة دى بس لو لقيت حاجة لقطة ونظيفة و طبعا لازم تكشف عليها كويس قوى، ممكن تبيع وتشترى وممكن تدخل دى في دى غير كدة انصحك بلاش خصوصا ان عربيتك زيرو عشان لو الهوندا فتحه بقها هتصرف معك جامد والإنتريور مش شرط يكون متبهدل من الشمس على حسب الاستخدام والمحافظة عليه من الشمس وربنا يوفقك.
اولا الف شكر يا رجاله على الردود ...
وثانيا انا عارف انى بؤل حاجه غريبه انى ازاى ابيع عربيه زيرو واجيبـ عربيه تانيه موديل اديم ..بسـ فعلا الهوندا شادانى اوى وخصوصا لم بتتظبط بتبقى تحفه ...بسـ انا بؤل اجيبـ حاجه نضيفه اوى ولا انتوا ايه رأيكوا ارجع عن اللى فى دماغى ده ولا ايه ؟
يظل الموضوع معلق لحين وجود حالة جيدة جدااا ان لم تكن ممتازة، يعنى انت دور كل فترة ولو حاجه وقعت قدمك و بسعر مناسب يبقي تمام ولو مالقيتش اهى عربيتك معك و أنت مش خسران حاجه بس المهم ماتستعجلش.