المشاركة الأصلية كتبت بواسطة smax
مشكلة الابواب كانت عندي في باب السواق فقط انة بيقفل بالرزع و بيعمل صوت عالي, و قولتلهم عليها في التوكيل و معملوهاش.
انا ضبطة و هيا حاجة بسيطة جدا و اي واحد يقدر يضبطها بنفسة: افتح الباب و بص علي الكالون الي في الباب مش في القايم, هتلاقي اثار احتكاك في الجزء الاعلي او الاسفل.
لاو الاحتكاك في الاعلي يبقي تفك المسمارين بتوع جزء الكالون الي في القايم ( تهويهم فقط يعني تلاقي جزء الكالون بيتحرك) و تنزلة الي الاسفل حاجة بسيطة و جرب تقفل الباب و تابع التنزيل حتة حتة مع التجربة و اول ما تلاق الصوت راح اربط المسمارين تاني جامد.
لاو الاحتكاك في الاسفل يبقي نفس الكلام بيس ترفع الي العلي قفل القايم.
الحكاية كلها بتاخد 5 دقائق.
علي فكرة واضح ان التوكيل دة بومبة كبيرة.