انا عندى اوبترا 2008 وعاملة 20000 كيلو ومن حوالى شهرين بدات الاحظ تزيق فى الدريكسيون الصبح وواضح جدا مع العلم انى من سكان محافظة البحر الاحمر مدينة سفاجا اية الحل وخايف من تاثير الصوت دة فى المستقبل
عرض للطباعة
انا عندى اوبترا 2008 وعاملة 20000 كيلو ومن حوالى شهرين بدات الاحظ تزيق فى الدريكسيون الصبح وواضح جدا مع العلم انى من سكان محافظة البحر الاحمر مدينة سفاجا اية الحل وخايف من تاثير الصوت دة فى المستقبل
انا كمان معايا اوبترا 2008 اوتوماتيك
وبرضه احيانا باسمع صوت التزييق ده وانا بالف الطاره يمين وشمال والعربيه لسه بتسخن بعد كدا مبسمعوش
وكمان مش دايما بسمعه
يعنى انا بقالى حوالى اسبوعين بطلت اسمعه خالص
وعشان هو مش موجود باستمرار فانا مش قادر الاقيله تفسير
فى ناس كتير بتقول علبة دركسيون
بس انا مش مقتنع لانهم بعد ما غيروا العلبه برضه الصوت بيبقى موجود
ومادام الصوت ملوش اى تأثير يعنى مجرد صوت
فانا مكبر دماغى
مشكلة علبة الدركسيون ........ كل 10000 كم لازم تتغير .
أنا غيرتها 3 مرات خلال ال 30000 للأسف
الصوت مش بيروح ولا حاجه بس علشان تسمعه أقفل الزجاج و الكاسيت و التكييف و لف الدركسيون .
لا طبعا الصوت بيروح بعد التغيير و بعدين بيرجع تانى بعد 10000 كم
صباح الفل على الكل من الاخر ومن غير زعل العربية الاوبترا عربية زبالة (مش معمولة بضمييييير)انا اسف عللى الكلام دة بس مع واحد صحبى موديل 2008 عملة 60 الف كيلو وانا معايا الانترا مانيوال مفيش وجة مقارنة بين العربيتين مع ان الفرق فى الفلوس مش كتير بس الاوبترا موتور و فتيس و مسعدين عفشة زى الزفت بالنسبة لاى عربية فى فئتة مع انها وهى جديدة زى الفل بس مش عربية تعيش معاك العمر كلة وتحس ان هى لسة جديدة
صباح الفل ومفيش زعل ولا حاجه
ده رأيك وانت حر فيه
بس مينفعش تعمم وتقول الاوبترا عربيه زباله
لان مفيش عربيه فى مصر مبيحصلهاش مشاكل
ومش شرط ان عربية صاحبك فيها مشكله او مش حلوه يبقى كل الاوبترا زباله
وموضوع ان وهى جديده بتبقى حلوه وبعد كدا مابتعيش
ده بيرجع لطريقة الاستعمال
مفيش نوع عربيه كله بيطلع مفيهوش غلطه
وشوف الموضوع ده
http://www.nilemotors.net/Nile/showthread.php?t=62491
ده غير المواضيع اللى بتقول ان على طول الطنابير بتبوظ وبيغيروها على طول
وانها واطيه من ورا ولما تركب 3 فى الكنبه بتحك
وانا شخصيا معايا اوبترا 2008 اوتوماتيك بقالها سنه ومفيهاش ولا عيب من دول ومفيهاش اى مشكله لحد دلوقتى
اقوم اروح اقول الانترا دى عربيه زباله
مش منطق يعنى