الى الاخوه فى منتدى الدايو الكرام

**mmedali1978** · 13-05-2009 10:35 PM

عايز عربيه لانوس 1 أو جوليت 99 فى حدود امكنياتى ونفسى تكون عن طريق حد فى منتدى الدايو يكون ثقه وربنا يكرمكم لانى لسه خارج من التجربه الفاشله بتاعه المعوقين بعد عناء اكثر من 5 شهور والله كرهت نفسى وكل ما افتكر الموضوع نفسيتى فى الحديد ولسه واخد الفلوس من الراجل بعد العربيه الجوليت مقعدت معايا اكتر من 3 شهور متحركتش بيها وكل يوم الورق بكره وبعده لحد ما طفشت رمتله العربيه من شهرين ولسه واخد الفلوس وقكنت معجب بيها جدا عربيه والله كانت شبه زيرو لكن مفيش نصيب قولت اقول لمنتدى الديو المحترم جدا لو واحد فى ثقه يدلنى على لانوس1 أو جوليت وربنا يكرمكم واسف للاطاله بس حبيت احكى القصه علشان الناس تستفيد ولكم جزيل الشكر ولو حد قدامه عربيه يبعتلى على الخاص والف شكر

**A.samy** · 14-05-2009 01:25 AM

حضرتك ممكن تشوف عربية عن طريق الوسيط اوعن طريق الموقع دة http://www.contactcars.com/UsedCars_All.asp
وممكن حد يساعدك او انا اساعدك فى انك تكشف عليها او نقولك تكشف عليها فين .

**mmedali1978** · 14-05-2009 02:38 PM

متشكر جدا لرد حضرتك بس اضمن مكان للكشف فين بالظبط

**nasroo** · 14-05-2009 03:04 PM

انت عاوز تدفع في حدود كام؟
وايه حكاية المعوقين دي بالتفصيل؟

**mmedali1978** · 14-05-2009 10:23 PM

معلش انا اقسملك بالله لخصت موضوع المعوق فى الكلام اللى قولته ومش عاوز اتكلم فيه تانى وسعر الانوس او الجوليت 99 معروف من 38 وانت طالع لحد 42 مثلا وشكرا لكل اللى يرد

**A.samy** · 15-05-2009 04:21 PM

الكشف على اى عربية هيكون على ثلاث حجات اولهم واهمهم سمكرة العربية بقدر الامكان متكنش رشت دواخل واللى يفيدك فى الموضوع دة سمكرى يكون امين وتانى حاجة حالة الماتور ودى هتعرفها عن طريق كبس الماتور فى اى بنزينة بتعمل الموضوع دة حسب المكان اللى انت ساكن فية وتالت حاجة العفشة ودى عن طريق العفشجى او الميكانيكى اللى هيكشف على الماتور او فى البنزينة اللى انت هتكبس فيها الماتور
و بقدر الامكان لو فى مشكلة فى الماتور او السمكرة متخدش العربية لو الموضوع فى العفشة تبقى بسيطة بس تنزل فى العربية على الاقل الف جنية وطبعا تبص على حالة الكاوتش والبطارية