مشكله فى مقصات النوبيرا سعدوني بسرعه

**speed3001** · 14-05-2009 02:58 AM

السلام عليكم بعد تحيه طيبه وبعد
معايا نوبيرا 2008 وظهرت فيها مشكله لما رحت اظبط زوايا فى بريدجستون قلولي ان المقصات خفيفه وموش هينفع يظبطوا زوايا عشان العجل كدا بيفتح ويقفل لوحده

فا ياريت يا جماعه عرفوني اعمل ايه عشان اعالج مشكلة المقصات دي
وهل ينفع تركيب جلب مقصات بيجو بدل الجلب الموجوده ولا لا

يا ريت تقولوي عن اسعار الحاجات زي جلب المقصات دي هتكون بكام

فى انتظار الردود

**M.ABDEEN** · 14-05-2009 03:31 AM

اكيد يا باشا حضرتك بتمشى في المكسر بسرعة وعدم حذر (اعذرني معلش) والجلب والمقصات دي مشكلة في النوبيرا لذا يرجى الحذر
واحد صاحبي قوي بيمشى في المكسر زي الاسفلت حصله نفس المشكلة وكملت بيميكروباص خييش فيه طيرله جوز المقصات المهم سال في التوكيل لاقهم غاليين جابهم من واحد في فيصل وتمام دلوقتى ....ياريت تحط الاصلي وبعدين انت راكب 2008 بلاش تسمع اللي يقولك الجلب بيجو والرشاشات الماني ويفقطلك العربية على كل لون يا باتيستا !!!!!!!!!!!1خليك في الاصلي والجديد ويفضل الوكيل او موزع تثق فيه

**speed3001** · 14-05-2009 03:36 AM

يعني كدا حل المشكله تغير المقصات ولا ايه

وهل ينفع تغير الجلب بس ولا لازم المقصات تتغير

**M.ABDEEN** · 14-05-2009 03:39 AM

شوف بتاع العفشة هايقول ايه اومركز الفحص او التوكيل رائيهم ايه بس حذارريييي من السرعة في المكسر والمضحضر وبذات وانت محمل اوزان وبالتوفيق

**speed3001** · 14-05-2009 03:45 AM

اشكرك على سرعة الرد يا زعيم

فى صيانة العشرين الف قلتلهم فى التوكيل على الموضوع دا بص كبير المهندسين عليهم وقلي موش وحشين وموش هيعملوا معاك اي مشكله

بس الي قلقني بتاع ظبط الزوايا قلي لازم تحل مشكلة المقصات عشان اقدر اظبطلك الزوايا صح
فا بصراحه انا محتار اعمل ايه
بس الي مخليني امشي على كلام التوكيل اكتر العربيه الحمدلله لا بتعوم ولا بتعمل اي حاجه حتى بعد 160 ثبات واستجابه وكله تمام الحمدلله
فا موش عارف يا ريت النصيحه

ويا ريت اسعار المقصات والجلب والحجات الكتير دي كام

**M.ABDEEN** · 14-05-2009 04:14 AM

خلي بالك لو الجلب مش بكافئتها كده التحميل كله على المساعدين يبقى كده بتدمر حاجة تانية وانت مش واخد بالك وبعدين انت ممكن تطر لفرامل جامدة وقت معين لو الزوايا مش متظبطة صح العربية هاتزحف منك جامد يمين او شمال وقاعدة عامة بعد ظبط او تغيير حاجة في العفشة لازم ظبط زوايا مش العكس انما اسعار الجلب والمقصات معرفش بصراحة كام سعرهم

**SeMo_SiRiOnY** · 14-05-2009 05:13 AM

اعتقد من كلام حضرتك عن السرعة
يبقي كلام المهندس الي في الوكيل مظبوط وانو مفيش مشاكل
بس خلي باللك من البلاعات والحفر اكتر

**speed3001** · 14-05-2009 05:34 AM

اشكر الجميع على الرد
بس الي عاوز اعرفه اذا مشيت على كلام التوكيل ان المشكله موش مهمه اوي وان مفيش مشكله هيكون ايه رد فعل العربيه وخصوصا المقصات هل لا قدر الله ممكن المقص ينكسر وانا ماشي او اي الي ممكن يحصل وهل ينفع تغير جلب مقصات وخلاص ولا ايه يعني لو ممكن اغير جلب مقصات واكيد المشكله هترجع تاني بعد فتره يبقى موش مشكله يبقى اروح اغيرهم وخلاص
المهم الي عنده راي ميبخلش عليا وارجع تاني واشكر الجميع
منتظر الردود والنصيحه

وحاجه كمان ازاي اعرف اذا كانت المشكله فى المقصات من خلال تعاملي مع العربيه يعني ايه هى اعراض تلف جلب المقصات؟؟؟

**ahmedsrs** · 14-05-2009 08:10 AM

المشكلة دى اتحلت بتغيير المقصات الأصلية بمقصات اسبانى .تلف المقصات ممكن يعمل كوارث خصوصا لو ماشى على كوبرى او فى طريق رايح جاى

**Badrowi** · 14-05-2009 08:42 AM

ا.ب مقصات
اولا شوف اعراضها هنا فى المنتدى
ثانيا روح لاكتر من ورشو وشف المقصات سليمة ولا لا
ثالثا اوعى تغير الجلب بس لوحده لكن غير المقص كله وهات اتنين اسبانى ببيضهم وجلبهم

MMamdouH ideas