الموضوع: معادلة الثبات و العفشة الناشفة في السيراتو الجديدة

لزيادة ثبات السيارة على الأرض عندك أكتر من concept او فلسفة ..

الأولى : زيادة قاعدة العجلات (2650 مم) اي زيادة المسافة بين محور العجل الأمامي و الخلفي للسيارة وهو ما يقلل من التورك المركز في الخلف عند التحميل الخلفي لأشخاص أو أمتعة و يعحسن الثبات في المنحنيات و يزيد من التحكم في
و بالتناسب عرض السيارة سيزداد و ده يدي العربية مساحة أكبر و يخلي مقاومتها لـrolling أو الاتفاف حور محورها الطولي في الملفات أفضل لزيادة طول دراع المقاومة (نص العرض من المحور الوسطى و حتى طرف العجلة) .... وده عامل محدود في سيارات الفئة C اللي الفورتي و الإلنترا منها ...لأننا لو زودنا الحجم هاندخل في فئة أعلى ...تتمتع بالميزة دي .




الثانية : زيادة وزن العربية 1326 كج - الوزن بيوظف الجاذبية في مقاومة الرفع على السرعات العالية و أيضا مقاومة الميل في المنحنيات ولكن ....
توزيع الوزن يكون أهم كلما زاد الوزن نفسه لأن الوزن الغير موزع يعتبر مصيبة في المنحنيات و الفرملة القوية لأن مركز الثقل بيتغير في عكس اتجاه المقاومة و لو الوزن اساسا مش متوزع كويس تبقى مشكلة كبيرة و طبعا اساتذة توزيع الوزن هما بي ام دابليو و أودي و سوبارو .

و هنا لو لاحظت في حالة السيراتو انهم اعتمدوا شاسية تقيل مدعم من الخلف لموازنة الوزن الأمامي للموتور (مش مقتنع قوي بنجاحهم في ده) ولكنها محاولة على أي حال غرضها دعائي بشكل اكبر .


و طبعا الوزن الزائد للسيارة هايأثر على الأداء و محتاج موتور قوي يقدر يوصل بيه لأداء مناسب و ده بالفعل موجود ومحقق بارقام التسارع (0-100 في 10.3 ثانية)
و السرعة القصوى 190 كم/س.

يبقى الوزن الزائد مش عيب هنا في السيراتو كما يظن البعض .

لكن مثلا عربية مثل الباسات و يشيلها موتور 1600 سي سي كان وزنها عامل عائق كبير في الأداء و لكن ثباتها يضرب به المثل بسبب قاعدة العجلات الكبيرة و الوزن الكبير .





الفلسفة الثالثة: الارتفاع ground clearance وهو تقليل ارتفاع العربية عن الأرض و ده ليه ميزتين :
الأولى - منع الهواء من المرور تحت السيارة و تقليل قدرته على رفعها
الثانية - تقريب مركز الثقل من الأرض و ده طبعا بيدي ثبات و تحكم أفضل و لكن على حساب مواجهة وعورة الطريق (زي المازدا 3 و السيفيك و الجيتا)
علشان كده ليها في مصر بعض العواقب التي لم تواجهها النيو سيراتو و هي تحسب لها نقطة مهمة في السوق المصري .


الرابعة و هي الأهم :

التعليق ....كلما كان تعليق السيارة أقسى كلما قدرت تقاوم الميل و التأرجح و ده بيبان في المساعدين و السوست الرياضية مثلا لأنها بتقطم الوسط
و ده بيعوض الثبات اللي ماقدرناش نحصله من العوامل التانية ...
و علشان كده تلاقي الأوكتافيا أنشف من الجيتا مع تقارب الثبات جدا و ده بسبب ارتفاع الأوكتافيا اللي عوضه بالعفشة الأصلب.

وبرضه ده ليه اثر جانبي على التقليل من راحة القيادة و خصوصا في المسافات الطويلة .



الخامسة و الأخيرة : مساحة سطح الكاوتش الملامس للطريق لأن هو المترجم لكل ما سبق و هو مصدر التعامل مع الطريق
كلما زاد قطر الجنط تتسطح دائرة محيطه و يلامس الطريق قوس أكبر من الكاوتش و طبعا عرض الكاوتش بيزيد المساحة و لنك ماتقدرش تعمل قطر كبير و كاوتش كبير لأن الهوا ممكن يزود الميل ...تضطر تقلل يمك الكاوتش اللي بيشتغل الهوا اللي جواه كمخدة cushion للسيارة و بكده ترجع الركوبة ناشفة ...



الخلاصة مما سبق

كيا سيراتو استغلت مقاسها بأنها من أعرض السيارات في فئتها
و ووزنها اللي من اتقل الأوزان في فئتها
و تعليقها الناشف
و جنطها الكبير
لتعويض ارتفاعها المناسب عن الأرض

لتظل في مستوى مقبول من الثبات


ولهذا ثمن .....و انت من يختار


تحياتي ....

الف الف شكر يا شباب و الحمد لله ان الفكرة قدرت أوصلها

موضوع التقنيات الأخرى

و علي فكرة في طرق كتير اكثر تقدما من كده اصلا لكن لا تنسي ان كل برغوت علي قد دمه زي ما بيقولوا

دي خراج موضوعنا لأنك زي مل قلت كل برغوت على قد دمه

انا باناقش المبادئ الأساسية للثبات

طبعا هناك وسائل أخرى (أكثر ذكاء) للتغلب على المواجهة الميكانيكية المباشرة
ومعظمها في أودي و مرسيدس من تقنيات تغيير مركز ثقل السيارة سواء بتوزيع الفرملة و كفاءة الجر أو بوجود ثقل متحرك بشكل ايجابي لتعديل مركز الثقل حسب الحاجة ..

ومنا أيضا ما اعتمدته أودى من تقنية المساعد النشط اللي بيضغط فيه زيت أو غاز بموتور كباس في المنحنيات علشان يمنع الميل و أو على السرعات العالية يوطى و يتقل برضه

بس ربنا يكرمنا بقى و نجيب حتة من دول و نتكلم فيها باستفاضة :)