-
العربية مش عايزة تدور
:السلام عليكوا.
انا عندي مشكلة غريبة جداااا وارجوا الرد في اسرع وقت ..... اول امبارح كنت ماشي عادي خالص وبعدين ركنت واشتري حاجة وبعدين رجعت جايت ادور العربية دارت عادي وبعدين بطلت لوحدها حولت ادور تاني مادرتش قمت دايس علي دواست البنزين ودورتها دارت عادي خلص ومشيت الموضوع دة حصل معايا اميارح بردة مرتين بس في المرة التانية مفيش فيدة .
انهاردة الصبح بدورها دارت عادي خالص مفيش اي مشاكل ومش عارف السبب يكون في اية مع العلم اني كنت لسة عامل صيانة ال15000 من اسبوعين فاتوا :120146b
يرجى من العضو اختيار عنوان معبر عن محتوى الموضوع
مشرف القسم
-
يارجاله انا مسافر انهاردة وعايز اتطمن ومفيش اي حد رد عليا
-
15 الف يعنى فى الضمان... روح التوكيل
MMamdouh
-
شكرا علي اهتمامك يا بشمهندس محمد طيب العيب ممكن يكون في اية علشان انا اتصلت بالتوكيل قولي العيب ممكن يكون في الحساس او البوجيهات هل الكلام دة صح والا غلط
ENG:-Mohamed Gamil
System Engineer
-
بص... غالبا كدة المشكلة ليها علاقة بحاجة كهرباء
ممكن فيه مشكلة فى كتاوت او فيوز الطلمبة و بيحصل فصل لدايرة كهرباء الطلمبة و دة بيخللى العربية متدورش
عموما اول حاجة اكشف على شرارة البوجيهات... خلللى حد يدور العربية و انت خالع سلك من سلوك البوجيهات و مقربة لجسم الموتور... لو فيه شرارة بتنط من السلك للموتور تبقى دايرة الكهرباء تمام (هى البوجيهات بقالها كام الف متغيرتش؟؟)
بعد كدة اسمع صوت الطلمبة لما تفتح كونتاكت و اتاكد انها بتزن... و كمان اتاكد انها بتحضر ضغط عن طريق فك خرطوم البنزين اللى خارج من الفلتر و شوف بيخرج منة بنزين ولا لا لما بتفتح كونتاكت ( بقالة قد ايه الفلتر متغيرش؟)
MMamdouh
-
والله يا بشمهندس محمد العربية موديل 2008 وعامل 15000 كم بس وفي التوكيل قولي ان البوجيهات علي وفلتر بنزين علي 20000 كم وانا بعمل الصيانة علي طول في التوكيل ( ومش عارف ممكن اعملها برة والا لا ) علي العموم العربية بدور بعد محولتين مش ما بدورش خالص وياريت حضرتك لو تعرف اي حل تقولي علشان انا مفروض اسافر القاهرة انهاردة وارجع تاني علشان شغلي فهل في حاجة لو سفرت كدة والا اية علشان انا مش هقدر اروح التوكيل انهاردة وبعدين انا بروح توكيل الا في المعادي يعني عايز يوم اجازة
شكرا جدااا علي معلوماتك القيمة والمفيدة بالنسبة ليا كشخص جديد غي السواقة وعالم العربيات
ومعلش سوال تاني انا عارف اني طولت عليك اعذرني لو عايز اجيب ارستكير بتاع الموقع اجيبوا منين من القاهرة او اسكندرية بحكم شغلي وان سكان في القاهرة - فيصل وفي الاسكندرية - المنتزة
-
بص اعتقد المشكلة ممكن تكون من البوجيهات... فكها نضفها و ركبها و شوف لو فيه تحسن
اعتقد فيه موضوع مثبت بالقسم العام فى اماكن توزيع الستيكرات... انا معايا بس انا فى ميدان لبنان ووسط البلد
MMamdouh
-
طيب انا اسف جداا علي الاسئلة الكتير ازاي افك البوجيهات علي انا لسة بتعلم
-
لو ماتعرفش تفك البوجيهات بلاش
علشان لو جيت تركبها و السن ملص منك هاتدخل فى دوامه كبيره خلى حد متخصص يبص عليها احسن
-
لو كدة يبقى بلاش لحسن تقطع سلك من سلوك البوجيهات... ممكن ميكانيكى يبصلك عليهم
MMamdouh
-
ده احتمال كبير عيب بوجيهات وديها لميكانيكى هيعملها وانت واقف
-
أحتمال كبير يكون عيب فى جودة أتصال فيشة حساس الكرنك.........
-
اولا شكرا كل الاخوة للاهتمام بموضوعي والرد علية
انا روحت يوم الخميس قبل ما سافر وكشفت علي العربية في مركز عمار في الاسكندرية وكشف عليها بجهاز وقلي ان العيب في الحساس مش في البوجيهات وطبعا معني كدة اني ان شاء الله هوديها التوكيل بس لما اجي اعمل صيانة ال20000 بس حاجة غريبة من ساعة ما كشفت عليها .... العربية ما عملتش كدة تاني خالص وبدور كويس جداا
-
خللى بالك لا يغيروا الحساس وخلاص فى التوكيل.... ......لأن الحساس عندك سليم (بدليل أن العربيه بدور أصلا ) والعيب فى جودة أتصاله ......ولو حنى غيرولك الحساس بواحد جديد ....برضه حينظفوا النتايه تانى بتاعة الفيشه بتاعته ......وكده مش حينوبك ألا خسارة تمن حساس واللى عندك أساسا كويس.....وعاوز يتنظف فيشته بس......فيجب تجربة الوضع ده الأول ....................
-
انا من ساعة ما كشفت علي العربية وثبت الحساس او ضغط علية والعربية ماشية كويس جدااا ومحصلش معايا اي حاجة لحد دلوقتي بس حتي لو روحت التوكيل العربية لسة عاملة 16500 كم يعني داخل الضمان يعني المفروض يتغير علي حسابهم
ممكن حضرتك تقولي ازاي انضف فيشة الحساس مع العلم اني لسة بتعلم
-
حقولك على حاجه يابشمهندس : محمد ......طالما العيب راح بعد ماثبت أتصال الحساس كويس ......فسيبها ماشيه ....وأهو كده أنت عندك خلفيه لو حصل نفس العيب تانى .....وعلى رأى أخونا :المهندس / خالد سبعاوى donn`t toutch any thing working good وكلام منطقى جدا
-
والله يا بشمهندس سمير انا كنت عايز اعرف ازي نظف الفيشة فقط للمعرفة والاستفادة
-
ياباشا الطريقه سهله خالص ( وأنا قولتلك بلاش دلوقتى علشان مكانها متعب ......ومش فى متناول اليد بسهوله )......عموما أى فيشه كهرباء لنظافتها ( الدكر والنتايه )......بيتم برش النصفين بعد فصلهما بالألكتروكلينر ( أسبراى بحوالى 8 جنيه ) طالما الفيشه مش مصديه ولا بها أى آثار عدم نظافه جيده وزيوت مثلا ( ولو فيها صدأ يبقى بالـــــــwd40 )......وبعد كده التقفيل الجيد ......وخلصت
-
بس حساس الكرنك عبارة عن مغناطيس... معتقدش تنظيفة هو شخصيا حيفرق فى حاجة
MMamdouh
-
تمام هو مغناطيس .....وملناش دعوه بيه نفسه .....الكلام على الدكر والنتايه فى منطقة الأتصال بين الفيشه والحساس ( لما بيحصل ) bad contact بتحصل الأعراض السابق ذكرها فى الموضوع........لأن أشارة الحساس مابتروحش لوحدة التحكم ( ومن غير أشارة الحساس ده ) زى ما أنت عارف المكنه مش حدور............
-
شكرا يا بشمهندس سمير علي المعلومات القيمة دية
-
الله يخليك يابشمهندس : محمد
Content Relevant URLs by
vBSEO 3.6.0 PL2