أنا عارف إن حب الرينو لما بيضرب في واحد بيشل تفكيره
لكن يا ريت نخرج بره الصندوق و نبص تاني
ميجان و لا A5 و لا فيكترا ؟
من حيث الأداء ( سحب و سرعة)
الفخامه و الرفاهية
النعومة علي الطريق
قطع الغيار الأصلية و الوكيل و إمكانية التعامل بره بره بدون الحوجة ليهم
و يا ريت لو حد ساق التلات عربيات فعلا خبرته هي الي تحترم أكتر
و شكرا
أنا ما جربتش غير الميجان فمقدرش أقارن
بس داخل أقول إني ضد صيانة العربية خارج التوكيل (وجهة نظري الشخصية) اللهم في حاجات بسيطة زي مثلا تغيير تيل فرامل و لكن عن دراية و سؤال من أثق فيهم , و السمكرة و الدوكو لأن عندي الصنايعية اللي مش بتعك .
و شكرا.
انا جربت الاوكتافيا والميجان طبعا
بص يا باشا:
1- السرعة: الميجان
2- الشكل ده اذواق بس رياضي الميجان كلاسيكي الاوكتافيا
3- اداء رياضي: الميجان
4- فخامة: ميزة الاوكتافيا موضوع التكييف الخلفي ووسع الشنطة
5- الراحة والاتساع: الاوكتافيا اوسع من جوا بس بامانة ربنا قعدة كرسي السواق في الميجان احسن من الاوكتافيا خصوصا مع السفر انا سافرت بالاتنين الميجان كانت اريح كقعدة
6- الثبات: الصراحة الاتنين ثابتين
7- الصيانة: الاتنين ممكن يتصلحو بره لكن ميزة الميجان اكتر ان مراكز الصيانة المعتمدة اكتر من الاوكتافيا ده غير ان توكيل الميجان افضل
من الاخر العربيتين محترمتين جدا لكن الاوكتافيا ذات طابع كلاسيكي والميجان ذات طابع شبابي
١- رينو ميجان
1600-115 Hp
أقل سعر - أعلى كماليات - أفضل توكيل
قطع غيار جديد واستراد منتشرة خارج التوكيل
٢- اوكتافيا A5
1600-102hp
أفضل قيمة - أقل فالكماليات - فتيس ٦ ناقلات حكاية - معرفش نظام ارتوك -
٣- فيكترا
1600-105hp
سعر معقول- موديل توقف إنتاجه - قد تواجه مشكل في قطع الغيار فالمستقبل نتيجة عدم إنتشار العربية
بتوفيق
انا سوقت الميجان الهتش باك 2006 هى كويسة بس هتلى واحد بيفهم فيها بصراحة خراب بيوت والمشكلة قطع غيرها غير متوفرة بالمرة وفبر فى كل حتة يعنى لو واحد حب يزعلك هيجيب كتر او موس ويعملك تعديلات على مذاجة ضعيفة جدا بس رفاهية رائعة وتكنولوجيا كويسة جدا بس مكلفة لانةا مبتعش خالص سواقة مريحة لكن تجميع مفيش عربية مش بتاعت جرى
a5 عربية ممتازة وانا متحيز ليها جدا وسعة ومريحة وكمليات كتير تتناسب معاها وسوقتها نعمة جدا سحبها احساس فقط لا غير فخمة من حيث الشكل
قوية الى حد ما كمليات لا بأس بيها احد عيوبها صوت المتور عالى وبيدخل للكبينة عزل الصلون عن المتور سىء جدا شنطة وسعة جدا جدا بس عيوب التقفيل بتبان فيها بصرعة فى حجات كتير بتتخلع وبتبوظ تقفيل تشيكى
الفكترا 2008 ممتازة من حيث الشكل لكن تجميع فى الحيط جدا تقفيل المانى 100 فى 100 ودية ميزة حلوة جدا وتعتبر اكتر كمليات وابشن فى التلاتة ووسعة جدا من جوة وشنطة وسعة بس مشكلها تكمن فى الفتيس الجديد قلى معظم الناس بتعملة اكنة اتومتك وهو مش كدة خالص الجير الجديد مش متناسب مع الشعب المصرى وكمان الوكيل ذى الذفت وبيفهموش حاجة زيوة زى توكيل رينو الزفت افضلهم توكيل السكودا بس بتدفع كتير اوى اوى اوى
رحنا نغير زيت فتيس للكوتفيا دفعنا 1175 جنية لية مش عارف سرقة علنى
على العموم انا برشح الكتفيا للاسباب الاتية
1- متوفر ليها قطع غيار خارج التوكيل بكثرة
2- فى امامك اختيارات سواء الاصلى او التيوانى او الصينى
3- فى ناس كتير بتشتغل فيها برة التوكيل
4- فى منها استيراد بس غالى شوية
بس تعتبر الارخص فى كل شىء وانا متحيزلها جدا جدا لونى بحب الاوبل جدا بس الواحد يقول الحق بردة
بس مشكلة 3 عربيات فى اعادة البيع
1- الميجان 2006 جيبها 140 او 120 مش فاكر اوى بتتباع بحوالى 50 60 وللاسف محدش بيبقاء عايز يشتريهاء
2- الاوبل فكترا 2008 ب160 بتتباع مستعملة بما يقرب 100 الى 125 على الاكثر
3- الوكتفيا 170 الهاى لين 2008 بتتباع بما يقرب ب120 الى 135 لا اكثر وطبعا فى حالات شازة بس انا بتكلم على الخسارة المادية
ففى النقطة دية قلى يجيب زيرو ميفكرش يبيع عشان ميخسرش لان السوق فى النازل
والله شكرا لتوضيح المعلومات دي مع إني ليا تحفظات عليهااقتباس:
المشاركة الأصلية كتبت بواسطة tamertamer
1- الميجان مافيهاش حاجة فيبر زيادة عنهم غير الرفارف و ده بيقولو انه بيخف الوزن قدام و يقلل الحمل علي المساعدين زي البي إم الجديدة
2- اعتقد انها الوحيدة فيهم اللي واخده 5 نجوم اختبارات تصادم
3- الأوكتافيا انا اعتقد ان أهم ميزة فيها عنهم الفخامة بس انت قلقتني من حكاية العزل
4- أنا عموما من المعجبين جدا بالفيكترا بس هل كل الفتيس اللي مش مانيوال نظامه ايزيترونيك؟ يعني مافيش تبترونيك أو ستيبترونيك؟
5-اللي شفته فيه قطع غيار من أنواع و بلاد مختلفة فعلا زي ما قلت الأوكتافيا بس كمان الرينو فيه فرنسي و تركي و أسباني و تونسي
يا ريت حد يطمنا علي قطع غيار الأوبل فيكترا 2008 بره
لو كنت عاوز حيادية اكتر روح قسم المقارنات وانا هجيلك هناك برده واقولك اوبل فيكترا
الأوكنافيا بلا شك جيده جداً بس برضوا الأوبل مالهاش حل و محبتش الينو خالص
الميجان :
رفارف فيبر
وكيل كويس
مش بتاع جرى ..
و معلوماتى مش كتيره عنها لان محصليش شرف التجربه ..
اوكتافيا :
عربيه ممتازه جدا
وكيل محترم
موتور رايح فى النوم و ملوش مزاج يجرى ..
فيكترا:
قطع غيرا فى الحرفيين و ارخص من الاوكتافيا ...
وكيل مش كل فروعه كويسه
موديل 2008
اكترهم كماليات و تناسب مع السعر
سحب افضل من الاوكتافيا و موتور عصبى ..(لسه مجربينها النهارده و خلصنا فيها بس لسه مستلمناش)
الفتيس مجرد فتوى من الشعب المصرى ..
و ان شاء الله شويه و هعمل موضوع عن الايزى ترونيك ..و هقول فيه كل حاجه ... ده غير التقييم الشامل عن العربيه ...
اى استفسار عن الاوكتافيا او الفيكترا انا تحت امركو..
من حيث الاداء .................. الميجان تكسب فى الاكسشليرايشن اما السرعة القصوى فااالاوكتافيا والفكترا
من حيث الفخامة .................. الاوكتافيا تكسب دى من وجهة نظرى لان اكيد فى اعاضاء ليهم وجهات نظر اخرى
من حيث الرفاهية .................... الاوكتافيا تكسب بردة
الاوبشنز .................... على حسب انهى فئة لو بتتكلم فى الفئة بتاعة 159 الف يبقى الفكترا تكسب لكن لو فئات اعلى االوكتافيا تكسب
النعومةعلى الطريق ................ الاوكتافيا بعد 120 مية مية اما الميجان من الصففر لحد 150 مية مية اما الفكتر فماجربتهاش
التوكيل ................. توكيل اسكودا اوحش توكيل نصابييين اما توكيل الميجان فهو احلى واحد بصراحة اما توكيل اوبل فهو حلو اة بس غالى جدا جدا جدا
اما التعامل برة االتوكيل ................. ينفع مع الاسكودا حلو اوى الميجان لأ صعب علشان تكنولوجيا المحرك معقدة جدا جدا
حرررررررررررررررررررررررر ررررررررررررررررررررررررر ررررررررررررررام علبك بجد بجد بجداقتباس:
عيوب التقفيل بتبان فيها بصرعة فى حجات كتير بتتخلع وبتبوظ تقفيل تشيكى
رغم انها تقفيل تشيكى لكن اسالنى انا لانها معايا واسال خالد اسمن
العربية تحفة من حيث التقفيل بجد تقفيلها روعة ومفيش حجاة بتبوظ قيها دى كمان ممكن تعتبرها نص نقل
اما بالنسبة للعزل فهو سى فعلا لكن الصوت بتاع الماتور بتاعها حلو مش وحش قبيخليك مستتمتع بية
انا بختلف معاك جدا لان العربية تعتبر معاية هى مع واحد صحبى فسقتها كتير محافظ عليها زى عنية وفى حجات وقعت حاجة تحزن وفى حجات اتفككت مش عربية تعد 10 سنين مسكة نفسهاء ضد الشمس وخلافة غير الخمات قلت كتير عن زمان وهى وجهت نظر واستخداماقتباس:
المشاركة الأصلية كتبت بواسطة Fadi Ezzat
بصراحة انا بختلف فى موضوع الرينو دة دة توكيل عايز ضرب النار انا لية واحد صحبى جاب مجموعت عربيات فرنساوى وهى 2 ميجان هتش باك بنوراماء فول ابشن 2 سى فور 1 بيكسو 1 بيجو 307
السى فور افضلهم سواء فى قطع الغيار سواء فى حجات كتير لكن الاسواء الميجان بلاء شك مع معصرة للكلام دة رحت التوكيل عندة حجات كتير كانت بتنور الناس هناك كانت معلية صوتها من قلى بيحصل جوة دة تهريج فى قطع غيار كتير مش موجودة ولا جوة ولا برة كمان وقليلة كمان وغلية جدا جدا جدا جدا جدا ودة انا شفتة بعينى ومحدش يقنعنى بغير كدة لانى ببساطة شفتة بعينى بصراحة انا عجبانى البكسو اوى وبعز العربية دية اوى بتحسسنى انى اعد فى الانطرية
انت دلوقتى العربية مش بتاعتك لكن دى بتاعتىاقتباس:
المشاركة الأصلية كتبت بواسطة tamertamer
يعنى مش مجربها
لأ دى قاعدة معايا طول النهار رغم انى استعمالى قاصى
الا انها لحد دلوقتى مافيش حاجة منها وقعت
ولا حصلها اى حاجة وانا بحترمها جدا بحرتمها رغم انى هابيعها بس
مازلت احترمها
لان عمر ما عربية عمرت معايا غيرها
بص دة رئى وممكن انت كلامك يكون فى نوع من المجملة عشان عربيتك بس على فكرة انت لو شفت ردى فوق هتلقينى متحيز للوكتفيا مفيش عربية مفيهاش عيوب وانت سقتهاء كتير اوى وعرفها كويس اوى وانا اتكلمت بحيادية تامة انا مليش مصلحة فى حاجة انا بحكى عن تجربة على عنية يعنى الكلام دة حصل فى فترة انا كنت معصرهاء وربنا يحفظلك عربيتك ربنا يزودهالك انت مش عيزك تكون زعلاناقتباس:
المشاركة الأصلية كتبت بواسطة Fadi Ezzat
انا ياتامر من الناس الحقانييناقتباس:
المشاركة الأصلية كتبت بواسطة tamertamer
يعنى مش بتاع حب للعربية والكلام دة او اتحيز ليها
الكلام دة كلة مااليش فية
لكنى فعلا ياتامر عمر مافى عربية استحملت معايا كدة بجد
على فكرة انا بابا هيبعها خلاص وهيجيب باسات
يعنى حتى العربية لو مش اصيلة وهابعها اكيد هوم فيها
صح ولا انت اية رايك
ايه الجمال ده يا عمرو رد شافى وافى كافى استمر بقوه علشان تحجز مكانك فى التشكيل انا بتفق مع كل الكلام ال قالوا الوحوش بس عايز ازود ان الفكيترا الشكل الأخير لم تبيع بالشكل الكافى نتيجه اخطاء منصور فى الشكل السابق المتمثله فى قطع الغيار غير المتوفره و الأسعار الفلكيه لقطع الغيار و المشكلات التى ظهرت بالسياره بالنسبه للفكيترا انا لم يعجبنى الصالون الداخلى و وضعيه كرسى السائق وبالنسبه للأوكتافيا عربيه حلوه بس صالونها ضيق جدا بالنسبه للميجان وده رأئى رجليا بتتحشر مكان السائق او ال جانبو بتخبط فى التابلوه و لورجعت الكرسى بقيت كوبيه خلاص المشكله الأكبر الناس بتبع الأوكتافيا علشانها هى التوكيل شفيق جبر باع عدد مهول من العربيات و مش عايز يتوسع عايز يبيع بس و مفيش غير مركز صيانه واحد ال فى غمره وعلى زحمه غير طبيعيه واحد صحبى علشان يعمل صيانه ال 60 بيت العربيه 3 ايام تخيلوا وقطع الغيار الغير متوافره الحمد الله احنا فى نعمه
أخيرا تمكنت من إيجاد الموضوع ده
http://www.nilemotors.net/Nile/showthread.php?t=46062
أنا بس حابب أوضح حاجة....مش معنى إن سعر الفيكترا فى حدود منافسات الميجان تبقى هى من ضمن الفئة دى...و إلا الأسترا بتعمل إيه فى الدنيا ؟؟
و على كل أنا كان ليا حظ تجربة قيادة الميجان و ال A5 لكن تعاملت مع الفيكترا برضه و كذا الأخت الصغرى فى عائلة أوبل " كورسا سيدان "....
أنا مش عارف أوجه المقارنة إللى صاحب الموضوع حابب يناقشها....يعنى مثلا هل التوكيل و سمعته ضمن أوجه المقارنة...؟؟ و هل السعر داخل فى المقارنة....لإن فيه فرق سعر كبييير بين الميجان و التانيين....بالرغم من إن الفرق بين العربيات لا يساوى إطلاقا هذا الفرق فى السعر...
إجمالا ...إللى بيجيب A5 مش هايستطعم الميجان و لا هاتعجبه إلا لو حد أعطاها له هدية....زى ما أنا مش هأحب ال A5 إلا لو جات لى هدية بالظبط...
#30e627
انا بصراحة راجل موضوعي شويةاقتباس:
المشاركة الأصلية كتبت بواسطة chato_eg
الشكل مش أهم حاجة بتهمني
يهمني أولا الأداء .. ثانيا الفخامة و الراحة علي الطريق و المطبات .. ثالثا الشكل
أعتقد كده لو أضفنا عامل السعر طبعا الميجان حتكسب لكن بفرض انهم نفس السعر ( حتتجاب من بره و الفرق مش كبير ) يبقي نختار إيه؟
باشا...إزاى تفترض إنك لو جبتها من بره تبقى نفس السعر
الميجان إللى فى التوكيل أعلى فئة ب 150 ألف أو أقل و فيها فتحة سقف و cruise Control ...
إللى قريبة منها فى ال A5 الخليجى ب 170 ألف...و من غير فتحة السقف لإنها بتنزل فى الموديل الأعلى
هو مربط الفرس فى إن الميجان لا تقل بأى حال عن ال A5 ....بل تتفوق فى جوانب الراحة و العزل الداخلى و الوزن الأخف...إنما الميجان أرخص و لها قطع غيار خارج التوكيل و ليها قطع غيار استيراد و السادة إللى مش مصدقين ممكن يراجعوا المواضيع المثبتة فى قسم رينو...
فأنا شايف إن فرق السعر الكبير ( 20 ألف جنيه على الأقل ) و ( 35 ألف لل Full Option ) لا مبرر له.. .إطلاقا
نيجى للناحية بتاعت الأداء..تقصد بيها إيه...سريعة و لا ثابتة على ملفات على سرعات عالية ولا معمرة ؟؟؟
الفخامة...بشهادة الناس كلها الميجان فخمة...لكن ليها أسلوب خاص فى توصيل الفخامة....ممكن تراجع الموضوع بتاع سر حب مالكى الميجان فى قسم رينو
الراحة و المطبات....أبصم بال 10 على إن الميجان أريح...دى حاجة مافيهاش نقاش إن العربيات الفرنساوى عموما أنعم و أطرى و أريح من الألمانى المشهور بقساوة التعليق علشان الطابع الرياضى و الكلام ده
يعنى الميجان أطرى من أى أوبل ركبتها فى حياتى من ال Corsa hatchback للفيكترا الجديدة...و كذا بالنسبة لل A5 و الجيتا...و لا حتى ال BMW الفئة الثالثة أطرى...
لا ينافس فى موضوع النعومة و الطرواة إلا اليابانى و كمان لهم مذهبهم فى ذلك...مش بنفس الشكل بتاع الأوروبى و ده موضوع خارج النقاش هنا
فى النهاية أرجع و أؤكد إن كل بنى آدم بيستطعم حاجة و له دماغ غير باقى البشر...إللى بيحب ال A5 ربنا خلق له ال A5 ...
و إللى بيموت فى الميجان....ربنا خلق له الميجان...
مش هاينفع كده تقارنها بالورقة و القلم و نحط مزايا و عيوب فى قوائم من أجل الوصول لقرار أيهما الأفضل....
لاحظ إن كل عيب أو ميزة له وزن معين و بيختلف من شخص لآخر
يعنى إللى شايف ال A5 ناشفة ...آه ناشفة بس مش كارثة يعنى
أنا شخصيا كنت متضايق جدا منها أول ما ركبت....و لما قعدت معايا شوية و رجعت تانى للميجان...تنفست الصعداء...أخيرا رجع عمودى الفقرى مكانه ..!!
و هكذا تتنوع وجهات النظر....فكل واحد له أولويات بالترتيب...و الحمد لله إن زمن احتكار شركة النصر ولى من زمان و أصبحت الدنيا وردى إلى حد ما و فى تنوع و اختيارات :w6266d
أنا بصراحة مش فاهم معنى الكلام بتاعك عن التوكيل ( رينو )...اقتباس:
المشاركة الأصلية كتبت بواسطة tamertamer
ممكن تفصصه و تفسره شوية لو مش هايزعجك...
يعنى إيه حاجات بتنور...و ناس معلية صوتها....و حكاية قطع الغيار إللى مش موجودة ياريت إيه إللى مش موجود و شفته فى الموقف ده....لإنى شخصيا كل حاجة لاقيتها لحد حتة بلاستيك صغيرة فى حجم عقلة الصباع بتغطى على مسمار المساحة الخلفية.....
و لو شايف إن قطع غيار الميجان غالية نار نار...ممكن نستعرض أسعار ال A5 و ال Vectra و لو حابب كمان ال Civic و بعدين نشوف مين إللى نار نار....لو الميجان نار ...يبقى الألمانى ده آتون متقد يشوى الأكباد
حكاية البيكاسو إللى مريحة فى القعدة...بالتأكيد طبعا....جربت بقى تقعد فى ال scenic ؟؟
تمام كده و أنا حاسس انك راجل منطقي زي حالاتي بس انا مش متحيز قوياقتباس:
المشاركة الأصلية كتبت بواسطة chato_eg
العربية من بره و حتفضل بره شوية و الفرق بينهم الف أو ألف و 500 دولار بالكتير
بس انا مضايقني تقفيل الميجان و الدنيا بتقشر من جوه و حاجات تانية بسيطة .. بس علي رأيك .. اربع خمس الاف تركب حاجات و محتاجات و برضه انت الكسبان
على فكرة....الزميل محمد مصطفى..صاحب المشاركة رقم 3 ...عمره ما دخل التوكيل فى مصر...عربيته خليجى و بسم الله ماشاء الله و صل لمسافة 100 ألف كيلو...
تفتكره يعنى إنه مش بيصلحها و لا بيشترى لها قطع غيار ؟؟؟
أنا بس حابب ألفت أنظاركم إن موضوع إللى معاه ميجان بيحتاس بيها بره التوكيل دى إشاعة فقط....و بعدين يعنى لو تكنولوجيا الموتور معقدة فى الميجان...هل فى المقابل ال a5 ممكن أعمل لها عمرة فى ورشة الأسطى بلية مثلا....كل العربيات دى النهاردة محتاجين ناس متدربة و فاهمة تشتغل فيها
1500 دولار فرق فقط ( 8000 آلاف جنيه ) ....العربيات دى 2000 سى سى و لا 1600 محل الكلام ؟؟؟اقتباس:
المشاركة الأصلية كتبت بواسطة hegazio