-
علبة الشكمان الامامية
انا مركب شكمان تيربو صوتة حلو جدا ومش عامللى اى مشاكل خالص صوتة هادى ورنان
المشكلة عندى فى العلبة الامامية حاسس ان صوتها ابتدى يعلى وبيدى احساس وحش جدا كأن العربية بتشتغل بالسولار
عاوز اكشف عليها يمكن محتاجة تصليح او تغيير ......بس ياريت مش عاوز حد يشتغلنى عشان اغير وخلاص
ياترى اغير العلبة دى فين واى نوع افضل وبكام تقريبا ؟؟؟؟؟؟؟؟
ولو فى حد فى وسط البلد يكون افضل بدل ما اروح لغاية الحرفيين
ولو فى الحرفيين افضل ياترى هم بيفتحوا لغاية الساعة كام بالليل ؟؟؟؟؟؟؟
-
انت اكشف الاول على العلبة عند اى حد بتاع شكمانات ممكن يكون علبة الفلتر مخرومة لان العلبة دية بيبقى اسمها علبة الفلتر ووظيفتها انها بتكتم الصوت اللى خارج من الماتور وبتنقى عادم الماتور
وساعات بتبقى العلبة نفسها ضربت من جوة فلازم تغيرها وهى تمنها كلها تقريبا 30 جنية والراجل بيفك اللحام وبيلحمها وبتتكلف حوالى 20 جنية تركيب يعنى قول كلها على بعضها 50 جنية الاماكن بقى معرفش مين اللى كويس وبعدين انت ماتورك كام سى سى عشان العلبة هتختلف مقاستها من ماسورة كبيرة لماسورة صغيرة فخلى بالك كويس عشان ماتجيبش حاجة وماينفعش تركب وبردة اكشف على الشكمان كلة لعدم وجود ثقوب فة ماسورة العادم
والانواع النضيفة حاول تجيبها سميكة يعنى العلبة تقيلة عشان مش اى خبطة تأثر فيها وتكون متقفلة حلو دة لو معمولة يدوى عشان عندك فى جاهز وفية معمول على حسب مقاسات العربية ولو اى حد من الاخوة الاعضاء يعرفوا مميزات اكتر ياريت يفيدونوا
-
علب الشكمان بتختلف فى سعرها من عربية للتانية.
أبقى بص على حاجة أسمها جوان الفرن و برضه شوف ممكن تكون العلبة مخرومة وعاوزة لحام بس.
أنا كنت بتعامل مع واحد فى الحرفيين من زمان فى عربية e30 أسمه مطراوى.....بس هو غالى شوية عموماً.
و أعتقد أن الحرفيين كلهم مش بيقفلو قبل 10 بالليل.
Content Relevant URLs by
vBSEO 3.6.0 PL2