-
لخبراء ومالكى الماتيريا
ممكن اعرف منكم بس بعض المعلومات عن العربيه
1- اخبار العربيه من عفشه وموتور
2- قطع الغيار اسعارها ايه وهل موجوده بره التوكيل
3- استهلاك البنزين
وممكن اعرف ايه الفرق بين الى ب 90الف جنيه
و 102 الف جنيه
وممكن اعرف اسعا الماتيريا 2007 مستعمله تعملها كلم لو السعر كويس
ومستنى ردودم
-
1- العفشة ليست ناعمه ولا خشنه
2- الماتور يعتبر اداءه جيد جدا
3-قطع الغيار هناك ساعراه مناسبه وهناك اسعرا عاليه مقارنة بالعربيات المثيلة لها
ولكن قطع غيارها من الصعب ان تجدها بره التوكيل وده خاص بالماتيريا
4- استهلاك البنزين يعتبر جيد
5- ماتيريا 2007 مستعمله متهيألي هتبقى في حدود 70 الف حسب الحاله
انا على ما اعتقد ان الموديل اللي هو بــ 90 الف معدتشي موجود اساسا
-
مشكور جدا بس كنت عايز اعرف ايه الفرق بين الكانت ب 90 الف و 102 الف اصلى فى واحده 2007 مانيوال وفيها ايرباج وكاسيط cd mp3 فكنت عايز اعرف ايه الفرق
-
الفرق
- جنوط
- نظام Abs و Ebd للفرامل
- أتوماتيك
- فوانيس شبورة
مش متذكر الا دول
-
بص يا باشا انا معايا ماتيريا اوتوماتك 2009
العربيه من الاخر زى الفل واختيار ممتاز
اولا العفشه مش ناعمه اوى وبرده مش ناشفه حجر وده كويسه اوى فى الاستابلتى
موتور العربيه جامد اوى واى بالنسبه لحجمها 1500 سى سى بيولد 105 حصان تخيل انا معايا الاوتوماتك والله والله مش بحس ابدا ان معايا اوتو خالص العربيه بتجرى جرى افترى وسحبتها سبقت بيها اوبترا والنترا والاتنين 1600 السحبه جامده اوى انا بحس انى بلزق قى الكرسى وبرجع لورا من الطلعه بتاعتها
العربيه استابل محترم جدا جبت بيها 170 وكانت زى الفل معايا فى الغرز حلوه اوى وبيبقى شكلها تحفه وانا بجرى بيها دا كلام صحابى اللى بيكونوا فى عربيه تانيه جنبى او ورايا
العربيه من جوة واسعه اوى اوسع عربيه فى فئتها
نيجى بقى كدة لقطع الغيار ودة اوحش شئ فيها انا شايفها غاليه والاوحش انها مش متوفره بره خالص انا سألت ناس معاهم ماتيريا فى التوكيل ونا بعمل صيانه ال 5000 اتكلمنا فى الموضوع دة فقالى انه يعرف ناس فى الحرفيين عندهم حاجات ليها وباسعار حلوة اوى زى العتب وشويه حاجات كدة انا اخت رقمه وقالى لو فى حاجه لاقدر الله اكلمه وهينزل معايا
استهلاك البنزين وده من احلى الحاجات فيها بتشمه بس وبتطير
بالنسبه للموديل اللى ب 90 الف مش بينزل فعلا
دلوقتى اللى بينزل نها موديلين واحد مانويل كامله ودة ب 102 ونص
والتانى ب 109 ونص ودة اوتوماتك كامله
وفى الاخر يارب اكون قدرت افيدك
Content Relevant URLs by
vBSEO 3.6.0 PL2