اريد النصيحة قبل السفر الى شرم

**ah-gawad** · 14-05-2009 08:27 PM

اريد المعونة اخواني بالمنتدي لمساعدتي في اتخاذ القرار السليم باذن الله حيث اني امتلك سيارة لانوس1 موديل2000 بحالة جيدة و اريد السفر بها الي شرم الشيخ و انا من الاسكندرية و انا متخوف من التجربة حيث اني لم اسافر بالسيارة لابعد من القاهرة . يا ريت من لديه تجربة مماثلة او يستطيع افادتي برأيه ان يقول لي هل ممكن السفر بالسيارة كل هذه المسافة بأمان علي السيارة دون اعطال طارئه ممكن تحدث نتيجة طول المسافة و كذلك ما هي الاحتياطات اللازم اتخاذها و عملها قبل السفر باذن الله ( يعني ازاي اطمن علي قدرة السيارة للسفر ) للعلم انا اسافر بها القاهرة بدون اي مشاكل و لله الحمد . و اخيرا جزاكم الله خيرا

**piezo** · 14-05-2009 09:58 PM

شوف الميكانيكي الي انت بتتعامل معاه يعملك كشف علي العربيه الخراطيم بتاعة دورت التبريد و البوجيهات و فلتر البنزين و شوف الزيت عايز يتغير ولا لا وكشف علي العفشه و بس كده وتروح و تيجي بالسلامه انت و هي ان شاء الله

**Akram** · 15-05-2009 12:51 AM

و كمان اكشف على الحاجات المستهلكة كل فترة و لو قربت تنتهي يبقى غيرها ,
زي البوجيهات و سلوك البوجيهات و تيل الفرامل و فلتر الهواء و اعمل تنظيف للإنجكشن و شوف السيور اخبارها ايه .

**amegoo75** · 15-05-2009 02:00 AM

بص غير زيت واطمن على البوجيهات واطمن على السيور وبص على الكوتش واطمن على الكوريك ولازم يبقى معاك جركن مياة وزيت الباور وزيت الفرامل وبص على التيل وتسافر وترجع بالف سلامة فى رعاية الله .

**ehab4367** · 15-05-2009 01:23 PM

مفيش كلام بعد كدة...

**ah-gawad** · 15-05-2009 02:00 PM

فعلا الانسان غني باخوانه جزاكم الله خيرا جميعا

**kareembelal** · 15-05-2009 02:25 PM

انت بتتكلم في مسافة 993 كيلو متر تقريبا ودول مش صعب اعتقد

يعني تقريبا 10 ساعات بالاستراحات يبقي توكل علي الله فقط شيك علي العربية قبل السفر واهم حاجة الكاوتش

والزيوت والسيور

**Drift_Lover** · 15-05-2009 02:31 PM

انت بتتكلم في مسافة 993 كيلو متر تقريبا ودول مش صعب اعتقد

يعني تقريبا 10 ساعات بالاستراحات يبقي توكل علي الله فقط شيك علي العربية قبل السفر واهم حاجة الكاوتش

والزيوت والسيور

+11111111111

طالما سافرت القاهره مره واتنين ومافيش مشاكل... يعني حوالي 400 كم ذهاب إياب...
يبقي شرم مش حتفرق.
إهم بس بالصيانات الدوريه و تجهيزات المشوار بالظبط هي تجهيزات القاهره اسكندريه الصحراوي... إعمل حساب الميه. وغير زيت قبل ما تطلع. وأكد علي الاستبن والكريك وشنطة العده. ومنسوب الزيوت والمياه. وتوكل علي الله.

**elrasy** · 17-05-2009 02:29 AM

اهم حاجة لو هتعمل الصيانات دى تعملها قبل السفر بفترة لا تقل عن اسبوع مثلا علشان لو فى حاجة اتعملت غلطت تبان قبل السفر ,,
وتروح وتيجى بالسلامة

**Samah AbdAllah** · 17-05-2009 04:22 AM

مااعتقدش فيها مشكلة العربية لانوس حلوة وبتسافر مش بيجرالها حاجة المهم تكون كل حاجة سليمة وتمام
اعمل شيك اب عالعربية بالكامل وتوكل على الله
توصل بالسلامة ان شاء الله

الموضوع: اريد النصيحة قبل السفر الى شرم

LinkBack

أدوات الموضوع

عرض

-

-

-

-

-

المواضيع المتشابهه

امامي اسكورت 98 للبيع اريد النصيحة

اريد النصيحة من اهل الخبرة فى اكسارا بيكاسو

سيينا 2008 اريد النصيحة

اريد النصيحة فى شراء سيارة جديدة

كوفر--بديل لشنط السفر---اريد شرائة

الكلمات الدلالية لهذا الموضوع

المفضلات

المفضلات

ضوابط المشاركة