سؤال عن بلف التاكيهات و نقص في الزيت

العربيه اللي معايا اكسنت نفس شكل الفيرنا فيفا
المشكله هنا ان عندي استهلاك البنزين عالي و العربيه علي طول بتسقف و بحط بنزين 92

و الزيت جربت موبيل و توتال 5000 و بلاقي الزيت بيقل معايا شوية كويسن مع الفحص و اللف علي الميكانيكيا قالولي العيب في الزيت و كل شويه اجرب نوع زيت مختلف

بعد فتره بفك انظف البوابه اكتشفت داخل المانفول (الثلاجه) زيت و اعتقادي ان دا سبب نقص الزيت

كشفت الزيت دا بيوصل للمانفول ازاي

لاقيت في بلف واصل بخرطوم للمانفول من الماكنه و لقيته بايظ تنفخ فيه من الناحيتين بيطلع هواء المهم جبت و احد مستعمل و حطيته و لقيت مشكله الزيت هيا هيا


جبت و احد من كام يوم من التوفيقيه و ركبته لسه مجربتش هيسحب قد ايه من الزيت بس بفك الخرطوم اللي علي المانفول فوق لقيت عليه برضه نقط زيت


وانا بشتري البلف دا الراجل كتبلي في الفاتوره بلف تاكيهات

مش عارف بقي اعمل ايه في مشكله الزيت دي و الميكانيكي بيقولي سبب التصقيف بسبب الزيت الللي علطول في المانفول

وياتري بدام في زيت بيطلع للمانفول من البلف دا يبقي في حاجه مش مظبوطه في التاكيهات و لا ايه

الموضوع دا مش فاهمه كويس ياريت حد يوضوحه لنا

او أشيل الزيت اللي في المانفول ازاي

انا بقول للميكانيكي نشيله بحته قطن قالي لا سيبه و هوا هيتاكل مع الماشي بالعربيه


معلش بقي طولت عليكم

العربيه انجيكشن موديل سنه 2000 و 1500cc هيونداي اكسنت (فيرنا فيفا)

المفروض يا باشا انت كده عنك مشكله فى بلف غطا التاكيهات بمعنى البلف ده مهمته اخراج ضغط الهوا الزائد من فوق غطا التكيهات على المنفو عشان يطلع مع العادم و ده اتجاه واحد و عباه عن بلف جوا غطا التاكيهات مش خرطوم بس و فيه خراطيم زى الأوبل البلف جزء منها بيطلع الهوا بس و مبيسحبش زيت و على ذلك انت عندك تنفيس فى البلف ده يؤدى إلى مشكلتين هروب الزيت من اضعف نقطة و هى البلف و المشكله الأكبر نقص الزيت
ازاى تتأكد بقى من القصة دى تفك الخرطوم ده و تحطة جوه ازازة و اعمل فيها خرم صغير يطلع الهوا و لف على الفتحة شريط لحام لقيت فيها زيت تنزل تجيب بلف غطا تاكيهات مالقتش يبقى المشكله من حاجة تانى - اه متنساش تعمل فتحة و تطلع خرطوم للمنفو عشان العربية متتلخبطش و خليه فوق مستو الخرطوم الأول عشان الزيت ميحصلوش و يعمل نفس المشكله
بالنسة للتنظيف بلاش قصة القطن دى هات منظف كربتير او انجكشن و رش لغاية ما ينضف خالص و جرب و الله ولى التوفيق

شكرا علي الرد

بالنسبه للبلف انا اشتريت و احد جديد غير المستعمل اللي انا جايبه و موضوع النظافه جربت موضوع منظف الكربراتير لكن لسه فيه زيت جوا

بس دلوقتي مادام بيطلع ضغط الهواء الذائد مهوا ممكن مع الحركه يحدف زيت مع الضغط الهواء دا

و هوا اتجاه واحد يعني بيخرج الهواء ناحيه المانفول و برضه ممكن يرمي الزيت ناحيه المانفول برضه

مش عارف الموضوع مش راضي يدخل دماغي

طيب هوا المكان اللي بيكون في البلف دا بيبقي في زيت ولا مفروض ميبقاش فيه زيت عشان لو يبقي فيه زيت يبقي طبيعي انه يطلع زيت علي المانفول و لو مفروض ميبقاش فيه زيت يبقي ممكن في عيب خلي الزيت يروح للمنطقه دي اي و جود تسريب

شكرا علي الرد

متابع بإهتمام